Türk kofesi

Özboluşly tagamy, köpügi, ysy, bişirilşi we hödürleniş usuly bilen türklere mahsus we düýbündäki çökündisi bilen hödürlenýän ýeke-täk kofedir. 14-nji asyryň başlarynda Efiopiýadan dünýäniň çar tarapyna ýaýrandygy kesgitlenen kofeni Stambula 1517-nji ýylda Ýemeniň häkimi Ösdemir Paşa getirýär.Stambulda çig kofe däneleri sajda gowrulandan soň üwelip ýörite gapda bişirilmäge başlandan soň türk kofesi adyna eýe bolýar. Türk kofesiniň tagamy we meşhurlygy ýoly Stambula düşen wenesiýaly we marsilýaly täjirleriň saýasynda Ýewropadan başlap bütin dünýä ýaýraýar. Elbetde Osman ilçileriniň goşandyny hem ýatdan çykarmaly däl. 1669-njy ýylda Osman döwletiniň ilçisi degişmeçi Süleýman Aga Fransiýanyň Şasy bilen duşuşmak üçin Pariže ugradylýar. Şol wagt özüne ýoldaşlyk edýän 20 adamlyk wekiliýet türk kofesini Parižiň ýokary gatlagynyň wekillerine hödür edýär. Türk kofesi şeýle halanýar welin Süleýman Aga Parižden gaýdýar emma kofeçisi ol ýerde galýar we kafe açýar.