LUKMANLARYŇ TEKLIPLERI WE MENIŇ BELLIKLERIM!
LUKMANLARYŇ AGYZ BEKLEÝÄNLERE
BERJEK TEKLIPLERI WE MENIŇ KÄBIR ETJEK BELLIKLERIM!
Mukaddes Oraza aýy birnäçe on ýyllyklardan soň tomusyň yssy günlerine gelip ýetdi. Tomusyň şu yssy günlerinde agyz beklemegiň saglyk üçin aýratyn bir meseleleri ýüze çykýar.
AGYZ BEKLEMEK BARADA LUKMANLARYŇ PIKIRI
Halkara saglygy goraýyş gurmalarynyň agzalary we musulman diniň ruhany adamlary bilen bililikde howanyň yssy günlerinde agyz beklenişigi aladanyp, bu barada özleriniň birnäçe tekliplerini hödürleýärler.
Gyrgyz lukmany Ramis Usenbekow: „Medisina göz garaýyş bilen seredeňde bu günler agyz beklemek saglygy oňat adamlar üçin örän peýdalydyr. Ýöne, keselli adamlar üçin bolsa bu olaryň derdini öňkiden hem beter has güýçlendirer. Howanyň yssy günlerinde adamynyň suw siňdiriş ukyby has güýçlidir. Şu sebäpden hem köpräk suwuk zatlardan içmeli“.-diýip maslahat berýär.
Tatar lukmany Eldar Tuhýatullin: „Iç keselleriniň ukybyny artdyrýan ir-iýmişlerden agyz beklemekden öň we soň saklanmaly. Düzümi uglewodly önümleri - guradylan miwelerleri, hurma, inžir, süýt önümleri, towuk eti we balyk iýmeli“ – diýip masalahat berýär. Şeýle hem ol gazly suwlary içmekden saklanmagy maslahat berýär.
Owgan ruhany Mustafa Fedaý: „Islam dinine ynanýanlarynyň saglygnyň gowy bolmaklygy ugrunda çalyşyp, eger-de agyzy bekli adam özünden giden ýagdaýynda we adatdan daşary ýagdaýa düşen halatynda, onda oňa agzyny açmaga rugsat berilýär“ - diýip Mukaddes Kurhandaky ýazgyny ýatlap geçdi.
Tatar ruhany Ildus Faiz bolsa düýbinden başga pikirde: Ýagny, ol „Orazada agyz bekläp, saglygy dikeldip bolmaz. Dürli keseldäki (kelle agry, ýürek agry, süýjilik, böwrek, aşgazan agry we ş.m.) adamlara agyz beklemegi göwünlik bermek bolmaz. Agyz beklemek hökmany däl, emma Oraza aýynda beklense, onda onuň şol aýda arzuwlan arzuwlary, niýetlän niýetleri has ýerlikli bolar“ – diýip öz pikirini beýan edýär.BELLIK: Indi meniň pikirimçe ýokardaky aýdylanlardan ugur alyp, belli bir netije çykardym. Ýagny, keselli adamlara, göwreli aýallara ýa-da çagany idetýän aýallara şeýle hem agyr işde işleýän adamalara agyz beklemek hökman dälmikä öýtýän. Ýöne saglygy dürs, hereketsiz ýeňil işlerde (ofisde, mekdepde, dükanlarda, hyzmat ediş nokatlarda tikinçilik sehlerinde we ş.m.) işleýänlere peýdaly hasap edýärin. Säbibi adam işlände suwsyzlykdan ejir çekmese, agyr goş göterilmese, hereketsiz oturan ýerinde işini bitirse, onda bu agyz bekleniş döwürinde hiç-hili kösençlik duýulmazmyka diýip hsap edýärin. Gaýtam, öňki çilim çekýän çilimini, arak içýän aragyny, paýyş sözleri köp ulanýan sözüni özüne erk edip azaltmaga mümkinçilik bolarmyka öýtýän. Mundan başgada daň bilen turup agyz beklejek bolup nahar iýenimizden soňra dessine ýatmak bilen bolman eýsem azajyk hereket etsek we agyz açanymyzda bolsa, aşgazany kösemän, howlukman, pesinden ýarym sagatlap nahar iýsek ondan hereket etsek (Agşam we Taraba namazalaryny okasak), onda biziň agyz bekleniş döwürimiz ýerine düşermikä diýip hasap edýärin.
Состояние архива
● Полный текст
● Сохранено комментариев: 34/34
Опубликовано на сайте: teswirler.com · Источник: копия Web Archive — ertir.com, 24 мая 2012 · Открыть оригинал ↗
Комментарии 34
senem syrkawlamajak bol 😉
LUKMANLARYÑ TEKLIPLERI... diýipsiñ bloguñ adynda. Diñe Owganly belläp geçipdir, onuñ aýdany dini mowzuk bolup dur. A gyrgyzlynyñ aýdanyndan soñ maslahat berýär! diýip belläpsiñ. Dost sho lukmanlaryñ aýdanlaryndan soñky sözleriñi okap gör hany näme ýazyklyka?!
P.s Salam! 🙂
Mergen kaka, saňa söz ýok, mowzugyňa-da! 👍
sagbol maglumatlar üçün
👍
Belligin bn doly ylalashyan
saglyk gowy zat.