in erbet dushmanymyz

  Șeýtan
Göz bilen görülmeýän, ýöne bardygy anyk bolan, azgynlyk we erbetlikde çenden aşa giden, tekepbir, asy, ynsany azaşdyrmaga çalyşýan jyna şeýtan ady berilýär. 

Kurany Kerimde ilkinji şeýtanyň Iblisdigi aýdylýar. Iblis Rabbine garşy gidip, Onuň buýrugyna boýun egmedik azaşan jyndyr. 
«Hany, Biz: «Adama sežde (tagzym) ediň» diýip meleklere emr edipdik. Iblisden başga hemmesi sežde etdi. Ol ýüz öwrüp, gedemlik etdi-de käfirlerden boldy», (Bakara, 34). Bu aýat Iblisiň melek däldigini görkezýär.
«...Iblis jynlardandy. Ol Rabbiniň emrine garşy gitdi», (Kehf, 50), aýaty bolsa, onuň aslynyň jyndygyny anyk görkezýär. Iblis Allaha ybadat edip, derejesini beýgeldip, melekleriň derejesine göterilýär. Soňra bolsa isýan edip, bu mertebesini ýitiripdir. 

 Melek we jyn ýaly, duýgy organlary bilen duýulmaýan, ýöne bardygy Kurany Kerimde we sahyh hadyslarda anyk habar berilýän şeýtan, hezreti Adamyň palçykdan, özüniň bolsa otdan ýaradylandygyny öňe sürüp, ondan has ýokary derejededigini aýdypdyr. Șonuň üçin, ol adama sežde etmän, Allahyň lagnatyna uçraýar we Onuň huzuryndan kowulýar. Șeýdip, Adama we onuň nesline duşman bolýar. Ynsana ýigrençden doly şeýtan ilki Rabbinden kyýamata çenli ýaşamaklyga rugsat soraýar. Allah Tagala Iblise we onuň zürýatlaryna ynsany dogry ýoldan azaşdyrmaga, olary erbetlige ugrukdyrmaga kyýamata çenli rugsat berýär. Rugsat berlenden soň, ol küfrüni aç-açan yglan edýär. Kurany Kerimde onuň bu haly şeýle suratlandyrylýar: «Iblis şeýle aýtdy: «Sen meni (Adamy ýaratmak bilen) azgynlyga uçratdyň, men hem olary azaşdyrmak üçin Seniň dogry ýoluň üstünde duzak gurup oturaryn. Soňra arkasyndan, öňünden, sagyndan, çepinden ýakynlaşyp, olary azdyraryn. Sen olaryň köpüsini şükür edenleriň hatarynda görmersiň», (A’raf, 16-17). Has soňra şeýtan hezreti Adam we ýanýoldaşy Hawwany ýalňyşdyryp, olaryň jennetden çykarylmagyna sebäp bolupdyr. 

Șeýtan ilkinji ynsandan başlap, tutuş ynsana erbetligi, küfür we günäleri bezegler bilen bezäp olary hak oldan daşlaşdyrmak üçin elinden gelenini gaýgyrmaýar. Her ynsanyň bir şeýtany bardyr. Pygamberimize-de musallat bolan bir şeýtan bar eken. Ýöne Allah Tagalanyň kömegi bilen onuň şeýtany musulman bolupdyr. Allahyň görkezen dogry ýolundan daşlaşmak, gadagan eden zatlaryny amal etmek, şeýtana pursat bermek diýmekdir. Allah Tagala şeýtana garşy mü’minleri oýaryp, oňa tabyn bolmazlygy isleýär. Kurany Kerimde şeýtanyň ynsana aç-açan duşmandygy aýdylýar: 

«Șeýtan şübhesiz, siziň duşmanyňyzdyr. Siz hem oňa duşman boluň. Ol özüne tabyn bolanlary diňe ataş ählinden bolmaga çagyrar», (Fatyr, 6). Ýöne şeýtanyň yhlasly mü’minlere täsir edip bilmejekdigi hem aýdylýar:

«Kurany okajak wagtyňyz kowlan şeýtandan Allaha sygynyň. Aslynda ol şeýtan Allaha sygnanlara täsirini ýetirip bilmez. Ol diňe özi bilen dost bolanlara we Allaha şärik goşanlara täsirini ýetirer», (Nahl, 98-100). 

 Dünýäde ynsany hak we hakykatdan daşlaşdyran şeýtan ahyretde hem ony etmişleri bilen ýalňyz goýjakdyr. Șeýtanyň olara berjek jogaby Kurany Kerimde şeýle suratlandyrylýar:
«Iş bitirilenden, ýagny, kyýamat gopup, höküm edilenden soň, şeýtan olara şeýle ýüzlener: «Allah size hakykaty wada berdi. Men hem size wada berdim, emma sözümden dändim. Aslynda mende size zor edere güýjüm ýokdy. Men diňe sizi küfür we isýana çagyrdym. Siz hem meniň çakylygyma ylgap geldiňiz. Onda meni günäkärlemäň. Özüňizi ýazgaryň. Ne men sizi, ne-de siz meni halas edip bilersiňiz. Men öňem meni Allaha şärik goşmagyňyzy ret edipdim. Elbetde, zalymlar üçin elemli azap bardyr», (Ibrahim, 22). 

