Merkezi aziýaly alymlar we orta asyryñ ylym dünýäsi

Merkezi aziýaly alymlar we orta asyryñ ylym dünýäsi

Orta asyrlarda Merkezi aziýaly alymlar dünýä ylmynyñ ösmegine ägirt uly goşant goşupdyrlar. Olar aýratyn hem matematika, trigonometriýa, astronomiýa, geodeziýa, mineralogiýa, geografiýa, kartografiýa, meliorasiýa ýaly ylymlar boýunça uly işleri edipdirler. Bu ylymlaryñ käbirlerini, meselem, astronomiýany, geodeziýany, trigonometriýany aýratyn ylym hökmünde esaslandyrypdyrlar
Orta asyrlarda arap halyflygynyñ paýtagty Bagdat şäheri musulman ylmynyñ ilkinji ojagy hökmünde ýaýbañlanypdyr. 762-nji ýylda şäheriñ düýbi tutulandan soñ, onuñ ilkinji halyfy Merkezi Aziýanyñ belli alymlaryny paýtagta çagyrypdyr we olaryñ ylym bilen meşgullanmagyna şert döredipdir. VIII asyryñ ahyrlarynda IX asyryñ başlarynda Bagdat şäheri imperiýanyñ esasy intellektual şäherine öwrülipdir we bu ýere gündogardan şahyrlar, din hadymlary we alymlar gelipdir.