"Blatnoýmy" ýa-da......

Salam hormatly agzalar! Türkmende bir söz bar, "gelin bolup görmesegem, duldan seredip görüpdik" ýa-da şuňa meňzeşräk bir zatdy öz-ä... Geliň, onda bizem, "blatnoý" bolup görmesegem, bolmak barada "arzuw" edip göreliň 😉.Facebook, mail.ru ýaly sahypalary ulanýan türkmen ýaş oglan-gyzlarymyz tüweleme indi az däl. Bular ýaly sahypalarda-danäme surat zat goýulýa. Hawa, onda biziň bu gürrüňimizem suratlary arkaly "blatnoýlygyny" görkezýän "blatnoý" ýa "krutoý" yaşlarymyz barada. Beýle suratlara her kimem düşüp oňaryp biliberenok 🙂... Şo düşüp bilmeýänlere gollanma hökmünde şu blog ýazylýar 😉. Hany onda başladyk:
1. Dollarşik: Bu hili surata düşmek üçin birnäçe sany dollar tapmaly, näçelikdiginiň tapawudy ýok, 1-lik bolsa-da bolýa 🙂..Eger özüňizde ýok bolsa, gynanyp oturasy zat ýok, tanyş-bilşiňden 2 minutlyk, surata düşýänçäň alaý.
2. Bet maşyn:  Munuň üçin azajyk pullurak bolmaly, ýagny gowja maşynyň bolmaly, Camry, BMW, Mersedes ýaly maşynyňyz bolsa, has gowy, "abraý"-da sebäbi ol 🙂..Ýöne, biz ýaly maşyny ýoklar näme etmeli? Gynanmaň, ruhuňyzy belent tutuň, internet ulanmaýan tanşyňyzyň, ýa garyndaşyňyzyň gowjarak maşyny bolsa, şoň ýanynda surata düşäýmeli 🙂, eger daşary ýurtda bolsaňyz, näme köp köçede duran gowja maşynlar köp, ilki eýläňize-beýläňize serediň, daş-töwerekde adam ýok bolsa, pursaty elden bermäň 🙂
3. Laptop-kompýuter: Laptonyňyz ýa kompýuteriňiz bar bolsa, nämä garaşyp dursuňyz, derrew surata düşüň-de, goýuň internetde. Bolmanda iPhone ýa başga gowjarak telefon tapsaňyz, şolam bolýa. 
4. Negrler: Daşary ýurtda bolsaňyz, daş-töweregiňizde hökman gara doganlarymyz bardyr, tanasaňyz-a bagtyňyz getirdi, tanamasaňyzam, "bir gören tanyş.." diýipdirler, birje surata düşäýeli diýip haýyş etseň, kyn ýagdaýyňa düşüner, ýok diýip durmaz. Bellik: Egnine eliňizi atyp düşjek boluň. 
5. Owadanja gyzlar: (Bu oglan "blatnoýlar" üçin) Bir owadanja gyz tapyp düşmeli surata. Aý, owadanyny tapmasaňyz, ýewropeid bolsa bolýa, düşüberiň. Bellik: aňrujy ýagdaýy bolsa, egnine eliňizi atyň. 

6. Kalýan (Suw çilim): Ohhooo-hooow, bu "blatnoýlygyň" aňry başy, bir kalýan çekilýän ýere gidiň, surata düşeniň nämä degmeýä? Oňarsaňyz her hili bolup düşüň, çilimden sorup, tüssäni daşyna üfläp çykarýan wagtyňyz derrew surata düşmelidir, ýagny şo tüsse hökman bolaýmaly. 

Elbetde, ýagdaýyňyz ýetse ýa-da pursat dörese, iki maddany bir suratda jemläp düşseňiz, onda has gowy, meselem: 1+2, 1+3, 1+4, 1+5, 1+6, 1+2+5 (gaty betinden bu), 1+5+6 (bu-da gaty betinden)... 
Hormatly agzalar, bu "gollanma" siziňem geljekde "blatnoý" bolup, özüňiziň gaty "ösen aň-düşünjelidigiňizi" dostlaryňyza we beýleki internet ulanýanlara görkezip bilmegiňize ýardam eder diýip umyt edýäs. (Awtor)

Bellik: Siziňem goşmaça teklipleriňizi we pikirleriňizi ýazmagyňyza garaşýas. (Redaksiýa)