Kerim aga / Jygyllykda bolan aydyshyk
- Ýaranlar, bu dünýäň peýany bolmaz
Bir manat berseňiz zyýany bolmaz!
- Bardyr, bu dünýäniň peýany bardyr,
Bir köpük bersegem zyýany bardyr.
Her kimiň öýünde çagasy bardyr,
Her kimiň öýünde aýaly bardyr
- Çagadan artdyrsaň zyýany bolmaz.
Aýaldan artdyrsaň zowaly bolmaz
Kimde-kim panyda ajy doýursa,
Bakyýa baranda sowaly bolmaz
- Açlaryň gyrmyzy ýaňagy bolmaz.
Sagdyn eli, sagdyn aýagy bolmaz.
Elinde aldawçy taýagy bolmaz.
Aýda bir geline talagy bolmaz.
Öýde gyzyl dişli Äşesi bolmaz
Amanat kassada pişesi bolmaz.
Jübüsi ýarymlyk …diýenem şoldy
“Gedaý” gözümizden ýitirim boldy.
Arşivin durumu
● Tam metin
● 24/24 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 18 Mayıs 2012 · Orijinal sayfayı gör ↗
Yorumlar 24
Kerim aga tuweleme aga ak gara gara diyen shahyrlarymyzdan soz yok
Häzirki zamanmy, öten zamanmy!
Ýa geljek zamanmy - bermezdim ünsem
Bu gün öten zaman işligne bakyp,
Ulydan dem alyp,
Otyrýan ümsüm…
Indi ençe ýyldyr,
Söýgi hakynda
Öten zaman bilen ýazýaryn şygyr.
Eý, Taňrym! “Söýýärin” diýmegiň ýerne
“Söýüpdim…” diýmeklik niçiksi agyr.
“Söýýärin sen gyzy, söýýärin!” diýip,
Goşgy ýazýan günlem düýndi-le weli,
Indi goşgy ýazsam “Söýýärin!” diýip,
Çykyp dur her ýandan her kimiň dili.
Goňşylarym diýýär: “Alty çagaň bar…”
Redaktor diýýär: “Saçyňam çap-çal.
“Söýýän! Söýýän!” diýip, gaýtalap ýörmek
Indi bu ýaşdan soň – gelşikli gep däl.
Özüňe-de nep däl,
Bize-de nep däl.
Dogry, dogry, entek ýaşyňam köp däl.
Bary-ýogy ýaňy ätläpsiň kyrkdan.
Şonda-da on sekiz ýaşly gyz bilen
Ýeri, aýt, nämişiň barmyşyn parkda?”
“A-haw, parka barýan meniň özüm däl,
Liriki gahryman! Liriki geroý!
Ynanmasaň ynha Mollanepesem,
Hanha Şipaçewem oka-da göräý-
Biri ýetmişinde, biri altmyşda,
Ikisem hemişe parkyň içinde.
Ýeri, näme, meni jyn urupmyşmy
Aýny ýaşda, ýaňy kyrkyň içinde?”
Diýip, her niçikdir olaň deminden
Müň bahana tapyp sypýaňam welin,
Öýe gelseň çagajyklaň öňüňden
Gaçmaga gapy ýok,
Sypmaga delil.
Körpe ogluň diýýär: “Kaka, aý, kaka,
Goşgyňy gazetden okadyk ýaňy.
Bir gyzy söýýärin diýipsiň weli,
Kaka, söýýän diýýän şol gyzyň hany?”
Ýüzüňe seredip has tokar ogluň,
Gaýta has beterin üstüne goşýa:
“Söýýän, söýýän!” diýip ýörsüňle, kaka
Kaka-da gyzlary söýer oguşýa?!..”
Ýene-de bir çagaň, has lälik çagaň
Gerşiňe atlanyp, saçyňdan çekip,
Diýýär: “Indikide parka gideňde
Kaka, şol gyz bilen meni hem äkit!”
Ýeri enesine näme gerekmiş!
Olam hezil edip gülmäge derek,
Gaýta siltenjiräp, ýüzüni sallap,
Ne-hä çaý getirýär, ne-de bir çörek.
Gaýta hüňürdeýär: “Çaý-suw isleseň!
Şol gyzlaň ýanyna ötäýtmek gerek!”
Garaz bir tarapdan –
Çagaň, goňşylaň,
Beýleki tarapdan –
Redaktoryň,
Keýwanyň hem – üçülenji tarapdan,
Şolara baglyrak seniň takdyryň.
Biri siltenjiräp,
Biri öýkeläp,
Biri akyl berip ýuwaş-ýuwaşdan
“Söýýän” diýen sözden mahrum etjekler…
Mundanam bir mydar bormy, ýoldaşlar!
tema halanandyr, sagja bol!
oran gowy goshgular
alexcik tuweleme yuzun-gozun dert gormesin. Yaltanman yazypsyn! Sanada +10 Kerim agada +10!!!
ay AJteswirde sagja bol menin eden ishim copy/paste ideany bashga bir agza berdi
Teman iki gün içinde halanar +1
Tuweleme
Bet bet.haladym goshgulary
Ýaman guychli shahyraý shu Kerim G.
Shu shahyryn goshgularyny gorsem sypdyrman okayan, gaty prikol yerlerem bar ,gynanchly yerlerem
berekella
Alexcik 2minut pikir alyshdy. Yzyndan Kerim agadan goshgy aly$dy. Hemmelerem mowzuk b/n tanyshdy. Nadip beyle basym bet goshgylar yada salyshdy XD
Al dost + menden, temañ halandy🙂
dost şeydip joşup dura 🙂
Jo$up duran zehindä enagar ýigidiñ gùli:-)
Menem bir aydylshyk yazayyn </br>Gownunizden turjak bolayyn </br>Epeslije plyus alayyn </br>Sheydip betinden bolayyn </br>
hemmanizem sagja bolun 🙂
Dos sheydip yazyp dur yogsam bizina yüregimizem gysyar
Dos sheydip yazyp dur yogsam bizina yüregimizem gysyar+