Tomusda yagan yagysh we bashgalar
Wagt öýläne golaýdy. Mawy gűn hatar-hatar jaýlaryň arkasynda gizlenip uka gitjek bolup durdy. Şemalsyz, dymyk tomus aýy Gunça hoş ýakmaýardy. Uzak gűn onda birhili, erbet duýgy bardy, hamana erbet bir zat bolaýjak ýalydy. Ol bedräni suwdan dolduryp, bir hili agyr duýgy bilen ýataga tarap ýöneldi. Birdenem ýatagyň agzynda doňdy. Şol pursatda onuň ýűregem urmasyny goýandyr. Suwly bedre takyrdaklap gaçdy. Onuň dodaklaryndan diňe “gelneje” diýen söz eşidildi. Onuň endamy titraýärdi, ol ne ses edip gygyryp bildi, ne-de gymyldap. Öňűnde tűwi ýaly ak reňkli gelnejesiniň ýűzi bardy. Onuň gören zadyny ýazyjy űçin hem suratlandyrmak kyn, suratlandyrylsa bolsa, okayja okamak agyr dűşerdi. Oturgyç bir yanda zyňylgy ýatyrdy. Gyzyl, gűlli ştapl köýnegiň aşadynda iki aýak sallanyp durdy. Horajyk, ak tenli boýnundan bolsa ýűp aýlanandy. Gara saçlary ýygnalypdy, onuň ýaşjyk ýűzi bolsa “meni bagyşlaň” diýýän ýalydy.Bu ýűzde eýýam jan ýokdy, onuň ruhy eýýam başga ýerlerdedi.
Bir minut geçendir, emma Gunça űçin asyr geçen ýaly bolup görűndi.Ol gözlerine ynananokdy. Groky onuň endamyna giripdi.Ahyrsoňy ol:
-Eje!Myrat!-diýip gygyrdy, emma onuň titreýän, haýal sesini hiç kim eşitmedi.
-Kömek ediň!
Onuň gözlerinden ýaş dökűlip başlady, jansyz sesi bilen ol:
-Myrat!-diýip ýene gaýtalady.
-Näme boldy?
Biraz gaharly Myrat gapydan girende gűrledi, ýöne onuň gözleri öňűndaki zatlary görende, gahary gorka öwrűldi.
-Jeren!-ana, şol sözden başga şol pursatda ondan hiç hili söz çykmady.Ol derrew oturgyjy alyp, ýuwaşlyk bilen ýűpi çözűp, Jereni eline aldy.
-Jeren, Jeren, oýan!-diýip ol zola gaýtalaýardy. Ellerini, ýűzűni sypalap, oýartjak bolýardy. Kellesini ýűregine goýdy. Gum-guhlyk. Diňe Gunçaň ýaşy hemem öz ýűreginiň urgusy eşidildi. Jerende jam ýokdy. Yűrek durdy.
***
Horajyk, gara saçly, akýagyz Jeren ýigrimi ýaşyndady. Ol gűn onuň keýpi kökdi. “Durmuşyň ajaýypdygyny” diýen ýaly pikirler onuň kellesinde aýlanýardy. Obany garaňky basdy, ýöne bu wagtlar daşarda bolmak oba gyzy űçin aýyp zat däldi, elbetde şäher däl, şäherde gijara gyzlar űçin daşaryk çykara iş ýok. Ol köýnegini jorasy Kűműşhe tikdirmäge äkidip barýardy, ýöne köýnek daşaryk çykmana bir bahanady. Köçäniň o çetinde oňa biri sabyrsyzlyk bilen garaşyp durdy.Hemme durmuşyň manysy şol köçäniň o çetinde oňa garaşyp durdy. “Men mundan öň nädip ýaşadymkam?”diýip ol pikir edýärdi. Ol ädimini haýallatdy.Yuwaşlyk bilen barmaly agajynyň ýanyna golaýlaşdy.. Garaňkyda agaja ýaplanyp duran uzyn boýly, daýawrak bir adamyň heýkeli görűnýärdi.
-Azat-diýip Jeren pyşyrdady.
-Geldiňmi?
-Hawa
Azat aýyň şöhlesi bilen nurlanan Jereniň ýűzűnde ýylgyryş gördi. Onuň ýűregi gysyldy. “Beýle eýjejik zada men nädip bu habary aýtsamkam? Ol bu habary nädip Kabul edip bilerkä?! Jeren, Jeren… Hudaý name űçin biz bile bolup bilemzok? Bu dűnýäde adalat diýilýän zat barmyka?”
Ol Jereniň dodaklarynyň sowukdan ýaňa titreýänini gördi-de:
-O, name ýaman ýuka geýinipsiňle?! Uşäýmä, how-diýip ol öz egnindäki koža kurtkasyny oňa atdy.
-Yok, hökman däl-diýip Jeren garşylyk görkezdi, ýöne kurtka eýýäm egnindedi.
Gyşyň soňky aýy bolansoň, entek howa ýylamandy.
Biraz wagt olar dymyp durdular. Jeren Azada bir zat bolýanyny syzyp başlady.
