NÄHILI LAKAMLARY BILÝÄŇIZ?

Türkmen halkynda adam adynyň yzyna lakam ýelmemek ýörgünli. Lakam beýleki halklarda hem bolsa bardyr welin, edil bizdäki ýaly däldir. Bu esasan-da ýaş oglanlarda köp. 
Her lakamyň öz taryhy bolýar. Adamyň hüý-häsiýetlerine, hereketlerine, beden gurluşyna, özüni alyp barşyna we ş. m. görä lakam dakylýar.
Lakamyň häsiýetli aýratynlygy lakam dakylan adamyň köplenç ýagdaýda täze "adyndan" nägile bolmagydyr.
Lakam üçin uruş-gykylyk bolmagyna garamazdan, onuň köpçülik üçin peýdaly ýerleri hem bardyr. Meselem, "Haýsy Çary?" diýen soraga "Çary kezzap" diýip jogap berseler, soralýan adamyň nähili-de bolsa bir häsiýeti aýan bolýar.
Adamyň lakamy soňlugy bilen onuň nesilleriniň familiýasyna hem öwrülip giden ýerleri bar. Körow, Tyrrykow, Keltäýew ýaly familiýalar mysal bolup biler.
Umuman, lakamlar türkmen halkynyň özboluşly bir milli aýratynlygy bolup, ylmy taýdan öwrenilmäge mynasyp bir zatmyka diýýän.
Geliň onda şu mowzukda bilýän üýtgeşik, geň-taň lakamlarymyzy ýazalyň! 
Başyny özüm başlaýyn. Aman burun lakamly birini tanaýan. Ady özüne şaplaşyp dur. Burny susak ýaly, ýüzüniň ýaryny tutup dur. Edil burnuna emedekläp girip gidibermeli diýilýänlerden.