goshgy

Ýene güýz. Güýz bolsa saralýar
ýaprak,
Sary şemal ony tänderip geçýär.
Çaga dogran enä meňzeş bu
toprak,
Topragyň üstünden ömürler
geçýär.
Bar sary töwerek şeýle ajaýyp,
Bar sary töwerek ýalaňaç bu
gün.
Bu tämiz, manyly görnüşe
gaýyp,
Şoňa telwas edýär bu däli
göwün.
Ine, şu bag kimin ussatlyk bilen
Sypyrsam pikiriň ähli gabygyn.
Saklasam ruhumda geljek ýazy
men -
Şat baharyň ol hamyla gämigin.
Güýz paýhasy bilen pikir
öwürsem,
Ýazym gelse, ýagty pikir
dogursam.