-Näme boldy? Hemme zat oňatjylykmy?
-Hawa…neme…yok!
-Näme boldy onda, Azat beýtmesene meni gorkuzýaňa!
Azat ýűzűni sallady.
-Men özűmiňkileri seň ýanyňa ugratjakdym, edenoklar!
Jereniň ýűzűndäki ýylgyryş häli ýitipdi, indi bolsa gorky bardy.
-Biraz garaşaýarys- Jeren umyt bilen pyşyrdady.
-Yok, Jeren, olar…Azat sözűni soňlap bilmedi.
Jeren bolsa diňe ýaşyny saklady.
-Jeren, bagyşla…
Ol ellerini eline aljak boldy, emma Jeren çekip aýyrdy-da:
-Şumy indi bar söýgiň?
Gahar, gorky, ýitgi, onuň Azada bolan söýgűsi bilen bulaşdy. Ol kurtkany çykaryp Azada zyňdy, soňra bolsa ädimini gataldyp öýűne tarap ylgady.
Haçanda biz ene-atamyz we söýgűli ýarymyzdan birini saýlamaly bolanymyzda, herimiz dűrli jogaby saýlaýarys. Käte ikisi bilen hem asuda durmuşda ýaşap bolýar, ýöne saýlamaly bolsa nätjek?! Megerem Azadyň söýgűsi beýle gűýçli däldi ýa-da ol maňlaý diýilýän zatdyr.Nämede bolsa ýowuz we sowuk gijede ýeke duran Azat näme etjegini bilenokdy. Ol hemme zady eýýäm çözűpdi, ýöne ony durmuşa geçirmek pikirlenmekden kyndyr.
-Jeren, dur, Jeren!
Azat oň yzyndan ylgady. Ÿetip ony gűýji bilen saklap duzurdy.
-Diňle meni, sen başga oglan tap, ine görersiň menden gowusy duşar…bar, durmuş gur, wagt geçer menem ýatdan çykararsyň-
Jeren hiç zat diýmedi. Ÿuwaşlyk, diňe şemala ýapraklaň şygyldysy eşidilýärdi.
-Men seň bagtly bolmagyňy isleýän.
Aýyň ýagtysynda ol Jereniň aglaýanyny gördi.
-Bagtly bolmagymy isleýäň?!
Ol soragly Azada seretdi.
-Sen dűşűnmediňmi? Men sensiz bagtly hijem bolup bilmerin.
Ol elini çekip, garaňkylyk bilen birigip, Azadyň gözűnden ýitdi.
Telpekler (9 kisiden 11 sany)
Bu yazgi ucin
- Bayram 1 telpek goyyar we yazyar: "Gaty gowy yazipsin! Berekella!"
- Bayat-Hajy 1 telpek goyyar we yazyar: "Gaty gowy yazipsin! Berekella!"
- ata 1 telpek goyyar we yazyar: "Gaty gowy yazipsin! Berekella!"
- Merjenjan 1 telpek goyyar we yazyar: "Gaty gowy yazipsin! Berekella! I wish you good luck in your great work (hobby)!!!"
- Yusup_Ahmet 3 telpek goyyar we yazyar: "Gaty gowy yazipsin! Berekella!"
- moonwalker 1 telpek goyyar we yazyar: "tas aglapdym :)"
- batyok 1 telpek goyyar we yazyar: "Okamda inim titrap gitdi. Perfect!"
- selbishka 1 telpek goyyar we yazyar: "gatygowy:)"
- Wepa 1 telpek goyyar we yazyar: "Gaty gowy yazipsin! Berekella!"
Arşivin durumu
● Tam metin
◐ 99 yorum korunmuş · asıl sayı bilinmiyor
Yayımlandığı site: tmolympiad.org · Kaynak: Web Archive kopyası — tmolympiad.org, 25 Ağustos 2019 · Orijinal sayfayı gör ↗
Yorumlar 99
Okap manga pikirngizi aydayng...dowamynam basym yazjak, yazdymam yone type etmeli
______
Leyla
Özün yazan bolsan, çyndanam tüweleme.
Pursatlary gowy düşündirip bilipsin.
emma tema yönekey, elbetde sen yaly yaş biri üçin yazanyn uly iş.
Gutlayan geljekde, has gowy romanlar yazarsyn.
Oba söygi durmuşy gaty gyzykly bolyar. :)
"kojza kurtka", "daşaryk çykmak üçin köynek bahanasy", "garankyda garaşyp durmak", "yataga bedreli suw akitmek", we ş.m. gaty gowy ulanyp bilipsin.
gaty gynancly yone peydaly...
yazgy oran gowy bolupdyr. men pikirimce yazyjylyk durmusuna dowam et. belkem geljek uly yazyjylaryn biri bolarsyn....Berekella! eline, yuregine, zehinine berekella!
Gynancly eken. Gyzykly yone, dowamyna garashyas...
Bu wakalar bagly dälmi? Dowamy ýokmy? Şonda-da berekella özüň ýazan bolsaň!
