Ýürekde galan pursatlar.
Ikisiniñ birlikde zyñan köpükleri pyrlanyp-pyrlanyp "jülp" edip,akyp duran Murgaba gaçdy.Suwa köpük zyñma adatynyñ nirden gelenini bu duran jübütiñ hijisem anyk bilenokdy.Ilkinji gezek bu köprä gelenlerinde bir salym durup,arzuw edipdiler.Arzuw edenlerinden soñam hersi bir teññeden derýa okladylar.Shondan soñam bu köprä gelenlerinde hökman bu adaty ýerine ýetirerdiler.Olaryñ ynanmak isleýän adatlary belki özüñi aldama-da bolup biler,ýöne ikisem bu ýerde edýän arzuwlarynyñ çyn ýürekden hasyl bolmagyny isleýärdiler.
Adamlar söýmek üçin ýashaýarlar,söýmek üçin ishleýärler,söýmek üçin iýip-içýärler,söýmek üçin aglaýarlar,söýmek üçin gülýärler.Adam bütin ömrüni söýüp ýashaýar.
Olaryñ duran köprüsi adatdakylardan tapawutlylykda gurlush arhitekturasy üýtgeshik.Poýezdlara gurulan köpri ýaly,ýöne pyýadalara niýetlenen.Üç tarapy atanak demirden gurulan köpri Marynyñ Mollanepes we Ashgabat köçelerdäki köprüleriñ arasynda ýerleship,merkezi seýilbag bilen Kemine teatryñ aralygynda ýol ýasaýardy.
Olar köpriñ üstünde gosha gumrulara çalym edip biri-birine ýakynjak durup,birzatlar gürleshýärdiler.Gyz gamgyn gözlerini oglana gönükdirip:
-Indi, haçan gelersiñ?-diýip sorady. Oglan:
-Anyk aýdyp biljek däl.mümkinçiligim boldugyndan geljek bolaryn.
Gyz nägileligini bildirmek isleýän ýaly,uludan bir demini alyp,oglandan ýüzüni sowup,derýañ akyshyny synlady.Günüñ shöhlesi suwuñ ýüzünde lowurdap-lowurdap oýnaýardy.Ýüz ýyllyklaryñ dowamynda mele bulançak suwy bilen akyp duran Murgap,bu duran iki juwana barmysyñam diýmän öz ugruna akyp durdy.Gyz akyp duran suwa seretdigiçe hasam gamlanýardy.Akyp duran suw oña wagty görkezýän ýalydy.Derýany saklap bolmaýshy ýaly,wagtam saklap bolmaýar.Bu hakykat edil shu pursatda onuñ ýüregini paralady.Birden gyz ümsümligi bozup:
-Ýer ýüzündäki ähli sagatlar saklansady,dünýäde-de diñe ikimiz bolsadyk...-diýip tiziräk bu sözleri gursagyndan çykarmak isleýän ýaly bir demde aýtdy.Gyz oglanyñ pikirlerini aýdan ýaly bu sözler oglana täsir etdi.Oglan gyzyñ shemala oýnap duran gara saçlaryny tertipläp durshuna:
-Sen gamlanma,biz habarlashyp durarys.telefon bar ahryn-diýip gyzyñ göwnüni açjak bolup çalaja ýylgyrdy.Oglanyñ ýylgyryshy gyza ýokashan ýaly,gyzam ýylgyrdy.
Olar aýtjak zatlaryny biri-biriniñ nazaryndan okaýardylar.Gözler gürleship durka söz nämä gerek diýsene? Olar özlerini näçe rahat alyp barsalarda,añyrdan möwjäp gelýän duýgularyny basyp saklajak bolsalarda bu aýralyk olary lerzana getirýärdi.
