Durmuşymdaky iñ erbet gürrüñdeşlik. 2 => Satyjylary egzamenden geçirmeli.

Salam hormatly teswirçiler we myhmanlar!

Geçen gezek dürmushymdaky iñ erbet söhbetdeshlik hakda ýazypdym. Indi şu wagt pikirlenip otursam, ol iñ gowy gürrüñdeşlik eken. Peýdaly sapaklar aldym. Bilýän bolsañyz, men satyjy bolup işe girmelidim. Satyjy bolmak ýeñil iş däl. Müşderileriñ ähli isleglerini kanagtlandyrmaly. Arasynda her hili ynjyklaryda bolýar. Gaharyñy, nerwiñi çokalaýan soraglar berýäler. Dükanyñ abraýyny götermek üçin olaryñam dilini tapmaly.

Men satyjy bolmaga taýýar däl ekenim. Başlyk maña stres soragyny berip, muña doly kepil geçdi. Ýagny men başlygyñ beren soragyna, jedele (spor) girip ugrapdyryn. Satyjynyñ iñ erbet häsiýetide jedele girmek bolýar.

Ýakynda bir dostum satyjy bolup işe girjek bolupdyr. Ondan "sen näme üçin öñki işiñden gaýtdyñ?" diýip başlygy sorapdyr. Olam "ol işimde peýda görmedim, ösüş ýok" diýipdir. Bu jogap her bir adamyñ berjek jogaby. Meniñ pikirime görä hiç kim dogrusyny aýtmaz. Aýtsada käbir adamlar aýdar. Başlyk oña "sen bu işde ösjegiñe gözüñ ýetýärmi, men seniñ peýdaly boljagyña gözüm ýetenok" diýipdir. Ine muña stres soragy diýilýär. Çykgynsyz ýagdaý gerek? Sizi pes derejede goýdular. Bu ýagdaýda käbir adamlar jedelleşip, gaharlanyp police çagyrylmaly pursada çenli baryp ýetýäler. Beýle adamlar satyjy bolup bilmeýär. Satyjy giñ bolmaly. Her bir pursatda özini alyp çykmaly.

Aşgabatdaky satyjylarda şeýle problemalary bar. Administratoram şaýat boldy. Özi bilýändir. Edil biz satyjy üçin zadyny alýan ýaly. Ýüzleri limonyñky ýaly turşaýyp dur. "Bir harydyñ şeýle eken" diýseñ, gutardy, 3-nji jahan urşuny turuzýalar. Ylaýtada hususy magazinlerde. Bir gezek prokatçydan "sizde pylan kino barmy?" diýdim. Näme jogap berendir diýýäñiz? Gaýdyp şol prokada aýagymy basmaz ýaly etdi. Ine jogaby "jigim, hat okap bilýäñmi? Hana diskler dur. Atlaryny okada özüñ tap" diýip ýanyndaky duran gyzy gujaklamana dowam etdi. Meniñ özüm gözläp tapjak bolsam, ol töññe prokatçy näme gerek. Prokatlary awtomat ýagdaýyna geçiribermeli.

Shol wagt maña stres soragyny beren başlygyñ dükany uly firma boldy. Türkmenabady kopýuter bilen üpjün etýär. Sebäbi satyjylary mylakatly, ähli islegleriñi bitirýäler. Satyjylary işe alanda egzamenden geçirmeli. Men ol başlyga uly minnetdarlygymy bildirýän. Durmuşymda iñ wajyp sapaklardan berdi.