PS Baglydygyny bilýän welin, ýaman "hindi kino" stil ýazgylarda. Özüň ýaş gyz bolaňsoň, "düşünýän". Oglan ýazan bolsa, başgaça pikir ýazardym.
-------------------------------------------------
Dostuň garga bolsa, iýjegiň... ehm..
Dostuň garga bolsa, näme iýjegiň bellidir!
Wi, bagly dalmi ya? Menem baglymyka diyip otyrdym, ilki hazirki bolan zatdan gorkezip, sonundan onki bolan wakalary getirip, bashky yagdayy dushundirjek bolyamyka oydupdim :))
bagly oydyan.. Jeren son Myrada dagy durmusha chykyandyr.. ya-da chykmaly bolyandyr?! yogsa gyz ady gyt dal-a, ayri wakada shol bir gyz adyny ullanmak..
Telpekler (1 kisiden 1 sany)
Bu komment ucinbagly, bagly
Leyla
Belle, bashda wakanyn sonundan bashlap, son onundaki bolanlary beyan etmegin govy pikir, sebabi adamlar olumin sebabini biljek bolup yzyny has dykgatly okayalarmyka diyyan, bashda agajyn ashagynda dushushyp duran 2 yash bilen bashlasan, edil shol dykgaty gazanyp bilman bilerdin!
Yone, kabir sozlemlerinden Turk dilinin ysy gelyar, sozler turkmenche bolsa-da, sozlemin gurlushy Turk grammatikasyna uyyar. We "bir hili" yaly sozleri nache az ulansan, shoncha-da govy bolayjak yaly men govnume, sebabi yazyjy diyen adam "sypatlar" bilen bile yugrylan yaly bolmaly, we her "birhili" duygyny "birhilijek duygy oza, nahili diysemkam.." yaly sozleri ulanman, yerlikli sypatlar bilen okyja yetirip bilmeli, we bu mesele okyjyny shol wakanyn atmosferasyna sokmak uchin gaty mohum !!
P.S. Dushunmedik zadym: Name uchin Gunça Jeren'i asylgy yagdayda gorende "gelneje" diyyar ?? Jeren name chykanmy ?? Chykan bolsa, agajyn ashagynda na gori bar ?? Chykmadyk bolsa, 20 yashyndaky gyza gelneje diyyalermi ??
P.P.S. Yaman yigrenyanda ozuni assalar, nahili sebap bolayanda-da "bagyshla" diyip "gachyp gitmek" namartlyk !
Myrat Gunçanyn agasy;
Jeren bolsa, Myradyn gelni.
birinji waka bilen sonky wakan arasynda köp wagt bar bolmaly.
Haaa...Beyle bolsa eyyam ayry gurrun !
Yone sheyle yagdayda ozuni asmak name netije beryar ?? Biderek yzyndakylary agladyp, o dunyan ishini gorup, seni govy goryanleri gynanch deryasyna bogup...Beyle yashashmak agyr bolsa ayrylysh, ya-da duybinden durmusha chykma, olup gidibermek in biderek saylow bolaymasa. Yone sheyle yagdayda galyp durmusha chykan gyzlar goni 1 chagajyk edinmelimika diyyan, adamsy bilen ysnyshyp bilmese-de chagasy bolanson oyune ysnyshar, adamsy bilenem wagtyn gechmegi bilen umumy dil taparlarda !
Orazdurdy hawa, siz oran dogry dushundinipsiniz. Mergen size aytjak zadym welin sizin pikiriniz oran dogry, yone Jeren megerem ruhy taydan gaty guychli dal, shondan hem shol sebap bilen yashandan olumi saylady.Men barde yashasyng gelmese ozunizi asyng diyemok! men Jerening yalnyshyny gorkezjek bolyan.
Leyla
Maslahatynyz uchin kop sag bolung, goz onude tutaryn... chynym aytsam yazamda turkmen dil sozlugiming yetrlik yagdayda daldigini ozum hem duyyan, shu wagt shong ustunde ishlap yorun.
menem assalar yigrenyan, yone her kim durli yoly saylayarda, men Jerening yerinde bolsam beytmezdim welin, ol men dalde jeren.
Dowamyny okasanyz has govy dushnukli bolar...
Ok, dovamyna garasyas onda, enshalla hekaya Jeren'in saylan yoluny azajyk bolsa-da "bir tarapdan on edyanem dogry" diydirjek bolyan shekilde gutarmaz !
Men turk dilini bilemoga...men dinge rus inlis dillerini bilyan...
Leyla
Wow, Leylajan, oryan gyzykly istoriya yazypsyn!
Spasibo, mana oz blogyn barada aydanyn uchin i spasibo chto podelilas s nami so svoim shedevrom, iskustvom!
With the best wishes, Merjen!
Edit: Turkmen dilinde yazyp bilyakaniz bashga dilleri goshmak asla gerek dal, biraz pikirlenmelem bolsa, turkmen dilinde yazjak bolun! Mergen!
Telpekler (1 kisiden 2 sany)
Bu komment ucinBolyar Mergen indiki gezek 1 sagat pikir etmeli bolsamda turkmenche yazjak bolaryn...
Sagbolun!
With the best wishes, Merjen!
