Estrada ýyldyzy Nury aradan çykdy
Türkmen estradasynyň tanymal aýdymyçysy Nurmuhammet Meredow 5-nji dekabrda agşam 38 ýaşynyň içinde arada çykdy. Bagşy 6-njy dekabrda Ak bugdaý etrabynyň Magtymguly daýhan birleşigindäki Seýit Jemaleddin öwlüýäsinde jaýlandy.
Nury 1990-njy ýyllaryň başynda özüniň ýerine ýetiren estrada we halk aýdymlary bilen ýaşlaryň we ýaşuly nesliň arasynda uly meşhurlyk gazanyp başlaýar.
Nurmuhammet Meredow heniz 19 ýaşyndaka Türkmenistanyň garaşsyzlygynyň ilkinji ýylynda geçirilen “Ýaňlan Diýarym” bäsleşiginiň ýeňijisi bolýar.
Nury Meredow ilki başda ussat bagşy Akmuhammet Saparowyň şägirdi hökmünde tanalan hem bolsa, soňra ol öz estrada ýoluny döretmegi başarýar. Häzir oňa öýkünip aýdym aýdan bagşylar barmak basyp sanardan köp.
Türkmen aýdym-saz sungatynyň ýyldyzy Nurmuhammet Meredowyň repertuarynda 1000-e golaý aýdym bolup, onuň aýdymlary toý bagşylarynyň arasynda iň köp aýdylýan aýdyma öwrüldi.
Magtymgulynyň sözlerine döredilen “Hezret Alydyr”, “Muhammet”, “Ýagşydyr”, tejenli Aga Teke şahyryň sözlerine döredilen “Ýetende”, “Bolmasa”, “Garratma meni”, Azatlyk Radiosynyň žurnalisti Aşyrguly Baýryýewiň sözlerine döredilen “Razy men bu dünýäden” ýaly Nurynyň ýerine ýetiren onlarça aýdymlaryny ýaşuly nesil hem höwes bilen diňleýär.
Iki ogluň, bir gyzyň atasy Nurmuhammet Meredow gysga ömründe halypa hökmünde ykrar edilip, dünýeden ötdi. Onuň aradan çykandygy baradaky habar ýyldyrym çaltlygynda il arasyna ýaýrady.
çeşme: www.azathabar.com
Arşivin durumu
● Tam metin
● 67/67 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 6 Mayıs 2012 · Orijinal sayfayı gör ↗
Yorumlar 67
Kechpelek sazyny chalyp bilyaniniz bamy?
Halypanyñ ýatan ýeri ýagty, jaýy jennetden bolsun!! Eshidip gaty gynandym. Beýik adamdy. Estrada sungatynda öñüne geçip biljek ýokdy. Halkyñ söýgüli bagshysyna öwrülipdi. Sada oglandy, ulumsylyk, hondanbärsilik oña düýbünden ýatdy. Hemishe halk bilen biledi. Käbirleri ýaly restoran saýlap ýörmezdi. (Mes: Annush, Parahat, Kerim, we sh.m.) Oba toýlaryny uly höwes bilen sowup bererdi. Käteler aýdymy ikindinara bashlap, dañdan dörde çenli aýdardy. Pikir edip görüñ, 10 sagat durman. Görýäñizmi, nähili talant!!
Ýatan ýeri ýagty bolsun!!!
Imany hemra bolsun!!!
Bagyshlañ, näme üçin mowzuk plýus 6 dan geçmeýär! +60 bolmaly ahyry! Halypany sheýle sylaýasmy biz? Al, dost, menden bir plýus mowzugyña. Sagja bol dost, paýlashanyña!
@ sawyer men paylaşmagymyn sebabi halypan aradan çykanyna ynanyp bilman yörenler bady şolar üçin paylaşdym.
yatan yeri yagty bolsun!
Yzynda galam mashgalasyna Allah kuwwat bersin
yatan yeri yagty bolsun Iman baylygny bersin Allajan yzy yarasyn men on bilen suratada dushupdum bir wagt kichi wagtym gaty erbet gynandym !! :( :( :(
@asuda munam copy paste etdim 😆 uklap yöremok men bilyan sen bilyan men bilmeyanler üçin paylaşdym muny. gözini açyp okan bolsan aşakda yazdym çeşmesini,bulam meng copy paste edenimi angladyar.
onsanam bu habarda dine halypan öleni aydylanok. barde ginişleyn habar bar
yatan yeri yagty bolsun imany hemra bolsun oahyr gowy aydymlary bardy turkmenlerin karollarynyn icindedi on aydymyny 7den 70 e herkim dinleyadi
Gaty görme welin, seniñ shu edýäniñ bolanok, gardash! Halypa Nury Meredow hakynda näçe tema açsañam, azdyr. Goy, 100-läp, 1000-läp açylsyn, shonça-da az bolar! Nury Meredow ýaly zehinli bagshy türkmen halkynda barmak basyp sanaýmalydyr. Juda azdyr. Biz ussatlary näçe köp ýatladygymyzça, shonça-da olaryñ ruhy shat bolar. Imanly bolsun, Nury agam!
Ýeriñ entek-entekler gädiler durar, halypa...
Yagshy arden at galar. Imany hemra bolsun
erbete ýagşy adamlar ,ýaman adamyñam gowy tarapyny aýtjak bolýar,ýaman adam ýagşy adamlaryñ ýeke kemçiliklerini aýdýar, geliñ teswirdeşler merhum bagşymyzyñ ýagşy amallaryny aýdalyñ
Alla rehim etsin!
Imany hemra bolsun.
wah agamjan gaty gynandym iman hemra jayng jennet bolsun nuryjan.nuryjan sungat diylyan zady seng aydymlangdan owrendim.agamjan seng aydymlang hch hachanam kalbymzdan chykmaz
shu wagtjyk youtubda aydymyny dinlap mashgalasy bilen dushen suratyny gorup otyrdym, gaty gynandym. Allajan iman baylygyny bersin. Yatan yeri yagty bolsun. yakynlaryna sabyr bersin. Beyik bagshylardan biridi pahyr.
Yatan yeri yagty imany bolsun...
ay Nury halypa uly bolmalydamay ya hakykatdanam 38 yashyndamyka?
pahyryng yatan yeri yagty,jayy jennetden,imany hemra bolsun
Wah wahey. Menä gaty gynandym.
Yatan yeri yagty bolsun. Imany hemra bolsun.