Olar diñe öñe yöreýärdiler.

Diñe öñe ýöreýärdiler gije-gündiz, belkide köre-kör, ýok ýok köre-kör däl öñlerinde yşyk bar, elmydama parlap ýol görkezýär. Belki de ol yşyk umytlarydyr belki de arzuw, hyýallary, näme bolsada o bir nura meñzeýär. Soñsuzlukdan gelýän we hiç öçmejek ýaly. Giden ýerlerine yşyk saçyarlar , umytsyz çöllere tohum saçyp gülledýärler. Bir ýerde duranoklar elmydama ýolda, sebäbi olar yolagçy. Kerwen ýaly ýöne kerwenbaşy ýok, ýerine ol yşyk bar. Kerwenbaşy kerweni bilen geçdi bir eýýäm ol ýoly we bularam onuñ görkezen ýolundan ýöreýärler. Käte öñki kerwenler ýaly talanýarlar, kowulýarlar we daşlanýarlar. Onda da ýolundan azaşanoklar, umytdan gaçanoklar we diñe öñe ýöreýärler. Kimileri betgümanlyk bilen seretsede , kimileri ýol görkezýär, çalaja azaşsa olara. Ýol uzyn, kynçylyk köp, dert köp, hamala dertlerini söýýärler we hatta güýçlerini şol dertlerinden alýarlar. Olaryñ derdi pul,baýlyk, dünýe däl. Olaryñ derdi ynsanlyga ýoluny görkezmek. Ýollaryna näçe böwet goýulsada, näçe sögülselerde Jelaleddin Rumy kimin :" Gel, gel, kim bolsañam yene gel. " diýýärlerdi. Näçe gapy ýapylsa da ýüzlerine yene kakýardy açylýança. Eger açylmadymy gapy, galdy ýüzlenjek ýeke gapy. Ol şeýle bir gapy, elmydama her kime, her wagt açyk. Olar şol ýeke gapynyñ işiginde, gözlerinde ýaş, dillerinde doga. Ol dogalar şeýle bir ýañlanýardy ýedi gat gökde, perişdeler howlukýardy Onuñ emri bilen açmak üçin on gapy. Olar ilk bolup gyşda gitdi. Yzlaryndan baharda gelýänlere ýol açmak üçin. Küheýlan aty ýalydy öñden giden atlylar. Çapýardy dur diýilýänçä ýada ýürekleri durýança.