Maşgalada sabyr…(Ahmet Şahin - Zaman)

Arzuw edilýän maşgala durmuşy şeýle bir durmuşdyr, erkek bilen aýalyň düşünjeleri deň gelip, agzybir ýaşamak. Etjek işlerinde bile karar alyp, bolýany bilen bolmaýany bilelikde ýüze çykarmaly.
 
Emma bu bir öňde goýulýan maksat. Maksatlar elmydama hasyl bolmaýar. Ýa erkek, ýa-da aýal tarapyndan tapawutly garaýyşlar ýüze çykyp bilýär. Käwagt olaryň düşünjeleriniň biri-biriniňkä gabat gelmeýän pursatlary bolýar. Bu meselede hem biriniň halaýan zadyna beýlekisi bolýar diýip, onuň ýagdaýyna düşünip maşgala durmuşyna dowam edip bilmegi mesele döredip bilýär.
Ine, şu ýerde-de sabyr orta girýär. Men hem şu gün size sabyr meselesini düşündirmegi ýüregime düwdim.
 
Hakykatdanam, maşgalada sabyryň ýeri örän möhümdir. Hatda, şeýle diýip bolar, sabyrsyz maşgala durmuşy bolmaz, eger bolsa-da, hökman öýke-kine ýa-da igenç durmuşyň akyşyny üýtgedip bilýär. Ol hem durmuşy gaty kynlaşdyrýar. Şonuň üçinem Pygamberimiz (s.a.w.), maşgala durmuşynda sabyryň örän möhümdigini nygtap şeýle diýýär:
 
Sabyr her ýerde gowudyr. Emma maşgalada has hem gowudyr. Çünki maşgaladaky sabyr eýesini jennede äkitmek bilen çäklenmän, sabyryň agyrlygyna görä, jennetdäki derejesini hem beýgeldýär, hatda, jennetdäki zenanlaryň uýasy, erkekleriň agasy derejesini göterip biler.
 
Sabyryň has kynragy bolsa, erkek adamy Eýýup aleýhisselamyň sabyrynyň sogabyna ýetirip biljekdigi ýaly, zenanlary hem Asiýe enemiziň sabyr sogabyna gowuşdyryp bilýär.
 
Pygamberimiziň (s.a.w.) bu babatdaky hadysyny Ymam Gazaly Hezretleri söhbetinde şeýle gürrüň berýär:
 
- Kim aýalynyň iňirdisine sabyr etse, (sabyryň agyrlylygyna görä) Allatagala ol adama Eýýup aleýhisselamyň sabryna beren sogaby berip biler.
 
Kimem öz äriniň igenjine sabyr etse (sabyryň agyrlygyna görä) Allatagala ol zenana-da Faraonuň aýaly Asiýäň sabryna beren sogaby ýaly sogap berip biler.
 
Hawa, maşgalanyň içindäki sabyryň taraplara gazandyrýan ruhy derejeleri we sowgatlary şeýleräk. Onsuzam sabyryň şunuň ýaly sogaplaryny bilip sabyr etýänler öýde derrew ajaýyp durmuşyň döremegine sebäp bolýarlar. Ony sabyr etmäge zorlaýan zatlar hem şol sebäpli azalar. Hatda, wagtyň geçmegi bilen ýok bolup gider. Ahyrýetden öň dünýäde sabyryň sogabynam alarlar.
 
Ymam Gazaly bu hadysy gürrüň berenden soň taraplara şeýle duýduryş berýär:
 
- Aýaly bilen agzybir ýaşaşmak, diňe kine saklamazlykdan ybarat däldir. Gaýtam, tersine onuň gynandyryjy ters düşünjelerine dogry düşünip, sabyr etmek diýmekdir.
 
Şol zatlar zenanlar üçinem möhümdir. Erkege sabyr etmek, oňa görä hereket etmekden ybarat däldir. Şol bir wagtyň özünde maşgalany dargatman, agzybir saklap bilmekdir.
 
Bu name üçin şeýle? Allatagala maşgalanyň dagamagyny däl-de, dowam etmegini isleýär. Şonuň üçinem maşgalasyny dagatman saklaýan erkeklere Eýýup aleýhisselamyň, zenanlara bolsa, Asiýe enemiziň sogabyny wada berýär.