Leýla, ýazgyň üçin köp minnetdar! Gowy yazypsyň! Yzyna mende garaşýan!
Saňa bu işde üstünlik arzuw edýän,
hormat bilen,
Sylap
Leýla, sen romantiki däl, has pragmatiki zadam ýazyp biljekmi meň üçin? :) Men pahyr romantik däl :(
-------------------------------------------------
Dostuň garga bolsa, iýjegiň... ehm..
Dostuň garga bolsa, näme iýjegiň bellidir!
hm... onam onarayarys... biraz garashsanyz, men romantik bolsamam bashga gornushde-de yazjak bolup synanshayaryn
Leyla
Belle, hosh geldin sahypa :) yazgylaryn howri kop bolsun! Berekella, bu yazgyn gaty gowy! menem halanymy aytmak isledim. romantiklen yurejigini para para etdin :) romantik dal agzalar uchinem gyzykly hekayan howri kop bolsun :)
Hindilere menzesh goysanyzlang, hindim kinolary durup bilemok...romantism dine hindi kinoda yoga, gozunizi achsanyz shu wagtky chykyan taze Amerikan yazyjylarynyng hemme kitaplary diyen yaly romantism, mysal uchin "Wicked Lovely". "The Luxe", "Rebel Angles" yaly kitaplar.
Telpekler (1 kisiden 1 sany)
Bu komment ucinentägem okamadym, ýöne ýaman gowy ýazga meňzeýär başky/asyl ýazgy.
Soňurak men hem bir göz gezdirip, pikir bildirsemmikäm :)))
"Elinden we dilinden beýleki ynsanlara zeper gelmeýän kämil ynsan bolmak dilegi bilen!"
men shunyanak Romantik kitapalary gowy goryan, yone alyp okamana takadym chatanok, yaman gysdanyan shony tizden nahili bolany bilesim gelyar:0
bir gezek bir kitap okadym, okap otyryn yuregim gysyar , indishong asyl manysyy owrenmelida onsang natdim diyeenile, ongunden 30 sahypa okadym, ortasyndan 10 sahypa okadym, yzyndan 30 sahypa okadym, wesalam etdim, bay yurege dushgunch kitap eken , yuregim gysyp gitdi , zordan okaydym, ady shu wagt doly yadyma dushenok haysy kitapdygyny, shong ady " Girdapmy " ay bilemok shonga bir zat mengzeshler, selbi diyyan gyzyng ykbaly hakda gurrung gityar , belki okanlar bardyr, erbedam dal welin, kop kishii gowy goryar ony welin men kan halamadym, chalt okap manysyna dushundim, goydum:)
yone manga gurrung berseler halayan, birem men esasan gazetlerdakini gowy goryan okamany, esasanam Zaman gazetdak , duzrmushdan bolan zatlary halayadym, Dash diyen bolumini
______________________________
Live in the present, not in the past
Girdabyn manysy name Turkmence manysy?
"Girdap" bolanda tovalanyp ashaga tarap gidyan suw'myka diyyan, ortasyna dushsen senem aylap alyp gidyan ! Chayi chemche bilen garanynda ortasynda doreyan suv "chukurynyn" uly gornushi !
Girdap nireden chykdy?
____________________________
Laugh at your mistakes, but learn from them!
-Elaiza Wyeldowoyan de Murwuaz
girdap-kaos(turkche) xaoc(ruscha) chaos(inglische) bolmaly.
Uzun mesafelere ulaşmak, yakın mesafeleri aşmakla mümkündür
İmam Gazali
Zamana menem soyyan, diyaymeli... her sahypasyny okap chykyan. Dash elbetde halayan sahypalarymyng biri...
Selbijan beydip okasanga bilmedim, men yone bara yuregim yarylyp gelse bilesim gelip, onda kitabyng govudygyny angladyar. Mysal uchin Garri Pottering 5nji bolumini sheyle gyzykly gordum welin, uzak gun songam uzak gije 800 sahypany okap gozumi ayyryp bilmedim, sebabi sonuny bilman yatmajagymy bilyanda
Leyla
Telpekler (1 kisiden 1 sany)
Bu komment ucinharry pottering mende birinji bolumi bardy , kitaby , bir okan boldum welin, song tashladym , shu wagtam bir kitap aldym okara diyip yplda okasym diyip welin, elim sowukdan yanga hich zat okap bilemok:) ong okayadym welin shu gunler, Texasy sowuk aldy :)))
shu kitaby okap gorjek , sozlerem yengil, destkiy kitap :))) sabyrlylyk bilen okajak indi , ongki yanak etjek dal:)))
ongki girdap diyyan kitapda , bir howlukyan songy nahili bolduka diyip, ay song yuregime dushup bashlady welin her yerinden manysyny bilsem bolyar diydim::)))
songam yzyndan okap bashladym welin ola wapshede gowy dal eken gyzykly dal, onam sheydip okadym, yone men cheper eser okamdan matematika ishlanimi gowy goryan:)))
______________________________
Live in the present, not in the past
sonky bolumlerini oka... detskiy diymersing...
voobshe "duh zahvativayet"...bilemok mena J.K. Rowling ing stilini soyyan
Leyla
Men romantik dal, yone hindi kinolardaky yaly dalirap soyushmage hem yok diymerin! :D
-------------------------------------------------
Dostuň garga bolsa, iýjegiň... ehm..
