Ýüregim...

ÝUREGIM

Men oňa bardyram diýmezdim.
Nämädir zardyram diýmezdim.

Uşesem elimi ýylydardym.
Aglasam gözümi süpürip,
Gülsem içimi tutardym.
Ýogsa, gulki nire, garyn nire?
Gözmüdir aglaýan?
Ol üşese ýylajakmy ellerim...
Ýorganyňdan ne peýda, ýarym,
Üşeýärka ýüregim?
Zerreden örýän ömrümi
Hazan ýeli sowurar.
Ýürege ýeten sowuklyk
Ony ýandyrar, gowurar.
Eý dost!
Iýen lukmamyň halaly ýaly,
Rahatlyk getir.
Ondan tiken deý sogur haramy
Ýuregiň getir,
Ýürege hemaýat belki ýürekden ýeter.
Ýok,
Ony halas et diýip zulmatdan,
Ýalbaraly Allaga.
Gulaga dost sözleri,
Göze jahan ýagtysy bes,
Has Uly Nur gerek kalba,
Ýogsa köşeşmez,
Galany hoş owaz, galany boş ses...
Men ona bardyram diýmezdim,
Nämädir zardyram diýmezdim...

Halap, okaýan şahyrlarymdan, Ylýas Amangeldiniň goşgusy...
Başda näme diýjek bolanyny aňmadym, soň täzeden okasam....Gözümden ýaş damanyny duýman galypdyryn...