Toyotam menin

Dahodym üýşürip hem bergä batyp
Arzuwlap ýeten toýotam meniň.
Hiňlenip aýdymna gazyna basyp
Gözlerden ýiten toýotam meniň.

Gelnaljy toýlarda şapyrdyk dakyp,
Depilen opelleň içini ýakyp,
Gelinli lükgäniň yzyna basyp,
Hemmeden öň gelen toýotam meniň.

Boşan öküz dek öňe dyzaýaň,
Žiguli görseň syrtyn direýäň,
Leksusly geçäýse tormuz daraýäň,
Maşyn tanaýan toýotam meniň.

Köp gai senden “patent” alandyr,
Günde günaşa jübä salandyr,
“Kireýim ödäňok” diýsem ýalandyr,
Günlügim ýetiren toýotam meniň.

Gaýraky gyzy alyp gaçypdyň,
Şeýdip Daňňynyň bagtyn açypdyň,
Içgilikäm pogonlydan gaçypdyň,
Spasaýt eden toýotam meniň.

Bagažy dolduryp kärendä gatnap,
Ýadyňdamy? Bileje arenda gatnap,
Gumaşak ýollarda filtriň gaýnap,
Şondada öýe erten toýotam meniň.

Saňa goşgy besläp ýazasym geldi,
Asfaltda krugy ýasasym geldi,
Tekizjek ýolda basasym geldi,
Sygyrdyp kişňeden toýotam meniň.

Syrtyňa bassaňda, ölçäňok ýüküň,
Gazyňa bir degrip çekdigiň ýüpüň,
Gönümel at salýaň ümledip ýüzüň,
Häsiýeti bedewden toýotam meniň.

Açyp ýapanlar kändir gapyňy,
Kimse ýuwaşdan, kimse gatyňy,
Aňzak aýazda görüp şatyny,
Doňakdan çykaran toýotam meniň.

Japbak boldy, indi artyk öwünme,
Ýalňyşaýsaň, maşynyňa sögünme,
Ýaşyl ýansa swetoforda säginme,
Gyrat häsiýetli taý atym meniň,
Şatlykly, hesretli, toýoootaaaaaam meniiiň...