Diňe saýraýan dil däl, söýýän ýürek hem gerek (hekaýa)

Ertir irden oýananda aşgazanynda bir agyrma bar ýaly bolup durdy.
Aşgazan agşamky iýenlerinden däl-de, oýanandan soň bu günki planlarydy. Bu gün
iki ýyldan bäri duşuşýan söýgülisi bilen arany açmakçydy.Aslynda bu karary
gijräk hem beripdi. "Bu gutarmaly" diýdi ýaş oglan we üst başlaryny
geýinýärdi. Daşary çykdy we duşuşyk ýerine çalt-çalt ädimläp ýöredi, bu güne
çenli ony hiç garaşdyrmandy, bu gün hem garaşdyrjak däldi. Howa sowuk we bulutlydy.
Ýaş ýigit " Bulutlar hem biziň aýrljagymyza aglaýar" diýip içini
hümledip garaşyp durdy. Ine-de, duşuşyk wagty geldi. Birnäçe minut garaşdyran
gyz ýetip gelýärdi. Trotuardan ýöräp barýarkalar hiç gürleşmediler. Gyz bolsa
oglanyň beýle pikir bilen gelenini bilmeýärdi. Ahyry bir kafede aýak
çekdiler.Gyz oglanyň bir zatlar aýtjak bolýanyny syzdy we "Maňa bir zat
aýtjak bolýaň öýdýän" diýdi. Oglan gözleri ýerde kellesini yrady. Gyz
"Aýt,nämä garaşýaň" diýip gatyrgandy. Oglan ahyry dillendi
"Ezizim, biz indi nirä çenli gideris" diýdi. Gyz "Muny näme
soraýaň" diýdi. 

Oglan ekabyrlanyp söze başlady:

- Birnäçe aý öň gije 11-de saňa telefonda ýazan goşgymy okamak
isledim, sen maňa 

"Tapýan wagtyň şumy, başga işiň ýokmy? - diýip jogap berdiň.
"Bagyşla" diýip telefony goýdum. Soň bolsa şol şygyry menden hiç
soramadyň.

Geçen aý hassa bolup düşekde ýatyrkam, sen hem gelipdiň, joralaryň
maňa "Sen ýene bagtly , söýgüliň saňa sereder" diýen-de, sen bolsa
"Meň işim ýokmy, ejesi sereder-dä" diýipdiň, ýadyňa düşdimi?!

Gyz oglana garap "Men duýgudaşlygy kän halamok hem-de hassa
seredýäne meňzeýän däldirin-le" diýdi. 

Oglan güldi "Hawa,ezizim, sen doly hakly. Sendäki ýürek bilen
hassa bakyjy, doktor bolup bilmersiň" diýip sözçne dowam etdi "Daň
agaranda maňa owadan sözlerden ybarat SMS ugradyp gördüňmi?Hiç , aslynda hiç
wagt hem ugratmadyň ahyr sen" 

Duýguly bolmany söýmän bilersiň, emma seni söýenleri bagtly etmek hem
islemeýärsiň. 

Gyz ahyry "Sen menden şahyr etjek bolýaňmy?" diýdi.
Oglan ýene ýylgyrdy we içinden bu aýrylma kararyny dogry berenini pikir etdi we
"Ýok, senden şahyr bolmagyňy islämok, bolup hem bilmersiň-de. Biz
aýrylmaly"

Gyz aljyrady "Näme üçin?! Men seni söýýärin ahyry. Sen hem
meni söýýärmikäň öýdýärdim" diýip titrek ses bilen aýtdy. Oglan
"Ýok-la, ezizim sen meni söýýärmikäň öýdýärdiň. Eger meni söýýän bolsadyň
bärde başga zatlar gürleşilerdi" Gyzyň gözleri ýaşdan doldy "Meni
başgasyna çalyşýan dälsiň diýip pikir edýän" diýdi. Oglan "Muny
nähili pikir edip bilýäň,senden başgasy bolmady we köp wagt boljagyny hem pikir
etmeýärin" diýdi. 

Indi Iki sany ýat adam oturan ýalydylar. Gyz "Turaýaly
onda" diýdi,oglan bolsa "Sen isleseň turaý, ýöne men biraz bärde
galjak" diýdi. Gyz "Bolýar onda sag bol, durmuşyňda bagtly bol"
diýende sesi we elleri titreýärdi. 

Oglan öýüne geldi we öz-özüne "dogry etdim" diýip
gaýtalady. Jaýyna girdi we düşege süýndi. Ertir ir bilen işe gitmelidi. Iki
ýana aýlanyp togalanyp zordan uka gitdi. Irden sagadyň zarryldysyna oýandy.
Sagat 7. Öýden işe çykjak wagty telefonyna seretdi SMS we 10 gezek jogapsyz
telefon jaňy bardy. Ýadawlykdan telefon sesini eşitmändi, SMS hem jaňlar hem
söýgülisindendi.

Bir seni
söýdüm, eý gara gözlim,

Senden
başgasyny söýüp bilmerin!

Bir seni
söýdim eý süýji dillim,

Senden
başgasyna doýup bilmerin!

Gara gözlim
saňa andym bereýin,

Senden
başgasy bolup bilmez ýürekde,

Gara gözlim
saňa janym bereýin,

Senden başga
biri maňa gerek däl“

Oglan derrew
söýgülisine jaň etdi. Telefony alan gyzyň ejesidi, diňe zaryn-zaryn aglaýardy.
„Oglum,men onuň ejesi, gyzym özüni asypdyr“ diýende ýigidiň gözleri doldy we
ýere ýykylyp galdy.