Shahyrlaryn dushen guni..

Geçen gije ýene elim kitaply uklap galypdyryn. Çagalygymdan bäri aň girip,  gözim görüp,  köňil berenim kitap. Kitapsyz ulalan çaga suwsyz yetişen agaja meňzeýär.
Kitaplar ummanynda ýüzip , henizem aňyrsyna çenli çykyp bilemok. Kitap - akylyň
dermany, çaga bilesigelijiginiň soraglarynyň hemmesine diýen ýaly kitapda jogabyny tapdym. 

Ýöne ýere kitaba adamyn ölmejek dosty diýilmeýär. 

Kitaplar barada näçe aýtsaň aýdyp oturybermeli, ýöne meniň etjek bolyan gürrüňim kitaplar barada däl. Şahyrlar barada. Ýazyjylar barada . Olaryň düşen güni barada. Döwrümizin krizisi barada . Eger-de kitaby adamyň ýerine goýsaň , onda olara "huday" diýsegem öte geçdigimiz bolmasa gerek... 
 Bu günem,  adatdakysy ýaly işe gitmek üçin awtobusa mündim. Hemişeki ýaly hyryn-dykyn awtobus.      
Awtobusda gitmek beýle bir erbedem däl.  Ir bilen kimsi işe, kimsi okuwa, kimsi bazara  alňasaşyp barýanadamlary synlap gitmeginem özboluşly lezzeti bar. 


- Ýol üçin bilediň bahasyny töle goja! - diyip birden batly çykan konduktoryň sesipikirlerden alyp çykdy, sakga öwrulmegime sebäp boldy. 

- Şu wagt pulym ýok gyzym, indiki duralgada düşjekle..  guzym !-  nätanyş gojanyň sesinaýynjar çykdy. 


Bu goja dört müçäni arka atana meňzeýär.Sakgal-murtunyň çirkizilmedigine bir-ki hepde boluberen bolsa gerek. Egnindäki egin eşikleri bolsa gojanyň sosial ýagdaýynyň
öwerlikli däldiginden habar berýärdi...


- seni düýnem mugt mündürdim,sen goja gadyr bilmez ekeniň, bu gün salam-heligiňem ýok!Pulyny tölärsiň!


- gaýrat et gyzym, ýagdaýyma düşinjek bol..

 - gaýraty öýüňdäkiň etsin! Gaýrat bolmaz! Pulyňy tölemeseň awtobus ýerinden gozganaýmaz.Süriji awtobusy sakla!


Awtobus saklandy, işli- işine, okuwly - okuwyna howlugýan mähelle gowur tapdy. 

- Hiç kimiňem artykmaç puly ýok. Işlärler, işýakmaz diýsänim.. - diýip gapdalda durandolgun ayal goja gyjalat berdi. 


- Men işýakmaz däl , men döredijilik adamsy. Men şahyr, ýazyjy. Eýýam näçe ýyldanbäri özüme laýyk iş tapamok.- gojanyň gözleri ýaşardy, bogazy doldy.

Dolgun aýal jogap bermäge hyýallandy, ýöne yzda duran epeý pýadanyň biri jedelin uzaga
çekmegini islemedik bolarly. Gojanyn egninden tutdyda awtobusyn gapysyndan pyzyp goyberdi. 

Ine şahyryn güni, ine "hudaýlara" hormatymyz...