Tussag...

<span class="Apple-tab-span" style="white-spaceblumre">

Tussag
Adam ömrüniň tussagy. Adam, içinden şeýle bir zat isleýär welin edil şuwagtky ýaşap ýören durmyşy dünýäň iň baý şekli hem bolsa, özüni tussag ýaly görýär. Men özümi tussag ýaly görýän; ýurdyň tussagy, pulyň tussagy. Eline kelepçäni diňe türmedäkiler dakanok, men şol kelepçäni ýüregime dakypdyryn, söküp aýryp bilemok. Ýüregim türmedäki tussag ýaly, hakykaty tapmaga tussag şu günümde. Men geçmişimi gözleýän, geçmişim hem maňa garaşýar gelejegimde. Näme üçin adamogly mydama geçen, yzda galan ýatlamalaryny, süýji arzuwlar bilen mydama ýatlaýar, arzuwlaýar? Ýagyş biziň şäherimize ýagmasada, gün mydama parlap dursada, meň ýüregim mydama bulutly, aýazly ýagmyr meň giň döşümi mydama ölleýär. Men ýazyň ilkinji günlerindäki akja gar ýaly eräp, kirli suw bolup akyp barýan. Hökmänmyka düzgüne görä ýazmak. Ýüregim isleýşi ýaly ýazasy gelýä, sözleri agladasym gelýär, ýüregim aglaýar, ýada begenýän, kapyýalary begendiresim gelýär. Umyt edýän, mydama ýüregimde sönük köz ýaly umyt besleýän, düýplerde bir ýerde üsti küllerden doly ýüregimiň bir böleginde ýatyr ol  ody sönmedik köz. Şol köz, eý köz, meni halas etjek bu tussag durmyşdan diňe sen. Şol közi täzeden tutaşdyrmak şeýle kynmyka. Ýekeje dilegim bar, ‘Haýyrlysy bolsun’  sözüni döşümde ezýän daş ýaly göterýän şu günlerimde, maňa begenç berjek, ýüregimi doldyrjak, halas etjek nämekä diýip mydama pikirlenýän. Näme üçin agşam bolanda, öýe baramda, odama giremde göze uky girmeýär, hamala ol gözler birini arzuwlaýan, birin gelmesine garaşýan ýaly, ýitigine garaşýan ýaly göze uky girmeýär. Kitaplarda, internetde, ýada sagatlarda gözleýän ol ýitigimi. Nämekä ol duýgy, näme üçin beýle. Seret, goşgyda nähili teswirleýär şahyr, “Ankaraya öyle yakisirdiki kar, yollar isildar, buz tutar resmi yalanlar”. Meň günälerim hem buzyň ýollarda ýalpyldaýşy ýaly, ýüzümi betnişan edip soldyrýar. Şu haty ýazmak üçin hökmän bahana ýa bir sebäp bolmalymy? Islesem ýazyp bilmeýänmi, içimi kagyza döküp bilmeýänmi. Indi içiňi dökmägede rugsat ýok ýüregi tussaglar üçin. Beýdip ýazyp ýörseňem, hökümete garşy gelýäň diýip hakyky türmä sokýalar. Asudalyk üçin göreşen şahyrlar tussag, ýüregini wasp edenler tussag bolmadymy? Maňa günler näçe çalt geçsede, türmede minudyň tapawudy ýok aýdan. Şol bir durmyş, şol bir gün, şol bir ýer we ýurt.
Bir damja suw ber eý çöl, senbir göwün etme. Galmady elimde hiçzat, ýurdym ýykyldy.Biziňem gara günümize şükür eý dost,Bizem begenýäs aram, kän gynansakda.Bizem her adam ýaly söýýäs, Söýgä mynasyplary,Ýüregim agyrýanam bolsa, göwnüm hem daryksa.
p.s. Grammere ýada ýazyş şekline tankyt ýazjak bolsaňyz, gerek däl, ýazyp otyrmaň ýada ýazmaň. Ýüregimiň dilinde ýazan zadymy üýtgetmeýän, bezemeýän, terjime etmeýän.