Masgarabazyň ölümi - T. Baýramow
Ol hünär edinen masgarabazdy,
Il içinde mydam gülki paýlady.
Şatlykdyr hasrat ýetik dünýäde
Ol öz ykbalyny gülkä baglady.
Ýyllar boýy ilden ile gatnady,
Ile lezzet berip özi ýadady.
Adamlaryň köňül törüne barýan
Gülki onuň üçin ajap ýodady.
Günleriň bir güni barýarka öýe
Içinden nägehan bir bela tutdy.
Egilip, bükülip öwrüldi ýaýa,
Ahyry çydaman ol ýolda ýatdy.
Ýanyna ýygnandy köçeden barýan,
Diýdiler: "Çyn dertlä öýkünýär bu-ýä"
Agyra çydaman urundy her ýan,
Adamlar gülýärdi gelen deý toýa.
Adamlar gülýärdi içlerin tutup,
"Eddil çyn dertliň özi" diýşip.
Ah, olam ýatyrdy içini tutup,
Kä iki bükülip, kä arkan gaýşyp.
Ol öldi diýdiler, çyn ölen ýaly,
Ajal onuň gül meňzini soldurdy.
Misli bolup hünärine wepaly,
Ölende-de adamlary güldürdi...
Состояние архива
● Полный текст
● Сохранено комментариев: 14/14
Опубликовано на сайте: teswirler.com · Источник: копия Web Archive — ertir.com, 6 мая 2012 · Открыть оригинал ↗
Комментарии 14
Gynandymay okamda
Gowy goşgy+1
Gowy go$gy +1
Chungngur manyly goshgy eken. Sagja bol. +1.
Negro, bu hakykatdan-da oran gynandyryjy we tolgundyryjy goshgy. Paylashanyng uchin oran minnetdar. Elleringe saglyk.
,,Mung bir gije,,kitabynda shunga mengzesh waka bolmaly.Onda sheyle sozler bar:,,-Gorguli WAK-WAK hatda olende-de bizi guldurip galdy.,,
hahahahhaa, cozyaa
Raj kapuryn Kloun kinosyndada şuna menzeş waka bolmaly. yüpden ayagy typyp aşak gaçyp ölya. adamlaram el çarpyşya. gormediklere tavsiye. onat kino gorenine degyar.
Suna menzes kinoda bolmaly, dogry.
Sagja bol dost bu goşgyny bu ýerde goýup köpçülige ýetireniň üçin! Bu goşgynyň awtory meniň merhum kakam Tirkiş Baýramow. Belki görenleriňiz bardyr Ar gylyjy diýip ýene bir hekaýasy bardyr. Bu goşgyny şu ýerden http://www.turkmencafe.com/play-9453-masgarabazyn-olumi-t-bayramow-muhammet-bayramow.html we ar gylyjy hekaýasyny şu ýerden http://www.turkmencafe.com/play-9578-ar-gylyjy-hekaya-t-bayramow-muhammet-bayramow.html diňläp we özüňize alyp bilersiňiz!
Salam Muhammet aga. Tirkiş Bayramow sizin kakanyzmydy? Jayy jennet bolsun! Hawa, 'Ar gylyjy' hekayasyny hem dinledim we haladym. Tüweleme sizem örän gowy okayanyz!
Negro_daýy-Sagja bol dost! beren bahan üçin!
tapdym hanym🙂
Raj Kapuryn Menin adym masgarabaz diyen kinosy yada du$ip gitdi