Ýunus Emre
Janym gurban bolsun seniň ýoluňa,
Ady gözel, özi gözel, Muhammet.
Şefagat eýlesin kemter guluna,
Ady gözel, özi gözel, Muhammet.
Mümin bolanlaryň çohdur jefasy,
Ahyretde bolar, zowky-safasy.
On sekiz müň älemniň mustafasy,
Ady gözel, özi gözel, Muhammet.
Ýedi gat gökleri seýran eýleýen,
Kürsiň üstünde jöwlan eýleýen,
Magrajynda ymmatyny dileýen,
Ady gözel, özi gözel, Muhammet.
Dört çaryýar onuň gökçek ýarydyr,
Ony söýen günälerden bäridir.
On sekiz müň älemniň soltanydyr,
Ady gözel, özi gözel, Muhammet.
Sen hak pygambersiň, şeksiz, gümansyz,
Saňa uýmaýanlar gider imansyz.
Aşyk Ýunus neýlär dünýäni sensiz,
Ady gözel, özi gözel, Muhammet.
Ýunus Emre
Telpekler (1 kisiden 1 sany)
Bu yazgi ucin
- akgül 1 telpek goyyar we yazyar: "Gaty gowy yazipsin! Berekella!"
Arşivin durumu
● Tam metin
◐ 3/13 yorum korunmuş
Yayımlandığı site: tmolympiad.org · Kaynak: Web Archive kopyası — tmolympiad.org, 30 Ağustos 2011 · Orijinal sayfayı gör ↗
Yorumlar 3
Arşivde 13 yorumdan yalnızca 3 tanesi korunmuş.
Men ýörürem ýana-ýana,
Yşk boýady meni gana,
Ne akylam, ne diwana,
Gel, gör, meni yşk neýledi.
Kä öserem ýeller kibi,
Kä tozaram ýollar kibi,
Kä akaram siller kibi,
Gel, gör, meni yşk neýledi.
Akar suwlar deý çaglaryn,
Dertli jigerim daglaryn,
Halymy aňyban aglaryn,
Gel, gör, meni yşk neýledi.
Tut, elimden galdyr meni,
Ýa waslyňdan gandyr meni,
Kän aglatdyň, güldür meni,
Gel, gör, meni yşk neýledi.
Men ýörürem ilden-ile,
Şeýh soraram dilden-dile,
Ýat ilde halym kim bile?!
Gel, gör, meni yşk neýledi.
Mejnun oluban gezirem,
Ol Ýary düýşde görürem,
Oýanyp melul boluram,
Gel, gör, meni yşk neýledi.
Misgin Ýunus biçäreýem,
Başdan-aýaga ýaraýam,
Ýar ilinden awaraýam,
Gel, gör, meni yşk neýledi.
Ýunus Emre
Telpekler (1 kisiden 1 sany)
Bu komment ucin2nji gosgy hem Muhammet Pygambere (s.a.w) bagyslananmy?
ikinjisi ylahy yshk barada