AÝALYŇ WE BAŞGA BIRI
Aýalyň başga birin oňat görse, halarmysyň?
Meselem, sen oň ýanyna baryp gyşarjak bolsaň,
Oň ýanynda başga biri arkaýyn ýatan bolsa,
Aýalyň oň üstüne ýüpek ýorgan ýapan bolsa,
Aýalyň saňa hiç haçan aýtmaýan hoş sözlerini
Dilini dagam aýnadyp, başga birne aýdyp dursa,
Senem ýaňky başga birne gaty-gaýrym söz aýdaýsaň,
Aýalyň ýüzün çytyp, çyny bilen gaty görse,
Aýalyň oň derdinden kän jebir, kän şaty görse,
Ýa-da onuň eşiklerin hapalap ýetişmänkä,
Aýalyň ýuwup dursa,
Ýa-da onuň özüni çyp-ýalaňaç edäge-de,
Aýalyň wanna salyp, mylaýym suwa düşürse,
Oň saçlaryn ýüpek ýaly bolynça,
Sabynlap ýuwup dursa,
Bazardan seniň puluňa iň oňat almany, nary,
Pomidory, hyýary,
Aýalyň oňa getirse,
Saňa dagyn birjiginem "iýäý" diýip uzatmasa,
Ýaňky seniň aýalyňa aýdan iňin etdirip,
Buýran ýumşun bitirtse,
Sargan zadyn getirtse,
Şeýdip gözüň alnynda
Seň söýgüli aýalyň
Üstünden höküm sürse,
Ýa-da olar iki bolup,
Saňa häkimlik etse,
Etjek alajyň barmy, hernäçe namysjaň bolsaň,
Hernäçe gaharjaň bolsaň,
Mumly ýüplük ýaly borsuň ýa her näçe dogmuň bolsa,
Eger ýaňky hökümdar seň iň körpeje ogluň bolsa.
ATAMYRAT ATABAÝEW.
Arşivin durumu
● Tam metin
◐ 30/46 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 17 Mayıs 2012 · Orijinal sayfayı gör ↗
Yorumlar 30
Arşivde 46 yorumdan yalnızca 30 tanesi korunmuş.
:) 1hilek boldylay bu. Minnetdar Kab aga!
Gowy yazypsyn...
Huadyja hemmengize goçak goçak ogullar nesip etsin...
Hudayjan
Shu temany Negrodayy- da acypdy. Gowja tema.
gowja ekeni))) :)
Goshgynyn ortasynda dushundim chaga hakynda gdyanligni;)
hawa mene ozal $o taydan okapdym. gowy yazylypdyr.
Bashy nejisje ekeni :)
okap otyrkam bildimay 6u oguldyr diyip
okap otyrkam bildimay 6u oguldyr diyip
ykeje yagdayda grashy chykmazdym.eger ayalymyn mendenem gowy goryani gayyn enesi bolsa yagny ejem bolsa.....bashym gurban bolsyn ejem jana......ondan beterragem,kopuragem hyzmat edilse azdyr oma....
Bä, menä soñy erbet gutarar pikirde okap otyrdym,gaty gowy tema
ufff sonyny okap yuregm ginap gitdi:-) bashda ayalyny yigrendmem:-)
mana komek gere agyalar pyotr I-in dolandyryan yyllarynda Rossiyanyn icheri we dashary syyasaty atly temadan kursawoy yazmaly kim shonyn turkmenche wersiyasynyn nirede bardygyny bilyar
Menem biriniñ körpeje ogly.körpe bolmak gatybir gowam däl.
Betje tema ekeni onem bir yerde eshdipdim oza
Sonuna yetyançem mundanam bir mowzuk bormy diydim yöne sony ajayıp
Sonuna yetyançem mundanam bir mowzuk bormy diydim yöne sony ajayıp
Chukcha kitaphanalardan soraymasañ, chukchalaradagy kitap nämä gerek :D ($utkadyr dost)
Chukcha kitaphanalardan soraymasañ, chukchalaradagy kitap nämä gerek :D ($utkadyr dost)