Goýmaň aşygyňyzy haýrana, GYZLAR...Melekleri mydam söýüň OGLANLAR!!!

Sizsiz şygyrlaryň maňyzy bolmaz, Sülgün deý sypatly nurana, gyzlar. Sizsiz bu dünýäniň gyzygy bolmaz, Jahanyň gelşigi, görkana, gyzlar.   Her biriňiz sähram ýaly lälezar, Heriňizde müňläp süýji arzuw bar. Size baksa ýürek gaýnar bagtyýar, Beslenip çyksaňyz seýrana gyzlar.   Siz köp gursaklaryň armanysyňyz, Wysala ýetirjek permansyňyz. Aşyk ýürekleriň dermanysyňyz, Gol beren siz güýçli lukmana, gyzlar.   Bu ne gyşdyr, bu ne ýazdyr közüňiz, Bu ne apat, ýakyp barýar näziňiz. Ah, käteler aşa geçip özüňiz, Goýmň aşygyňyzy haýrana, gyzlar.   Goý, bagtyňyz bolsun wysaldan doly, Dünýä begres ýaýyp, gül düşän ýaly. ... Joşup birje şygyr döretsem häli, Sizem bezeg boluň dessana, gyzlar. Söýgi bir saz bolsa, dolup çar yana, Ýaňlanar siz bolup mukam oglanlar! Gyzlar bir gül bolsa, ýagyp a:l baga, Ýa bilbil, ýa bagbanmyka oglanlar?! Bilmezden öldürip dörän söýgüni, Alaçsyz gam- gussa batar oglanlar. Tapsa birden...