ANNASOLTAN KEKILOWADAN BIR ŞYGYR

Men köp daglar hakda gürrüñ edemok,

Bu gezek wasp edýân Köpetdagymy.

Eneden dogamda,başga daglar dâl

Bilýän,

Eşidipdi diñe şu daglar,

Ilkinji,

Pâkize,

Çaga agymy...

Indi men ýetişip,syn edýân bu gün.

Türkmen daglarynyñ gözelligine.

Göwnüme bu daglar eýlenen ýaly

Aý şöhlesi bilen jöwzaly güne.

Hanha,güne ýanan guraksy daşlar

Keserlişip dem alýarlar belentde,

Ol ýerde bir wagt gurap gidipdir

Ýabany güljagaz,

Ýabany ot-da.

Aşakda çeşme  bar,

Bilbil bar,

Gül bar.

Aşakda boý alýar müñ dürli agaç.

Bu ajap gözellik,

Arman...

Etekde

Daglañ gerşi belent,

Başy ýalañaç.
Ýalañaç --- diýip,

Gyýa bakyp geçâýmek

Añsat dâldir,

Daglar köpi ýatladýar.

Kâ ýyldyrym çakyp,

Turanda tupan,

Ýylçyr gaýalaryñ güýçli ýel öper.

Şuwlar...

Mukam dörâr gaýalarynda,

Daglañ gudratyny duýarsyñ şonda.
Etekde ýene-de çeşmeler joşýar,

Etekde al-ýañak almalar bişer.

Sen lezzet alarsyñ görüp daşyndan,

Görersiñ,gözellik dörânligini

Şu gojaman daglañ ýylçyr başyndan

Hem bolsa asmandan seýrek düşýândir,

Şonda-da daglarda gujur,güýç kândir.

Belentdir,

Mertdir,

Ýylçyrdyr başy,

Emma eteginde gül açar bagy,

Seredip otursañ,şundadyr asyl,

Bâbekkâm agymy diñlân daglaryñ

Meniñ üçin eziz,aýratynlygy.
BU GOŞGYDA SETIRASTY NÂHILI PIKIR BAR