goşgy. «Hyşy-wyşy»
HYŞY-WYŞY
Hyşy-wyşy, hyşy-wyşy...
Lenç etdi gyşy.
Gyş, hamala, tomsy söýenmiş.
Emma, ara düşenmiş ýaz.
Şondan bärem gyşy,
Buz örtüp doňmuş.
Hem ondan gelýärmiş aýazly owaz.
„Bu baharjyk kimmiş, ýazjagaz kimmiş”
Gyşyň „ýazjagaz” diýýäni ýumşajyk ýagyş,
Garlary eredýän, buzlary ýarýan.
Egni gyrmyzdonly ala-ýaz ýigit,
Bilbilleri hoş owazly saýraýan.
Desse-desse güllerini
Sowgat edýän tomusa...
„Ýazjagaz” diýibersin
Bularyň barysy gyş üçin gussa.
Hyşy-wyşy, hyşy-wyşy.
Tomusda galňan ýapraklar pyşyrdap,
Hyşyda-wyşy.
Hamana tomus ýat edip gyşy,
Ýanýarmyş .
Käteler öýlänçi gelip, şybbyrdap,
Ýagyş ýagýarmyş.
Ýöne ol asla ýagyş däl,
Tomsuň döken gözýaşymyş...
Ylýas Amangeldi
Состояние архива
● Полный текст
● Сохранено комментариев: 16/16
Опубликовано на сайте: teswirler.com · Источник: копия Web Archive — ertir.com, 18 июня 2012 · Открыть оригинал ↗
Комментарии 16
Sagja bol. Ongem okapdym.
Minnetda gaty gowy goshgy +1
nirde okadyň?
aý ýok bu täzeräk goşgy.
*
Asman
Eline urulan ýetimçe ýaly,
Kemiş-kemiş edip dur.
Bulutlar dem alara howa tapanok.
Ahyram gübürdäp gitdi,
Geldi öýlänçi,
Asmanyň boşady içi.
Y.A.
(bu nähili?)
gowy goşgy..!! 👍
güyzi hem goşaymaly eken şahyr..😎
cözdi +1
soňky kiçijek goşgy edil surat çekilen ýalymy?
hakykatdanam şowuna düşen goşgy.
menem haladym.
derman bolup degdi
goshga aydara soz yok. BETEsasanda shu iki setirGyşyň „ýazjagaz” diýýäni ýumşajyk ýagyş,
Garlary eredýän, buzlary ýarýan.
gowy goshgy ... ejeme hem okap berdim ...🙂
Hamana tomus ýat edip gyşy,
Ýanýarmyş .
Gyş, hamala, tomsy söýenmiş.
Emma, ara düşenmiş ýaz.
Şondan bärem gyşy,
Buz örtüp doňmuş.
👍
gowy gosgy