Dostuň garga bolsa, näme iýjegiň bellidir!
Telpekler (1 kisiden 1 sany)
Bu komment ucinMen yarym romantik bolsamam, her mowzukda shahsy gurrunleri yazsanyz pozjakdyryn adamlar.
Ayry mowzuk achayin romantik'mi dalmi diyip, barde Jeren pahyr olup yatyr, sizem romantika, eyle, beyle...Mowzuk bashga yana sovulyar !
Telpekler (1 kisiden 1 sany)
Bu komment ucinDowamy
Şol duşuşykdan soň bir aý geçipdi. Jeren Azady şondan bäri görmändi. Elbetde oba gep ýaýrapdy. Jeren űçin bolsa parhy ýokdy, durmuş onuň űçin indi, maksatsyz oýundy.Emma şol gűnleriň birinde oňa guda boldular. Goňşý obadan bir sadaja ýigit, baý däl, garyp däl, özem ýol kreý edip pul gazanýarmyş, ýaşam ýigrimi űçe barypdyr. Jerenden ejesi kakasy razylyk bermegini soranlarynda göwűnli-göwűnsiz “bor” diýdi. Jeren űçin ýaşamak gűndeki bir edilýän iş ýalydy. Ol turardy, iýerdi, içeri syrardy, sygyr sagardy, nahar bişirerdi, ýöne jansyz, durmuşa hiç hili gyzyksyz “robot” ýaly ýaşaýardy. Onuň on sekiz ýaşly gyz jigsi Jahan buny duýýardy. Elbetde Jeren öz duýgularyny hiç kime görkezmeýärdi, ýöne Jahandan zat gizläp bolanokdy, ol şeýleräk häsiýetlidi. Jeren hemmelere Azat bilen aýrylany űçin hiç zadyň űýtgemänini, Azat oň űçin tapawutsyzdygyny aýdýardy. Hakykatda ol beýle däldi.
Toý gűni bellenildi. Alada iş. Ony almaly, muny almaly. Bagşyny çagyrmaly. Seýdip ýaz gűnleri kitap agtaran ýaly geçip gitdi.
Ol gűnem ýetdi. Jeren gyzyl ketenili aýnaň öňűnde otyrdy. Jahan bolsa onuň şar gara saçlaryny örýärdi. Űç-dört sany jorasy hem ýanlaryndady. Gapyda on, on iki ýaşly iki űç sany gyz girip bir çetde otyrdylar. Uşaklar gelniň bezenşini görmegi halaýarlar. Haýsy toýa barsaň, uşak halk gelniň jaýynda, şo:l gelni synlap oturandyr, käte dagyn kowup çykarmaly bolýar.
Jahan hiç kim eşitmez ýaly Jereniň gulagyna golaýlaşdy:
-Sen şu wagt Azat barada pikir edýäň gerek?
-Ÿok
-Men görýänä, Jeren. Sen ejemi, kakamy aldap bilersiň, ýöne men seni tanaýana…
-Edemde näme?! Bu gűrrűň peýda etmeýär.
-Jerenjan, ony ýadyňdan çykar özűňi beýdip kösemedä. Sen täze durmuşa başlamaly. Bu täze durmuşda Azat ýok, eşidýäňmi? Ýok…
-Jahan, bolanok, men synanşýan, ol elmydama meň öňűmde. Men ony elmydama duýýan, pikir edýän ol hakda…
-Wagt…wagt hemme zady oňarar…hemme zat gowy bolar Jeren, eşitýäňmi, hemme zat…
Ol Jereni gujaklady. Ikisiniňem gözűnde ýaş bardy.
-Gelnajy gelýär, gelnajy-diýip çaga-çuga gygyrşýardy. Bolmanam olaň başga näme işi bar?! Biz diňe şol döwűr hiç zat barada pikir etmän gűlűp, oýnap bilýäsä ahyr.
Daşarda maşynlaň signaly eşidildi.
***
Awgust aýy ýaňy gadam basypdy. Yssy howa, asuda asman, yagty gűn, Jeren bolsa ýuwaşlyk bilen ýaşmagyny gysyp howuzdan suw almaga ýöredi. Myrat, onuň ýan ýoldaşy, orta boýly, gara saçlydy, häzirem maşynyny howla salyp durdy. Dűşűp Jereni gördi-de:
-Jeren, derrew suw abersene, öldűm halys şu yssydan!
Jeren sessiz derrewden ywana girip holodilnikden bir baklaşka buzly suw bilen stakan alyp çykdy. Myrat suwy ganlap işdi, soňam sag bolsuz, ýekeje mähir sözsűz içerä girdi.Myrat şeýle häsiýetlidi, mähri, ýumşaklygy halamaýardy. Elbetde ol Jereni gowy görýärdi, ýöne ýyly sözlere öwrenşen Jeren űçin bu hereketler agyr degýärdi.Myradyňam gűnűne baglydy, käte bir ýyly söz aýdýan wagtam, degişýän wagtam bolýar.
