Mümin nebsiniň isleglerine boýun bolmaz..
“Siziň syýahat wagtynda düýeleriňizi ýadadyşyňyz ýaly, hakyky mümin hem şeýtanlaryny (nebsiň isleglerine boýun bolmazlyk, Allahyň emirlerine laýyk hereket etmek bilen) ýadadar.” (Ahmed b. Hanbel, Müsned, 2/380)
Her ynsan durmuşyň her pursatynda nebsiň islegleri bilen Allahyň islegleriniň arasyndadyr. Her ynsanyň garşysynda nebsiň ilki göräýmäge üns çekiji, bezeg-zynatly, netijede bolsa güzaply we jepaly islegleri durandyr. Ynha, hakyky mümin, imanyndan alýan ruhy güýji, parasady, giň düşünjesi bilen nebsiň we Rebbiniň islegleriniň arasyndaky tapawudy, olaryň netijesini görüp bilýän we şoňa görä hereket edýän adamdyr.
Allahyň Resuly (s.a.s.) ýokardaky hadysda ybadatlary berjaý etmek we haram kylynan, gadagan edilen zatlardan gaça durmak bilen müminiň nebsini ýadatmagyny, alys ýola çykan ynsanyň düýesini ýadadyşyna meňzedýär.
Hakyky mümin lellim ýa-da rahatlyk we zowky-sapa mübtelasy däldir. Ol hemişe hereketde, zähmetde bolan, nebsini rahat goýmaýan, ybadatdan ybadata, haýyrly işlerden haýyrly işlere ylgaýan ynsandyr.
Hezreti Ebu Bekir (r.a.) hem bu mesele bilen baglanşyklylykda: “Allahyň razylygyny gazanmak ugruna nebsini gazaplandyrana Hak tagala gazap etmez” diýýär.
Состояние архива
● Полный текст
● Сохранено комментариев: 7/7
Опубликовано на сайте: teswirler.com · Источник: копия Web Archive — ertir.com, 3 августа 2012 · Открыть оригинал ↗
Комментарии 7
Allahümme ejirnä min şerrin nefsil-emmareh...
Alla razy bolsun dostum!
Dost gowy mowzuk achypsyn. Yzy dowamly bolsun. Menem bir hadysy goyjak:
Pygamber Muhammed aleyhissalatu wessalam aydan ekenler:
Akylly we aňly, uzakdan görýän kişi şudur ki, öz nefsini ezip, Allah tagala boýun egýän eder. Ölenden soňky günleri üçin amal eder. Ejiz, akmak adam bolsa, nefsiniň islegine görä şagladyp goýberer-de, ýene Allah tagalanyň ýalkawlygyny (günäleriniň geçilmegini) umyt eder, sogap islär.
(Suneni ibni Maja, 2j. 292 sah. )
Allah tagalanyň razylygyna we Ony söýmäge sebäp boljak ybadatlaryň her biri, öleniňden soňky günleriň üçin edilýän amallardandyr. Ol ybadatlaryň meşhurlary: Allah tagalany Taňrylyk we ybadat dogrulygynda towhid etmek. Ýagny ybadat edilýän we medet dilenýän diňe ýeke-täk bir Allah bar diýip amallarynda-da şoňa görä bolmak. Parz amallary yhlas bilen etmek. Haram, mekruh (dinde gadagan edilmese-de halanylmaýan işler), bidgat (dine täze goşulan zatlar), munker işlerden (akyl we diniň ýaman görýän zatlary) saklanmak. Her hili bela we kynçylyklara sabyr etmek. Musulmanlara hayyr islemek we başgalar. Yslam dininde bir amala kabul ybadat ady bermek üçin, yhlas bilen dürs niýet, Allah tagalaga zarlanmak hem-de şerigaty bize ýetiren (pygamber) tarapyndan buýrulyşy ýaly ýerine ýetirmek şertdir. Şular tapylmasa ybadat bilen adatyň tapawudy bolmaz, sogap önmez. Belki yhlasyň ters tarapy bolan ryýa (il görsün) gatyşmak bilen amaly batyl bolar, özi hem müşrük (Allah tagaladan başga-da medet diläp bolýan ýa-da ybadat edip bolýan zat bar diýip ynanýan adam) bolar. Şonuň üçin her ybadaty halys (diňe) Allah razylygy üçin edip, özüni hem ejiz bende diýip tanamak musulmana parzdyr.
gowi zatlar yazilipdir
atdash hakykady yzypsyn govy
Akmyrat dost gowy mowzuk açypsyn.Nebis yadan bolsa name etmeli.erkini nebsin gollaryna bermekmega bolmaz.
akmyrat dost sagja bol.