irki goşgylarymdan

Deňär ýaly zadam ýok, Dakar ýaly adam ýok. Gözlem bir seni görýä, Senden başga adam ýok. Gülseň ýaňakda çukur, Sende hyýal, oý, pikir. Seni günde bir gezek, Görýänime müň şükür. Aladam ýok beýle bir, Duý ýüregmi el degir! Seni ýüregme guýup, Söýüpdirin şeýle bir. Her geleňde mes bolýan, Görküňe höwes bolýan. Ynanýaňmy men seni, Özümdenem gysganýan. ...................... Sen saçyňy çözüp gez, Sen örüp gez saçyňy. Menem saňa syn edip, Sowadaýyn içimi. Alyşypdyr sulhumyz, Gowy ähli gylyklaň. Menden şahyr bolarmy, Eger göwnüňi ýyksam? Seni görsem gowşaýan, Ýitýä ähli dogumum. Başymy çaşyran gyz, Halyň niçik gowumyň? Ýazylmadyk goşgym sen, Beýnim çüýrär waspyňda. Men nireden bileýin, Hyýaldaky bagtymyň Ýaşaýanyn wah munda? Ýazmyrat Çörli ...