Buşluk, Mübärek Rejep aýy gelýär!

Buşluk,
Mübärek Rejep aýy gelýär!
Ertir 2010-njy ýylyň 13-nji iýuny milady ýylynda mübärek rejep aýy başlaýar.

Bilgil, bu aý
hemme aýyň ulusydyr. Bu aýyň üç ady bardyr: owwal ady rejep, ikinji ady
şehralla (Allanyň aýy) üçünji ady mahker (ker aý).

Resul
alaýhyssalam aýdypdyr:

—Rejep aýy
Allatagalanyň aýydyr. Şagban (meret) meniň aýymdyr. Remezan ymmatlarymyň
aýydyr. Her kim rejepde oraza tutsa, şol aýyň sogaplaryna ynanyp, azaplaryna
guwanyp sabyr etse, Allatagala ol bendä behiştden uly jaý berer.

Kim rejep aýy iki
rekagat namaz okasa, ol gijesi ýa ol gündizi her rekagatda bir «Fatyha» bilen
bäş ýola «Kulhuwallahu-ahady» okasa, ol bendäniň behişde girmegine men
kepildirin.

Rejep aýynyň bir
ady kerdir. Nämüçin ker diýipdirler? Çünki, diňe rejep aýy Haktagalanyň eden
ýagşylygyny eşider we bu aýda eden günäňe kyýamat gün güwälik bermez. Bende
başga bir aýda günä etse, ol aý güwälik berer. Emma rejep aýy güwälik bermez.

Rejep aýynda
edilmeli sogap işler.

Resul
alaýhyssalam aýdypdyr:

Rejep aýynyň
owalynda üç gün oraza tutsa, tä jennetde jaýyny görmeýänçä dünýäden gitmez.
Allatagala ol bendäniň elli sany uly günäsini ýok eder. Ol bendäniň elli
hajatyny bu dünýäde, ýetmiş hajatyny amallary terezä salnan wagtynda we ýetmiş
hajatyny Syratyň üstünde wagty rowa eder.

Ýene ol bende üç
seýit bendäni azat eden dek bolar.

Ýene ol bendä
göýä ýetmiň mertebe Gurhan okan dek, Hudaýtagala üçin ýetmiş gala bina eden
dek, ýetmiş mertebe gazata baryp, kapyry gyran dek, ýetmiş metjit bina eden dek
we ýetmiş köpri bina eden dek bolar.

Her kim rejep aýy
sadaka berse, ol bendäniň amallary terezä salnanda ýagşylyklary Uhud dagyndan
agyr geler. Rejep aýynda bir teňňe sadaka berseň, müň teňňe sadaka bereniň
sogabyndan hem artyk bolar.