Ýer ýüzünde ýagşy bilen erbet, haýyr bilen şer, iman bilen küfür arasyndaky göreş kyýamata çenli dowam eder. Ýagşylygyň ýanynda melek, erbetligiň yzynda bolsa hemişe şeýtan bardyr. Ynsan Allah Tagalanyň özüne bagyş eden erk-irade güýjüni ýagşy ýolda ulanmagy ýüregine düwüp yhlas etse, bu barada Allahyň ýardamy tejelli eder. Ol amaly işlemek üçin özünde güýç we kuwwat tapar. Șer we erbetlik ýoluna düşse, şeýtan derhal onuň ýanynda häzir bolar.

menina in erbet dushmanym, oz-ozum...

Gowy mowzuk sgja bol

Gow mowzuk haladym Tanryyalkasyn!

Salam! Teswirlerde melekler, şeýtan barada aýdylyp geçildi. Indi hormatly dinden başy çykýan agzalaryň biri pygambeler barada mowzuk açaýsa.

salam dost o temada bolmaly yzyrakdan gozlap gor

Hi4 bir zaman uyma ona...

Hi4 bir zaman uyma ona...

Resulallah öz
 sahabalary bilen üýşüp oturan eken. Daşardan bir ses gelipdir: «Öý eýesi,
 içerdäkiler, maňa öýe girmäge rugsat berermisiňiz» diýip. Resulallah «Açyň
 gapyny, giriň» diýipdir. Ol lagnat siňen şeýtan eken. Şeýtan öýdäkilere şeý diýip
 aýdypdyr: «Allatagala maňa emr etdi. Gamgyn we zelil halda Muhammediň ýanyna
 bararsyň, näme sorasa dogrusyny aýdarsyň. Eger ýalan goşaýsaň seni kül ederin»
 diýdi diýip.

Resulallah:-Halkyň
 arasynda iň ýigrenýäniň kimdir?

Şeýtan:-Sensiň,
 ýa Muhammet.

-Halamaýanyň,
 duşmanyň?

-Özüni Alla
 ýolunda bagyş eden ýaş ýigit, sabyrly adam, şübheli işlerden saklanýan alym,
 tämiz adam, şükürli baý.

-Ymmatym namaza
 duranda seniň halyň?

-Şonda meni
 ysytma tutýar.

-Roza tutan
 wagtlary nähili bolýarsyň?

-Agzaçara çenli daňylgy
 galýaryn.

-Gurhan
 okanlarynda nädýäň?

-Ol pursatda
 ereýärin.

-Sadaka
 berenlerinde?

-Sadaka berýän,
 göýä bir byçgyny alyp, meni ikä bölýän ýaly.

-Seniň iň ýakyn
 ýoldaşyň?

-Meniň
 aýdanlaryma eýeren.

-Dostuň kim?

-Zyna eden.

-Ýatak ýoldaşyň
 kim?

-Serhoş.

-Myhmanyň kim?

-Ogrular.

-Ilçiň kim?

-Gözbagçylar.

-Kalbyňy gyrýan
 zat näme?

-Alla ýolunda
 urşa ylgan atlaryň kişňewi.

-Jismiňi näme
 ereder?

-Toba edenleriň
 tobasy.

-Jigeriňi näme
 paralar?

-Gije-gündiz
 Allaha edilen dilegler.

-Gözleriňi kör
 eden nämedir?

-Agşam namazy.

-Seni işiňden
 näme alyp galýar?

-Alymlaryň
 mejlisi.

-Alladan nämeleri
 talap etdiň?

-On zady talap
 etdim.

1.Maňa ynsanlaryň
 arasynda bolmaga.

2.Öý bermegini
 diledim welin, ol hammamlary öý hökmünde berdi.

3.Bazary-mesjit
 hökmünde berdi.

4.Ýatakdaş
 deregine-serhoşlary.

5.Azan
 deregine-aýdym-sazy.

6.Kitap deregine
 azdyryjy goşgulary.

7.Kömekçi
 deregine maňa meňzeşleri berdi.

8.Gardaş diledim:
 baýlygyny biderek ýere, haram işlere sarp edýänleri berdi

9.Ynsan
 ogullarynyň gan damarlaryny maňa ýoda etmegini.

10.«Men ynsan
 ogullaryny göreýin, olar meni görmesin» diýip diledim.

Şeýlelikde,
 Allatagala maňa ähli islänlerimi berdi. Meniň bilen bolanlar seniň bilen
 bolanlardan has kändir. 

-Eý, şeýtan,
 seniň toba edip, Allaha dönmegiň mümkin dälmidir?

-Ýa, Resulallah,
 bolan zatlar we berlen höküm laýykdyr. Karary ýazan galam hem gurady. Kyýamata
 çenli boljak işler boljakdyr.