MINNETDAR MEN SANA
MINNETDAR MEN SANA
Minnetdar men saňa minnetdar örän,
Gitdiň aramyzda galdyrman düwün.
Menem güýzde üstün çal duman bürän
Derýaň suwy ýaly köşeşdim bu gün.
çaň basan suratyň syryp üstüni,
Intizarlyk bilen, maýyllyk bilen,
ýada salýan, ýada salýan men seni,
Hoşallyk, razylyk, kaýyllyk bilen.
Sen juda sadadyň, bar aýbyň şoldy.
Ondan men däl, peýdalandy başgalar.
ýoklugňy güýz güni ýadyma saldy,
Tozgun bagymdaky pyşyrdaşmalar.
Düşünmeseň ýazygyňa, günäňe,
Has mährem görünse özgäň owsuny,
Taparyn öýüdýärkäň aýypmy näme,
Gözläp gitmek gowusyndan gowsuny.
Puç däldir yhlasyň, garaşsa öňde,
şatlyk, gujaklanyp garşy alynsaň.
Oňatlygy gözläp gitseň gideňde,
Hem kaýyllyk bilen ýada salynsaň.
A. Annaberdiyew
Menem goshgujyk goysam bolyamy?
Mana degme, Magtymguly bolay!(30%, 3 adam)
Yaz yaz, hemme goshga yatdy!(30%, 3 adam)
Dost sen nirdenay?(20%, 2 adam)
Siyip gelde yat!(10%, 1 adam)
Prezident goshgy yazdy, sen dagy namay?!(10%, 1 adam)
Состояние архива
● Полный текст
● Сохранено комментариев: 14/14
Опубликовано на сайте: teswirler.com · Источник: копия Web Archive — ertir.com, 2 августа 2012 · Открыть оригинал ↗
Комментарии 14
Menem bir goshgujyk goysam bolarmyka. Gowy goshgy eken, bilyaninizem bardyr elbetde. Yone yene-de okasan chunnur manyly.
Bolmasa
Saglyk bolar bu durmuşyň gözbaşy
Dünýäň dardyr sagat janyň bolmasa
Adam doýmaz berseň müň dürli aşy
Saçagyňda bugdaý nanyň bolmasa
Akyl-paýhas gerek adamkärlige
Sylag-hormat gerek agzybirlige
Dostlaşyp ýüz ursaň hilegärlige
Sylamazlar sözde çynyň bolmasa
Ýüregiň ak bolup halka garasaň
Alkyş ýagar toý ýasyna ýarasaň
Lukman bolup syrkaw halyn sorasaň
Dert yeňlemez derman sözüň bolmasa
Mydam gullyk etseň ýagşy niýete
Eýe eder at-abraýa, döwlede
Agzybir maşgalaň dargar her ýere
Akylly ak-sakal ulyň bolmasa
Aga diýr aýby ýok garyp bolanyň
Beter barly bolup garyp öleniň
Doýurmaz diläniň, mugt alanyň
Yrsgal ojagynda paýyň bolmasa
gijaniz rahat bolsyn goshgyda govy
wow!
bet
Gaty gowy goshgy!
Haladym! Govja goshgy eken!
Bet
bet goşgy
A. Annaberdiýew - barada biraz ýazsaň bet-ä bolardy. Men oň adynam bilemok. ÖWREDIŇ
super ikisam 👍
Menem güýzde üstün çal duman bürän
Derýaň suwy ýaly köşeşdim bu gün.
hawwa aglap aglap ahyr kosheshdim menem 🙂
a name uchin agladyn?
entek okuwcy dowrum bir depderim bardy, soygi hakda goshgy yazyadym dine. Shony dorjeledim, shondan chykdy. A. Annaberdiywein bir kitabyny alypdym kitaphanadan, shondan yazypdym. Ozi hakda kan zat bilemok, yone goshgulary bar.
minnetdar gowja goshgylary paylashanynyza