Sirk gaydyp geldi
23-nji aprelde paýtagt
Aşgabatda ýerleşýän Döwlet sirkiniň durky täzelenen görnüşiniň açylyş
dabarasy boldy. Oňa Türkmenistanyň prezidenti Gurbanguly Berdimuhamedow
hem gatnaşdy. 2008-nji ýylyň 19-njy
ýanwarynda ýurduň döredijilik işgärleri bilen bolan duşuşygynda
Berdimuhamedow opera hem-de sirk sungatlaryny gaýtadan dikeltmegiň
wajyp meseledigi hakynda çykyş edipdi.
Şol duşuşykdan iki ýyl geçenden soň, türkmenistanlylar sirk sungatyna tomaşa etmäge mümkinçilik aldylar.
Sirkiň umumy tutýan meýdany 24 müň kwadrat metrdir. Onuň tribunasy bolsa 1700 tomaşaça niýetlenendir.
Döwlet
sirkiniň durky täzelenen görnüşiniň açylyş dabarasynyň başynda türkmen
atşynaslarynyň adyndan Türkmenistanyň prezidentine Dorhan atly bedew
sowgat berildi. Berdimuhamedow özüne sowgat berlen ata münüp,
tomaşaçylaryň öňünde manežde aýlandy.
Sirkiň arenasynda
Keniýanyň akrobatlary, Orsýediň, Hytaýyň gimnastlary, Awstriýanyň
žonglýorlary, Eýranyň gözbagçylary, Belarusyň klounlary dürli çykyşlary
görkezdiler.
Mundan başga-da, Rumyniýanyň, Gazagystanyň,
Gyrgyzystanyň, Ukrainanyň, Polşanyň zehinli sirk artistleri paýtagtyň
ýaşaýjylaryna öz ussatlyklaryny görkezdiler.
Ýurduň
telewideniýesinde berlen bildirişe laýyklykda, hepdäniň şenbe hem-de
ýekşenbe günlerinde günüň üç wagtynda Döwlet sirkinde tomaşaçylara sirk
çykyşlarynyň görkezilýändigi mälim edildi.
2001-njy ýylda
Türkmenistanyň öňki prezidenti Saparmyrat Nyýazow sirk tomaşalarynyň
milli medeniýete laýyk gelmeýändigini aýdyp, olary gadagan edipdi.
Состояние архива
● Полный текст
● Сохранено комментариев: 17/17
Опубликовано на сайте: teswirler.com · Источник: копия Web Archive — ertir.com, 4 августа 2012 · Открыть оригинал ↗
Комментарии 17
Berdimuhamedow özüne sowgat berlen Dorhan diýen aty bilen.
Ay jerena senem azathabar etdinay sayty. 😆
Jerena gowy tema. Türkmenistanyñ döwlet sirkiniñ gaýtadan dikeldilenine diyseñ begenýän .Shol geçirilen çykyshy telewizorda gördüm welin GALKYNYSH toparynyñ atyñ üsündäki çykyshlary maña diýseñ ýarady.
Nesip bolsa Sirk'e-de gideris uraaaa.. Tuveleme, Berekella!!!👍
teswirler.com'yñ iki sany bir betinden bilen birem täzeje agzasy dushushýarmyshyn. Aralarynda sheýleräk gürrüñ bolup geçýär:
- Jerena kim-kä?
- Shonam bileñokmy? Ol Azatlyk radiostansiýasynyñ azathabar.com saýtynyñ shtatdan dashary habarçysy ahyry. Indi, azatlyk Jerenany teswirler.com'a habarçy edip belläpdir diýip eshitdim. Shondan soñ, diñe shunuñ ýaly mowzuklar açýar ol. Näçeräk töleýärkäler? 😉
Hahaha😆 Tölarlermay mugt bolaymasa. 😆😆
Temadan dashyna çykmaly bolýan. Bashga mowzukdan alypdym, o ýerik ýazyp bilmämsoñ, bärik ýazýan.
Gaty (gyn, kyn 😆) görmäñ!
Reiman, dost, Kerim aga beýik däl diýýänem bar eken. Oña ýönekeý, ortagürp shahyr diýdi biri. Ol sözleri diýen adam biziñ aramyzda. Ol shahsyýet - biziñ hemmämiziñ sylaýan, hormat goýýan KAB agamyz... Ol shol ýokarky sözleri aýdypdy, gynansagam...
Dost şol gaharyn entagem yatmandyr öydyan. Bolyalay kim name diyse şony diysin. Barde her kim görenine bir zat diyyara. 😆 . Yadyna düşyarmi Mollanepese Küntü diyipdiler. Hamala öz jorasy yada dosty yaly edip göryaler molla agany. 😆
Azathabaryn infolaryny goymagym prosto TM-de MTS bilen Telekom
Azathabar saytyny bloklapdyr. Ol sayta TM-den girip bilmeyandikleri
ucin hayir-sahawat ishini edyan. Goy, turkmen halkym infodan kesilmesin.
Habar begendiriji welin, bu habar name Turkmen Telewideniyasynda gorkezilenokmy?
indi gowy ýaşarys!
ýöne name üçin tomaşa etmäge gelen (getirilen) çagalaryň (oglanjyklaryň) ählisi akja köýnek, gara balak we galstuklyja?
olar okuwa gelmediler-ä?
ýa-da olar okuw eşiginde bolsalar klasda bolmaly dälmi?
sirkde näme işleýäler?
näme-de bolsa indi gowy ýaşarys!
Aý, olar, widimo, 15-nji orta mekdebiň okuwçylary (15-nji orta mekdep sirkiň gabadynda bolany üçin diýýän) bolmaly. Sirkde uly şowhun bar diýip, okuwlaryny taşlap gaýdan bolaýmasalar.😎
maymynlaram gelermika?
Keýgim, bärdäkileri sen dünýä kerebinden bihabardyr öýdýäňmi? MTS bilen Telekom bloklanda näme, blogy proksi bilen döwüp bilmeýändir öýdýäňmi bu adamlar!
men blogy dowup bilemokdym. sagbol Jerena.
www.ninjacloak.com — şu iň bet proksi.
URL- diýen ýeriňe islendik bloklanan saýtyň ýazgysyny ýaz, külüni çykarýar.
P.S. Ýöne düşünemok, sag boly maňa aýtmaly dälmi sen, blogy döwmek pikirini men aýtdym ahyry.
Men habary goyandygy uchin sagbol. Sana da gyzgyn sagbollarymy iberyarin.