Jeren sessiz, űýnsiz agşamlyk nahary taýýarlamaga başlady.
Öýlänara hemmeler saçaga ýygnanşdy. Gaýynlary, iki baldyzy, Myrat saçagyň başyna geçdiler. “Bissimilladan” soň ilki diňe çemçeleň sesi eşidilýärdi. Jereniň eli sűýjidi, oň naharynyň kemçiligini tapmak iňirdeýän adam űçin hem käte kynrak dűşýärdi. Bu gűnki çorba bolsa, adatkysy ýaly tagamlydy. Megerem durmuş başga ugry alan bolsa, bu tagamly çorbany iýip oturan Myrat dälde, başga biri bolmalydyr, emma nätjek boljak zat bolupdy eýýäm.
Birdenem, gum-guhlygy bozup, Myradyň ejesi Gyzylgűl eje ogluna ýűzlendi:
-Oglum, bu gűn ýol kreý nahili boldy? Ÿolagçybir bamy bu yssyda?
-Aý, edil o diýenä däl, ýöne boşa oturmadym.
Birden baldyzlaryndan Göwher atlysy, dayawragy, ýadyna bir zat dűşen ýaly çöregini çeynäp bolup, geplemäge başlady:
-Waý, neme…hol Aman aganyň ogluny bilýäňizmi?
Gyzylgűl eje kän bir bu soraga űns bermän:
-Azatmy?-diýdi.
Jereniň ýűregi gysyldy. Bir salym demem alyp bilmedi. “Göwher, ol hakda näme diýjek bolýarka? Alla, oňa bir zat bolan bolaýsa? Hudaýym maňa gűýç ber!” Jeren kynlyk bilen syr bildirmejek bolup otyrdy. Hna boýalan bir örűmli baldyzy Gunça ilki Jerene, soň Göwhere göz`aýlady. Bu gűrrűňiň soňunyň gowulyk bilen gutarmajagyny aňýan ýalydy. Gözi bilen hereket edip Göwhere“Otur sokulda! Näme bileňokmy?!” diýjek bolýardy. Emma Göwher bilgeşşin edýän ýaly gűrrűňi dowam etdirdi.
-hawa…men ýaňy Maraldan eşitdim… öýlenýärmiş…
Hiç zatdan habarsyz Gyzylgűl eje:
-Kime?
-Hol… maşyn satýan Orazdurdy bara…şoň gyzy Selbäle…
Jereniň elindäki çemçe tas gaçypdy, emma ol wagtynda özűne geldi.
Myrat ony gördi, ýöne görmedik bolup:
-Göwher, oba aýlanyp çykyp gep baryny tapyp gelýäň, ondana Gunça ýaly tikin bir zat öwrenäýerler.
Göwheriň ýűzi gyzaryp gitdi. Gyzylgűl eje ogluna gytaklap seretdi. Gaýyn atasy bolsa bu gűrruňden sogjak bolup potrat barada gűrrűň edip başlady. Azat barada şondan soň hiç zat diýilmedi.
***
Çydamsyz, yssy awgust aýynyň ortalarydy. Kondisionerli ywanda howa salkyndy. Hälki naharda bolan gűrrűňden soň iki hepdä golaý geçipdi. Jeren ussatlyk bilen hamyr ýaýyp otyrdy. Ol käte telewizora serederdi. Kajol bilen Sahruh hindi heňlerinde tans edip aýdym aýdýardylar. “Şolar ýaly bagtly bolsadym! Allajan men näme űçin Azat bilen bile bolup bilemok?! Azat, Azat…seň adyňy million gezek gaýtalasamam az. Men sensiz bu dűnýä nurly gűnsűz galan ýaly. Wah, sen meň şu wagt ýanymda bolsadyň! Şonuň űçin hemme zady bererdim.” Onuň kalbyna daş goýlan ýalydy, uludan demine aldy. Gözűnde ýenede ýaş bardy. Derýa deýin akýan ýaşynyň soňy ýokdy, emme ýűrekdäki gaýgy aýrylmaýardy. “Durmuş…nämä gerek bu durmuş eger Azat bolmasa ýanymda?! Myrat, sen ýaman goy sözűm ýok, ýöne sen Azat däl. Men çagalarymyň nurly ýűzűne seredemde Myradyň ýűzűni däl, Azat, seň ýűzűňi, seň gözleriňi göresim gelýär!”
Yssynyň täsirimi, nämemi, Jereniň başy aýlanyp başlady. Ol soňky somsasyny ýaýyp, gazjaýa bişirmäge ýöneldi. Göwsűndäki agram, demini kynlaşdyrýardy. Eli pikirsiz “awtomatiçeski” hereket edýärdi. Birdenem nazary aýnadan howludaky surata dűşdi. Towukdyr, horaz nan owuntyklaryny çokupjyk ýördűler, ilerden mäleýän goýunlaryň sesi eşidilýärdi, Myradyň biraz ýalta gűjűgi Alabaý ullkan göwresini ýaýradyp işsiz howluda ýatyrdy. “Durmuş, ine durnmuş, maňa bu zatlar nämä gerek?! Bu durmuşda Azat ýok ahyryn. Birdenem oň kellesine bir pikir geldi. “Mende şondan başga çykalga ýok…”
…Iki sagatdan soň Jeren bu dűnýä bilen hoşlaşdy.
