Täze saýt açmak isleýänler üçin kiçijek maslahat!

Salam hormatly agzalar!

Soňky döwürde birnäçe täze saýtlar açylýar. Ýöne meni gynandyrýan iň esasy zat, saýt açanyň bilen içiniň adamlary öz-özünden dolup gider diýip pikir etmeleri.

Saýdy açmakda hiçhili problema ýok. Islendik kişi, elinde 50$ bolan (9$ - domain ady üçin, 41$-1 ýyllyk hosting üçin) 15 minudyň içinde saýt açyp biler.

Iň esasy zady, saýt ulanyjylar üçin peýdalymy? Şu ýerde esasy sorag gelýär. Agzalaryň isleýän zadyny saýdyň berip bilýärmi? Maglumat taýdan peýdaly etmek, tehniklere degişli däl. Içinde jedelleri gidirmek, täzelikleri ýazyp durmak üçin ýörite 2-3 sany adamdan topar bolsa şolaryň işi. Ýöne häzirki TM saýtlarynda gyzyklandyrýan topar gowy işleýärde, tehnik topar kän öwerlik däl.

Şonuň üçin kiçijek, bir maslahat bermekçi. Aşakda ýazjaklarym maňa degişli däl, diňe maslahat! Ideýa başga biriniňki, ýöne sözbe-söz terjime etmek islämok. Asyl manysyny düşündirmek we iň aşagyndan öz pikirimi hem ýazaryn!

Birinji bilen alyp göreliň, Lucky Strike ady bilen çykýan çilimi, reklama etmeli.
Şonuň üçin başda, diňe şeýle sahypany döredýäs:



Üns beren bolsaňyz, ulanyjy sahypa girdi. Lucky Strike çilimi çekýänleriň sany bilen tanyşdy. Özi hem çekýän bolsa, aşaky knopka basdy we çykdy. Örän ýönekeý.



Soňra, çilimi çekýänler köpeldi. Herkim pikirini ýazasy gelýär. Ulanyjylar üçin PIKIR ÝAZMAGA mümkinçilik gerek. Tehnik topar, pikir hem ýazyp bolar ýaly etdi.



Pikirler köpeldi. Bular bir sahypa syganok, şonuň üçin "sahypalama" edildi.



Çilim çekýänler, 500 müň adama ýetdi. Indi bulary içeri salmak, çilim hakynda gyzykly bloglary ýazmaga mümkinçilik döretmeli. Içinde jedel, reklama, täzelikler gowy paýlaşylar ýaly, blog hem ýazyp bolýar we teswirem. Özem sahypalamasam bar.



Ynha ahyrynda hem sahypa şeýle görnüşe geldi!
Hemme zat düşnükli, habarlar hem bar, forum hem bar, galareýada bar, içeri giriş agzalyk hem bar.

Indi öz pikirlerim.
Hiç haçan sahypany, ulanyja düşnüksiz halda etmeli däl. Sizi mysal alyp göreliň, teswirleri! Teswirler başda nähili ýönekeýdi. Içeri giriş, blog ýazmak, teswir ýazmak. Boldy! Başga hiçzat hem ýokdy!

Galan zatlar ýuwaş-ýuwaşdan, size gerek bolan zatlaryň ählisi goşuldy. Ýene-de dowam edýär.

Indi täze girýänlere, e-mail poçtama gelýän hatlar şeýle netije berýär. Hemişe täze girenlerde şu sorag ýüze çykýar. "Nädip ulanmaly?","Bärde näme işlemeli?"

Ynha, siz şu soragyň jogabyny bilýäňiz! Sebäbi teswirler siziň gözüňiziň alynda ýuwaş-ýuwaşdan ulalyp gitdi we siziň üçin düşünmek beýle kyn däl.

Indi teswirler, edil häzirki wagtdaky ýaly açylan bolsa. Siziň hemmäňiz haýsy soragy bererdiňiz? "Bärde näme işlemeli?","Näme üçin gerek?" diýip köne, öwrenişen saýdyňyzda otyrardyňyz. Häzir bolsa siz (köneler) täze gelenlere kömek edip bilýäňiz. Eger köneler bolmadyk bolsa, könelerçe kömek edip biljek bir topar döretmeli bolardy. Bu bolsa, häzir hiçbir Türkmen saýdynyň känbir başarjak işi dälmikä diýýän.

Garaz, tekliplerim şeýle. Ýene-de WEB hakynda bilýänjelerim bilen paýlaşaryn. Gorkunç HTML, JS öwrenmeris, özümem reklama, saýdy ýöretmek, täze çykan zatlar hakynda gyzyklanýan.

Şonuň üçin goý, täze gurulan saýtlaryň bagty açyk bolsun!
Ýalňyşlaryňyzy düzeldip, ýene-de işe başlarsyňyz umyt bilen, agajanh!

Aşagyna okanyňyz üçin sagja boluň 🙂

Okamak gyzyklymy?

Hawa, dowam et.(75%, 15 adam)

Ýoklaý... dinozawarlar gyzykly.(25%, 5 adam)