Telefon-telefon... Ýene-de shol kiçijek predmete baglylyk.Telefonda ýashamak."Ertiriñ haýyr,agshamyñ rahat" sms ýa-da jañlashyp aýtmak.messengerde dushushmak,forum-saýtlara gezelenje gitmek,ol ýerlerde pikiriñi paýlashyp,täze zatlar öwrenmek. Soñky döwür telefonda günde-günasha 2-3 sagatlap gürleshmegi çykardylar.Ilki-ilkiler telefonda näme hakda gürleshjeklerini-de bilmeýärdiler.Indi bolsa günde birnäçe sagat gürleshselerem az.Telefon mümkinçilikleri bolsa-da,ol hakyky dushushyklaryñ ornuny tutup bilmeýärdi.Ýene näalaç telefona garashly bolaýmaly.
* * *
Entek biri-birlerini doly tanamaýan wagtlary,entek gyzyñ oglana garshylykly jogap bermeýän wagtlary,gyz bir gün ishden öýüne gidip barýarka,birden penjeginiñ jübüsinde telefonunyñ ýokdugyny bilende,gyzy hamana duran ýerinde ýyldyrym çakana döndi."Belki sumkamdadyr" diýip sumkasyny görüshdirdi.Bir gördi,iki gördi telefon ýok.Awtobusy saklap,düshüp,yzyna taksi tutup,ish ýerine gelende garagul daýy binany ýapjak bolup duran wagty ylgap zordan ýetiship,galdyran telefonuny ýitirip-tapan ýaly bolup,alyp,öýüne gidipdi.Ýogsam öñler ishde telefony galsa-da "aý,ertir alarynda" diýip,yzyna dolanjagam bolanokdy.
Ýolda barýarka "näme men beýle howsala düshdümle gyz,onuñ bu gün jañ etjegi,etmejegi bellem däl.Onda bu bolup ýörshüñ nähili señ.Sen oña beýle parhsyz garaýan bolsañ beýdip iki ýana ylgap ýörmäñ näme diýse-ne.Gaýa ýok,gopuz ýok ýerden bir ýigit üçin beýdip ot-elek bolup ýörmegim nämäniñ alamatyka? Waý-eý,ýogsa-da...
-Ýog-a,ýok,ýok,bolup bilmez!Doly tanamaýan ýigidiñe öz ýanyñdan kalby berip ýörmek... Onda näme onuñ sesini eshitsem, el-aýagymy ýitiriberýän-le?Nämäniñ nyshanasy,nämäniñ alamaty bu?
Men ony ýekeje gezek görüpdim ahryn.Heý aradashlykda-da söýgi bormy?Käshgä,ony bilýän bolsañ,tanaýan bolsañ...
Bashda men özümi onuñ bilen gürrüñlere öwrenishdirmek islemeýärdim.Men ony hakydamdan,ünsümden çykarjak boldum.Bashga-bashga zatlar barada,okan kitaplarym,gören kinolarym barada pikir etmäge çalyshdym.Heý,boljak gümany barmy!Ol hakda pikir etmejek boldugymça,golaýa geldi,nazarymy,kalbymy,ünsümi eýeledi".
(dowamy bar)
Состояние архива
● Полный текст
● Сохранено комментариев: 46/46
Опубликовано на сайте: ertir.com · Источник: копия Web Archive — ertir.com, 1 мая 2012 · Открыть оригинал ↗
Комментарии 46
Bet, bet söz ýok... Dowamyna garashýan 🙂
Bet, bet söz ýok... Dowamyna garashýan 🙂
Ehhh, ol kopru diysene, hergezek sol yerden gecemde gozlerim birugsat kopra tarap bakmasy, mary seyilgahi diyeninde yurege kone duygulan gelmesi.... Ol kopru yada sol yerdeki oturgyc dile gelsedi ol ahli hekayalary bir bir aydyp bererdi.
Ehhh, ol kopru diysene, hergezek sol yerden gecemde gozlerim birugsat kopra tarap bakmasy, mary seyilgahi diyeninde yurege kone duygulan gelmesi.... Ol kopru yada sol yerdeki oturgyc dile gelsedi ol ahli hekayalary bir bir aydyp bererdi.
Yokarky hekayda gapma garsy yerler bar, menem doly okamdan son yazaryn.
Murgap koprusi, yat bolan kopri ...