***
Aýly agşamly asmanda ýyldyz ýokdy. Jaýdan käte-käte enäniň çirkin agysy, beýleki gelinlerdir, aýallaryň sesi eşidliýärdi. Tamyň arka burçunda kimdir biri çommalyp otyrdy. Biraz salymdan gara ýalyga bűrenen gyzyň figurasyny nurly aýyň aşagynda görűndi.
-Ol başga çykalga ýokdur diýip pikir etdi, elbetde gapy ýapyldy, ýöne haçanda gapy ýapylanda Hudaý elmydama bize başga gapyny açyp berýär ahyr. Diňe biziň köpűmiz şol ýapyk gapa uzak seredip, beýleki gapyny göremzok-ol uludan demine aldy. Ÿaňky sözleri aýdan Jereniň jigsi Jahandy. Çommalyp oturan adam onuň ýűzűne seretdi.
Onuň gözleri dym gyzyldy, aglan bolmaly, ýöne garaňkyda Jahan ony görmedi. Megerem köpűňiz bilensiňiz, ýaňky adam Azatdy.
-Men oň beýtjegini bilen bolsam, wah, men, men gűnakär…
-Sen ozűňi gűnäkärleme, biziň indi edip biljek zadymyz ýok. Diňe Hudaýdan oň gűnäsini geçmegini bagyşlamagy dileg et.
Salkyn şemal öwűsýärdi. Daşarda itleň uwuldusy eşidilýärdi.
Jahanyň bokurdagyndaky saklap duran ýaşlary joşan däli umman deý dökűlip başlady. Onuň eginleri titreýärdi.
-Azat,- Ol ýűzűni elleri bilen yapdy-Men beý diýmeli däl, ol indi gitdi, ýöne ol näme űçin beýtdikä?! Ol men hakda, ejem, kakam hakda pikir etmedimikä? Ejem pahyryň onsuzam ýűregi gowy däl, ýaňam tutup otyrdy, bir zat bolaýsa, way, Hudaý saklasyn, Allajanlarym, oň kellesine bu pikir nädip geldika?
Azadyň bu soraglara jogaplary ýokdy.
Damja. Ÿene bir damja. Gökden damjalaýardy. Haýal yzygidrelik bilen, hamana bir saz çalýan ýalydy. Gögem aglaýardy. Gynanç bilen ýuwurlan damjalar.
Bir ene bilen atanyň balasy; dogan, gelin, megerem eje bolmaly Jeren gitdi, ýitdi, indem gaýdyp gelmez. Şol tomusda ýagan ýagyş Jereni soňky ýoluna ugradylýança dynman ýagdy.
Durmuş ýoly...onuň dogrusy ýa ýalňyşy bamyka, biz bir ugry saýlayas welin, bu ýol dogrymyka? Kim biler…
Telpekler (6 kisiden 6 sany)
Bu komment ucinhekayan baş gahrymany Jereni, gaty samsyk, akylsyz, dar düşünjeli edip goyupsyn.
Yagny gahrymany şeyle bolandan sonra, hekayan gyzygy gaçyar, gahrymany has "Dogry" adamdan saylan bolsan gowy bolardy, meselem Myradyn harakterlerine gowyja goşantlar goşup, şony öne çykaryp bilerdin. Jeren bolsa, biderek samsyklapdyr.
"Azat"myş?! Azadyn ony "zynyp gidenden" habary yok yaly.. Şony söyen bolyar. Aytsan aydyp otyrmaly..
Belle, şu yokardaky kemçilikleri hasaba almasan, gowy yazypsyn, edebi owadan sözler bilen bezap bilipsin.
Hekaya dal-de, klip yada gysga kino senariyasyna menzeyar. :)
Indiki yazgylaryna sabyrsyzlyk bilen garaşyan. Sagbol.
Telpekler (1 kisiden 1 sany)
Bu komment ucinJerem samsyklyk edti diysegem bolanok, sebabi ol ong durmushy her kimem oz yoluny ozi saylayar.
"Dogry" adam saylan bolsamam bolardy, yone durmushda "dogry" adam gaty gyt, men bolsa yonekey bir durmush barada yazdym ahyr.
Leyla
Öran gyzykly eser. Köp sag bolun. Mundan beylak hem taze taze eserler bilen bu günkü Türkmen edebiyatyny janlandyrarsynyz diyip umyt edyarin. Galamyn bady gaçmasyn.
turkmen edbeiyaty uchin we turkmen ilim uchin gije yatman yazmagymy dowam ederin! hazirem 3-4 sany hekayadyr powetleng ustunde ishleyan...24 sagat yetenokda!:)
Leyla
Telpekler (1 kisiden 1 sany)
Bu komment ucinbeyle ykbaly Jerenin ozi saylapdyr. yogsam has gowy we bagtly yashabam bilerdi..Myrat erbet dal yaly hekayada beyan edilshi boyuncha.
