Degişmeler. (Pyhy Tagan)

Salam agzalar we myhmanlar. Men bu gün Beýik degişmeçi, ýaşuly satiraçymyz Pyhy aganyñ degişmelerinden bölek size ýetirmekçi!

1) Bir gün bir şahyrsumagyň biri Pyhy aganyň ýanyna gelip: “Pyhy aga, seniň Aşgabatda kompozitorlardan tanyşlaryň köpdür. Gaýratet-de, meniň 2-3 goşgymysaza geçirt. Özüm gadyryňy bilerin” diýen. Onda Pyhy aga:   “ Ony hek ederin, inim! Ýöne, men saňa diňleýji ta­pyp bererin diýib-ä boýun alyp biljekdäl”   diýen.

2) Birgezek biri Pyha gaharlanyp:   “Pyhy, seniň itiň sanawynda-da adyň ýok ekeni” diýen. Onda Pyhy aga:   “Sen öz adyň ýazylan sanawa seretme-de, meniň adymy görjek bolsaň, adam ady ýazylan sanawa seret” diýipdir.

3)Birmärekede bir degniksiziň biri Pyhy dädä degjek bolup oňa: “Ýaşuly, sen Pyhy dädäň nämesi?” diýip so­rapdyr. Onda Pyhy Tagan: “Men şoň aýalynyň äri“ diýip jogap beripdir.

4) Pyhy aga aýaly bilen çaý içip otyrka, bir ýigit gelip: “Goňşy, igäňiz barmy?” diýip soran. Pyhy däde: “Ine, ýanymda çaý içip otyr manmy, al-da gidiber” diýip, aýalyny görkezen.

5) Pyhy aga bir gezek öýünde nahar edinip otyrka gapydan giren goňşy ýigit: “Oho- how...meni gaýnenem söýen eken-ow” diýen. On­da Pyhy Tagan: “Seni gaýyneneň söýeniniň haýry ýok, gyzy söýmese” diýip, ýaňky ýigidiň mydama gelni bilen sögüşip oturýandygyny ýaňzydypdyr.