Бираз Сойгу хакында

Men goşgy ýazmaryn şu günden şeýläk, Eňräbem ýörmesin ýüregim zar-zar, Bilmese bir gyzyň başyny aýlap,Ol goşgy, ol talant nämäme derkar!Bu gün hatda göwnüm geçdi özümden, Saçlaryny ütýän bu gara kelläň, Ýogsa aýtjak sözüm ýat tutup gidip, Gaýdardymmy näme diýjegim bilmän!Bu gün hatda söýgüdenem dilgir men, Onuň bar gudratyn, Güýjün ret edip. Ýogsa meni ýakyp-ýandyran söýgi Heý, bilmezmi seni biraz eredip!?Ýandyrdyň sen meniň nije şygrymy, Ýandyrdyň sen nije goşgy-gazalym! Gör, ýene-de dilýär meniň bagrymy Şonça oda ýylamadyk nazaryň!Ýok! Men goşgy ýazaryn şu günden şeýläk, Maýyl bolup elwan gül deý keşbiňe, Iru-giç iň gowy şygrymy saýlap, Tutaşdyrlyk ederin seň yşgyňa…