GÜÝZ (goshgy)

Güýz gelip, ýodalar ýadapdyr juda,

Sergin säherlere duman inipdir.

Ýapraklar çalaja shemala ôwsùp

Gaçjak bolup çybyklara ilip dur.

Güýz gelip, bulutlar ýitirip ýoly

Güneshiñ öñünden gidip bilenok.

Ýagysh gara dönüp ýagaýjak bolýar,

Ýöne nämüçindir ýagyp bilenok.

Güýz gelip, gijeler agraslanypdyr,

Gündizleriñ ýüzem saralan ýaly.

Bu günler derýadan üzülip galan,

Ýatyp galan suwlañ niçikkä haly?!

Öñki shagalañy küýsänok ýürek,

Ol ýeñil shatlykdan düshüpdir jyda...

Men seniñ ýanyña barardym welin,

Güýz gelip ýodalar ýadapdyr juda..