Belle, aytsana, bu bolan wakamy? ya-da ozunden duzdun?
Telpekler (1 kisiden 3 sany)
Bu komment ucinBolan waka dal diysema yalanchy, yone sheylerak bir wakany eshidipdim, yone men sholary tanamogam... wakany ozumche duzdim diysemem boljak, sebabi kop zady ozumden goshdum...
Leyla
Tüweleme, gowy yazypsyn.
Pikirlerimi ýazaýyn.
1. Bolup biljek waka. Gynansagam(?), gyzlar has duýguly oglanlara garanda.
2. Ol gyzyň özi hem Azatdan az günäkär däl bolan ýagdaýda.
3. Sen obaly bolmaly Belle.
4. Göýberen ýalňyşlaryňam seň ýazan wakaňy has bolan waka çalymdaş görkezýä :) Hakyky türkmendä, "gelnajy", "işdi" we ş. m. :D
-------------------------------------------------
Pyragy sözlär tilinden,
Namysyn bermez golundan,
Kyýas ediñ gyz gelinden,
Ýyl ýyldan bihaýa bolar
Men obaly?! ha..ha.. wakany gaty gowy beyan edipdirin oydyan... yok, butin omrum shaherde yashap gechdim, oba durmushy meng uchin dal, ICHIM GYSYP OLYAN 2-3 gunluk gitsemem, yone men garyndashlarymyn hemmesi diyen yaly obada, menem gezmane baramda synlayan, owrenyan...shondan naman namedigini bilyan.
Menem bolman Azat gunali diyemoga, Jereninem Azadynam eden yalnysh hereketleri bar.
Hakyky turkmen, eysem kim bolmaly?
Leyla
P.S. men hakyky turkmen dal diysem ynanarsynyzmy?!
baa onda kim sen:D
Bilmedim, bir hili ýaşlaryň duşuşmaklary, soňam muny bütin obaň eşitmegi... edil obaň ýagdaýyda...
Diýmek sen obada kän bolup göreňsoň bilensiň. Şäherden oba gezmäge gelýän gyzlar... pah, ýaşlygymy ýatlaýdym diýen bolaýyn :D
Oba iç gysgynçmy? Aý goýa, şäheriň nämesi üýtgeşik gowy?!
Azat klassiki oglan herekedini edipdir. Bizde Azat ýaly hereket etjek we edýän oglan gaty kän. Ýalňyşmy? Belki. Ýöne ýagdaý şoda.
PS Ynanaryn. Hakyky türkmen milletde däl. "Işjekmi?", "gelnajy" ýaly zatlarda :D
-------------------------------------------------
Pyragy sözlär tilinden,
Namysyn bermez golundan,
Kyýas ediñ gyz gelinden,
Ýyl ýyldan bihaýa bolar
Dushunmedim "ishjekmi", "gelnajy" mena yalnysh yazdym ony? Shaherde name bar diyyanizmi?
Men bosh oturmany halamok, obada bolsa mellek ishlemage niyetim yok , shaherde ish alada uzak gun... wah, shu wagt yatlatdynyzda onki durmushymy, okuw, klasdashlar, song America Corner, yadap 6 towerego oye gelersing, nahar ya eyle beyle komek ederin, sonam yene kitaba yapysharsyng, bilemok, yone shaher durmushy meng uchin has yakymly, uly shaherleri hasam gowy goryan , sebabi bosh oturyp bolanok, obada bosh oturyalar diyemok, yone obada durmush bir hili hayal gechyar. ya men gownumemi?!
Leyla
Hawa, "gelnajy" bilen "işjekmi" ýalňyş ýazylan. Ýöne şu ýalňyşlary göýberýän kändä :D Şoň üçin "türkmendä" diýdim.
Obada mellek her kim işlänok, biziň obalar posýolok ýala. Seň şäherdäki işleriňi sanadyň... borda, at dakmaýyn :D
Obada durmuş haýal, emma çalt geçen durmuşy näme etjek?! Bary-ýogy 50-70 ýyllyk durmuşyňyň 80%-ini nädip geçirenini duýman galýaň.
Borda, meň nostalgiýam bolmagy mümkin. Ýogsam oba häzir gitsem näme diýjegim belli däl.
-------------------------------------------------
Pyragy sözlär tilinden,
Namysyn bermez golundan,
Kyýas ediñ gyz gelinden,
Ýyl ýyldan bihaýa bolar
"gelinalyjy" bolmalymy name? yene dushunmedim gramaticheski yalnyshmy ol?
Ay, kim biler haysy yer gowy, mena shaher owrenshen yerimle shondadyr. Durmush chalt gechse, hawa ola gowy dal, yone mena ishli bolmasam yone chaylap tapchanda tebigat synlap bilemok, way, yok yalanchydygymy kate yone pikirlenip ya-da bir zady synlap wagtymy yitirmegem gowy goryan.
ay, yone bu gurruni boldy edayeling.
Leyla