BU SENI AGLADAR

Bu seni agladar
 
Zöhre özlerine tapynan täze öýlerine örän begenýärdi. Sebäbi, bu onuň ömründe ilkinji gezek şäheriň iň laýyk ýerinden satyn alynan jaýdy. Ol şeýle ýeňillik bilen öz zatlaryny sumkasyndan çykaryşdyrdy. Penjirelerdäki tutylaryň öwüsýän şemalyň ugruna öňe-yza edýän herekedi onuň göwnüni göterýärdi. Özbaşyňa aýratynja otagyň bolsa, gör nähili hezil bolýar. Ine, basym okuwam başlar, onuň öz dostlary, joralary bolar. Ine, üýşmeleňler, agşamlar geçiriler, ol käwagtlar joralarynyňkyda hem ýatmagy mümkin. Onuň gökdäki dilegi ýerde gowşupdy.
 
Mekdebiň birinji güni örän gyzykly geçdi. Ol birnäçe okuwçy bilen dostlaşdy. Hat-da biri ony duşuşyga-da çagyrdy! Ol "Meniň meşhur bolasym gelýär, nesip bolsa, bolarynam! Sebäbi, meni duşuşyga çagyran oglan mekdebiň futbol komandasynyň iň ökde oýunçysy" diýip pikir etdi. Bu mekdepde meşhurlyk gazanmak üçin bolsa nähilidir bir hili itergi gerekdi.
 
Hawa, bu oglan bilen duşuşyga gitmek onuň üçin peýdaly bolar. Yöne, ony erkin hereket etmekden saklaýan ýekeje problema bardy. Onuň ata-enesi onuň oglan bilen söýüşerden ýaşynyň kiçidigini aýdypdylar. "Hmm, aý men olara hemme zady dogry aýtmarynam-da. Olar iň soňy tapawudynam bilmezler, ýitirere zat ýok-la!" Zöhre ata-enesinden şol gije öz joralary bilen bolmak üçin rugsat sorady.
Onuň ata-enesiniň gaşlary çytyldy, ýöne "Bolýar" diýip jogap berdiler. Ol çäksiz begenmek bilen bu wajyp waka taýýarlyk görýärdi. Ol näme etjegini bilmeýän deýin eýläk-beýläk ýöreýärdi. Birdenem onuň ýüreginde sözlän ýalan gepleri üçin günäkärlik duýgusy döräp başlady...
 
Hawa, üýşmeleň gyzykly boldy, her-hili naharlar, pissa bardy, her kim göwün äçýardy... Ýöne, agşamky maşynly gezelenç biraz garaşmaly bolaýmasa? Sebäbi, maşynynda aýlamaga äkitmegi söz beren Tahyryň bu mahal biraz içgilidigi bildirýärdi. Ýöne, Tahyr oňa özüni gowy duýýandygyny duýdurdy. Şol barmaşa otagyň içine tüsse ýaýrady. Görse, Tahyr tirýege meňzeş bir zat çekip otyrdy. Zöhre öz gözlerine ynanmady. Tahyr ol zatdan ýene iki-üç ýola soranyndan soňra özüniň gitmäge taýýardygyny mälim etdi. Onuň içgilidigi hakynda pikir hem etmän, olar maşyna münüp, ugradylar.
 
Olar ahyrsoňy barmakçy bolunan ýere ýetdiler. Ondan soňra Tahyr Zöhrä tarap golaýlaşyp başlady. Munuň ýaly hereketleriň bolmagy bolsa Zöhräniň asla pikirinde-de ýokdy. "Mümkin, meniň atam-enem dogry aýdandyrlar....... Megerem, men heniz has ýaşdyryn. Eý-hoow, men nädip beýle samsyk bolupdyryn." Ol bar güýji bilen Tahyry yzlygyna itdi: "Meni öýe äkidäý-dä, meniň öýe gaýdasym gelýär!"
 
Tahyr maşyny otlady we gazy soňuna çenli basyp başlady. Birnäçe sekundyň içinde maşyn janawaryň tizligi adatdakylardan has ýokary geçdi. Tahyr maşynyny ýyrtyjy gahar bilen sürýärdi. Zöhre özüniň janynyň howp astyndadygyna bilýärdi. Ol Tahyra ulagyň tizligini haýallatmagy ýalbarýardy. Ýöne, şähere golaý bardyrklaryça olaryň tizligi ýokarlanýardy. "Meni öýe eltäý-dä! Men özümiň ýalan sözlänimi boýun aljak. Men hökman maşynda aýlanmaga gidenimi aýdaryn..."
 
Şol barmaşa, ol uly bir ýagtylyk gördi. "Eý, Allam, bize kömek et! Biz awariýa bolarys!" Soňra nämäniň bolup geçendigi onuň ýadyna düşenok. Ýöne, birden-kä hemme zat garalypdy. Ol kimdir-biriniň özüni çekip çykarýandygyny duýdy. "Derrew tiz kömegi çagyryň! Bu çagalaryň ýagdaýy erbet!" Ol sesleri eşitdi... Bar eşidip bileni birnäçe söz boldy.
 
Ýöne ol bolup geçen awariýada iki sany maşynyň çaknyşandygyny bilýärdi. Ol öz ýanyndan Tahyriň we beýleki maşynyň içindäki adamlaryň ýagdaýynyň nähilidigi barada gyzyklanýardy. Ol hassahanada gözüni açan mahaly göreni özüne bakýan gussly ýüzler boldy. "Sen maşyn awariýasyna düşüpsiň. Ýagdaýlar örän erbet." Bu sözler onuň kellesiniň içinde ýaňlandy.
 
Soňra olar oňa ýuwaşlyk bilen Tahyryň ölendigini aýtdylar. Olar: "Zöhre, biz elimizden gelenini etdik. Ýöne, biz seni hem ýitirermikäk diýýäris" diýdiler. "Ýöne, beýleki maşynyň içindäki adamlar näme?" diýip Zöhre janykdy. "Bagyşla, Zöhre, ýöne olaram öldüler." "Eý, Allah, meniň bu etmişim üçin günämi geç. Men diňe ýekeje gije dynç aljak boldum-a!" diýip Zöhre ýalbardy. "Gaýrat edip şol ölen adamlaryň maşgalalaryna aýdyň, MEN olary şu güne saldym. Men olaryň maşgalalaryny yzyna gaýtagyp bermegi arzuw edýärin." "Ejem bilen kakama hem meniň olara ýalan sözlänim üçin örän gynanýandygymy aýdyň. Ol adamlaryň ölümine hem meniň sebäp bolandygymy aýdyň. Lukmanjan, siz şu aýdanlarymy olara ýetirersiňizmi?" Lukman şol duran ýerinde durdy. Ol Zöhräniň aýdanlaryna hiç zat jogap gaýtarmady. Ol diňe göz ýaş döküp Zöhräniň elini eline aldy.
 
Şondan birnäçe sekunt geçensoň Zöhre jan berdi. Gapdalda duran erkek kişi lukmandan "Siz näme üçin bu öljek bolup duran gyzjagazyň iň soňky dilegini ýerine ýetirmek üçin dyrjaşmadyňyz?" diýip sorady. Lukman gaýgyly gözleri bilen oňa seredip "Sebäbi, beýleki maşynyň içindäki adamlar onuň ejesi bilen kakasydy" diýip jogap berdi.

Eziz doganlar, hemmämiz ünsli bolalyň, şolar ýaly ýalňyşlary goýbermäliň!