Ilkinji dushushygymyzda gyrmyzy bägüllerden beren çemeniñ gysh gününi ýaz paslynyñ shöhle saçyp duran gününe öwüripdi.Geñ galmaly ýerem olar guraman uzak durdular,10-15 gün dagyn durdular.Her gün irden oýanan wagtym gözlerim ilki bilen otagymda shol bägülleri gözleýärdi.Olaryñ gyrmyzy bolup,ter bolup oturanlaryny görübem gözlerim dokunardy,shatlanardym.Ruslaryñ bir sözi bar güller uzak dursa,diýmek kalpdan berilendir. Munuñ sheýledigine menem ynanýardym.Seni günde görüp bilmesemde,sen ýanymda bolmasañda,meniñ ýanymda ol güller öz barlygy bilen seniñ barlygyñy duýdurýarlar.Ol güller birwagt gurap gitseler-de,men olary ýatlamda kalbym älemgoshar kimin al-elwan bolup gidýär.Ilkinji sowgat eden çemeniñ kalbymda mydamalyk terligine galar.
Ilkinji dushushygymyzy diýsene.Dushushmazdan öñünçä ol nähili-kä? Ol suratdaky ýalymyka?-diýip tolgunyp,içimi gürledipdim.Dushushdyk.Ilkinji pursatda sen aljyradyñ,näme diýjegiñi bilmän gülleri gowshuryp,maña kompliment aýtdyñ.gowshurylan güllerden,aýdylan komplimentlerden ýaña meniñem ýagdaýym öwerlikli däl-di.Aljyrap,näme diýjegimi bilmän,bir sagbolsun aýdypdym.Soñra saña öz shäherimi görkezdim,kiçijek ekskursiýa geçirdim.Biz gözastyndan biri-birimizi synlaýardyk.Hijimizem dikanlap biri-birimize göni bakyp bilemzokdyk.Soñ men saña öñden bäri dashyndan guwanyp ýören köprini görkezdim.Bilmedim,näme üçindir dashyndan guwansam-da öñ ol köpriden geçip görmändim.Belki,men oña bir adam bilen barmak isländirin.Belki men ony maña ýakyn bolan adam bilen gelerin diýip gorap goýandyryn.Sheýle bolmagy mümkin,sebäbi öñ oña golaýlan wagtlarym bolsa-da barmandym.Üç tarapy atanak demirden gurnalan köprä aýagyñy basañda,üç tarapyñ ýapyp bolmasa-da hamana ýapyk ýaly bolup,diñe bir ýoly görkezip,shoña ugrukdyrýan ýalydy.Bizem derýañ gyrasyndaky trotuardan shol köprä tarap öwrülip,köprä aýagymyzy basamyzda,sen duýmasañda,men öz ýanymdan biz hamana bir ýola düshüp barýan ýaly-la diýip pikir ýöredipdim.Köpriniñ ýarsyny geçip sägindik.Durduk.Maryny synladyk.Murgaby synladyk.Shäher öz durkuny üýtgedip dur.Murgap bolsa durkuny üýtgetmän shol mele bulançak suwy bilen öz akymyna akyp dur.Men ýene-de pikir ýöretdim bizem birwagtlar sheýdip iki bolup,bir bitewiligi emele getirip,shu derýa ýaly öz ýolumyza akyp gidersmikäk?men has öñe gidäýýän öýdýän diýip,içimi gürletmämi bes edip saña:gel,shu ýerde arzuw edeli-diýip teklip etdim.Sheýdip biziñ adatymyz bashlady.
* * *
Indem bolsa sen gidip barýañ.(bu biziñ üçünji hoshlashygymyz). Bu köprüde biz dushushdyk,bu ýerde-de wagtlaýynça hoshlashýarys.Ana,arzuw edip,teññelerimizem okladyk.Indi bolsa Hosh!
Sen ýörediñ,men yzyñdan seredip galdym.Ýuwash-ýuwash meniñ ýüregimi hem sogrup özüñ bilen äkidip barýañ.
