Gäminiň bagty

Uçguraksyz ummanda ýalňyz gämi ýüzüp barýar. Däli gomlary böwsüp, arzyly kenara sary barýan şol gämi näme? Bu gezek tapmaçamyň jogabyny sözümiň ahyrynda aýdasym gelýär. Gäminiň bar maksady – suwa çümmän, suwuň ýüzünde hereket etmekdir. Eger-de gämi öz maksadyndan daşlaşsa, onda ol gämilikdenem daşlaşýandyr. Gämini ýüzdürýän zat suwam bolsa, bir tarap suw gäminiň duşmanydyr. Olar duşmandyr. Ylla diýersiň, suw gämä duşman okunypdyr. Okeanlar, deňizler gämilere suwsan ýaly, olaryň ýuwudan gämileriniň sany-sajagy ýokdur. Umman ýuwdarhadyr... Özüniň gomlaryna, apy-tupanlaryna döz gelmeýän gämileriň ählijesine ýalmap ýuwudýar. Ine, ol şular ýaly dözümli hem-de rehimsiz. Eger gämi boljak bolsaň, suwa asla bil baglaýmagyn. Eger gämi boljak bolsaň, suw bilen äbede-jüýje bolup bilmersiň. Sähel ýan berdigiň, sähel ýüz berdigiň suw seni gark edäýer. Sen nädip suwdan dolanyňam bilmersiň. Bir görseň, ummanyň düýbine bakan, asmanda gaýýan ýelek ýaly, gaýyp barýansyň. Wah, onuň oýuny kändir-le. Wah, onuň oýnuna aldanan gämilerem kändir...
Gämi üçin bagt nämedir? Elbetde, agdarylman, gark bolman arzyly kenara ulaşmakdyr.... Ol gämi – ynsandyr.