Sen bu shähere meniñ üçin gelýärdiñ.Her gezek geleñde men hamana öz shäherimde däl-de seniñ bilen bashga bir äleme uçýan ýaly.Sen gideniñden soñ bu shäher maña ýat bolýar.Men bu shähere dolanmak islämok.Men asla özümem tanamok.Içimde bolsa harasat gopýar.Hamana içimden bir bölek zady,(kalbymy) goparýarlar welin,shonuñ bilenem damarlarymyñ bir-birden üzülýän sesini eshidýän ýaly.
Bilýän,sen meniñ söýýän diýmegime garashýañ.saña söýýän diýmek maña agyr gelýär.ýok bu aýtmak manyda däl,aýdaýyn diýse her adamam aýdyp biler.
Meniñ durkum,nazarym,kalbym,ýüregim saña bu zatlary aýdyp durka,bu sözleri dile almak artykmaçlyk bolmazmy... Onsoñam saña seni söýýän diýsem,hamana söýgi shol ýerde öläýjek ýaly,saña duýgularymam shol bada bes edäýjek ýaly bolup dur.
(soñy)
Köpriniñ ýarsyny geçip sägindik.Durduk.Maryny synladyk.Murgaby synladyk.
Murgab deryasyny synladyk has yerliklimika diyyan, cunku men okap baryakam hakyky Murgap etrabyny synladylarmyka diyip dusundum.
Gapma garsy yer bar diyipdim yokarda dowamyny okamdan son duzelaydi oydyan, belkem birinji boleginin sonky paragrafy meni yalnysdyrdy oydyan
Mena haladym. Lady ozun yazdynmy? Bashyny uytgetsen nahili bolar? Bashynda 3nji kisi hokmunde yazyp, son gyzyn adydmdan dowam edilipdir. A tak gowy yatlama. Ah romantika 🙂
Kirito,men muny halatmak üçin ýazamok. Halamadyk bolsañ okama-da geçiber.
hekaýa diýip ýazan bolsam men muny edebiýat bölüminde ýerleshdirerdim.
Akgül,bashynda gyzyñ adyndan ýazmak islemedim,soñundanam 3-nji kishi bolup ýazmak islemedim. Sazlashdyryp bilmänim üçinem edebiýat bölüminde däl-de shu bölümde ýerleshdirdim 🙂
ýaltanman okanyñyz üçin sag boluñ!
Aý bu söýgi hakda ýazan pürsat-laryñ iniñi(teniñi) titredýär 🙂 malodes! Haladym.
+1. Lady ellerine güller bitsin. 🙂
Arslanm agza,hawa Murgap derýasy diýsem gowy boljak eken. Bärden gaýdan ýerlerim bardyr.ýokary derejä ýetirip bilmänimi boýun alýan.
Men yazgylan tankytcysy dal yone sol yeri basga many berip biljekligi sebapli aytdym. Hekayan oran onat, dowamy gelsin👏
lady dost sen yazyjy ekenin bet dost edil yuregimin ustinden shpilkaly yoredinov
Lady yogsada bu zatlar ozunde bolana daldirda, Lady sen yazan zatlanny okadym wwelin shon ichinde Marynyñ Mollanepes we Ashgabat köçelerdäki köprüleriñ arasynda ýerleship,merkezi seýilbag bilen Kemine teatryñ aralygynda ýol ýasaýardy. soz unsumi boldi welin bir zat sorasam bolyamy? Yogsada sen nireden bolarsyn? Sen Maryly gerek?
hakyky bolajak zatlar. Kop kop sagbolun. Derya menem tenne zynasym gelya🙂
Sagbol Lady, gowja hekaýa. Öz bashyñdan geçdimi? Sheýle bolsa siz örän bagytly gyz. Elleriñe güller bitsin.
P.S. Hä köpüri diýsene. Ýolum düshen wagty, köpüriniñ seýilgäh tarapynda kenarda ikinji oturgyshda oturyp, gojaman Murgabyñ akyshyna doýmaz göz bilen synlap pikire batýan.
Ýöne gapdalyñda gyz bilen dursaña ketçe bolýar, sebäbi otaýy gelim-gidimli ýer bolansoñ, öziñden öñürti öýñize habar gelýär, Ogluñ gyz bilen dur diýip.
+1