Allah uchin soymek we yaman gormek
Pygamberimiz s.a.w. aydypdyrlar:
Bir hili şahsy maksatdan salamat bolup diňe Allah tagalanyň ryzalygy üçin bir kişini dost ýa duşman tutmak, Allah tagalaga iň söýgüli amallardandyr.
(Ahmad ibni Hanbal Musnedi, j. 146 sah.)
Bir kişini dünýa hajatlaryny bitireni üçin dost tutmakda zerur hem ýok. Emma ol dostlygy Allah üçin diýip bolmaz ol şahsy peýdaň üçindir. Halklara peýdaly alymlary, takwa bendeleri, mekdep we medreselere, umuman ylym ýoluna maddy we magnawy ýardam berijileri, şonuň ýaly hem günä we haram işlerden saklanmagyna sebäp bolýan aýalyny, aýal hem ärini söýmegi, Allah üçin söýmekdir. Emma özi üçin peýdaly bolsun, zerurly bolsun Allah tagalaga ytagaty kem, şerigata hormaty ejiz, güýji ýetse-de ylym we din ýolunda hyzmaty ýok adamyny, şeýle bolşy üçin ýaman görseň, şoňa Allah üçin ýaman görmek diýiler.
Состояние архива
● Полный текст
● Сохранено комментариев: 4/4
Опубликовано на сайте: teswirler.com · Источник: копия Web Archive — ertir.com, 15 мая 2012 · Открыть оригинал ↗
Комментарии 4
Pygamberimiz s.a.w. aydypdyrlar:
Allah tagala siziň biriňize ryzkyny bir sebäp bilen ýetirip dursa, şol sebäbi tä zelel görünçä, ýagny şol hünär peýdasyz galynça terk etmesin.
(Suneni ibni Maja. 2j. 4 sah.)
Bir hünär sebäbine bütin maşgala kişa mätäç bolmaz ýaly güzeran geçip dursa, has köp mal tama edip ol hünäri taşlap başga ýola düşmesin. Gökdäki durnany küýsäp elindäki serçäni göýbermesin. Gola düşmegi gümürtik köp maldan azragam bolsa gelip durany ýagşyrakdyr. Resulullahyň bu nesihaty kopi görnüp durka az bilen oňyber diýdigi däldir. Meselem: bir işde ýüz manat aýlyk alýan adam başga ýerde şol işine iki ýüz berilse, öňki işini taşlamak dürstdir.
Pygamberimiz s.a.w. aydypdyrlar:
Siziň biriňizi düýşüňizde şeýtan oýnasa, ertir ony adamlara aýdyp ýörmesin.
(Sahyh Muslim, 2j. 202 sah.)
Gorkuçly we tertipsiz düýşler, gündiz hyýalyňdaky zatlaryň ukuda sataşmagy resulullah hadysynda şeýtan oýnamagy diýlendir. Onuň ýaly zatlaryň çyn boljak gümany ýokdur. Şonuň üçin olary gürläp ýörmegiň ähmiýeti bolmaz. Gorkunçly düýşler görülse oýananyňdan soň çep tarapyňa üç gezek çüfläp şonuň şerinden Allah tagalaga sygynyp, beýleki tarapyňa agdarylyp ýatmak gerek. Hadyslarda bu dogruda şeýle taglymat edilýär we şeýle edilse düýşlerden hiç hili zyýan bolmajaklygy beýan edilýär. Düýşleriň rasty hem bolar. Emma ol bagzy (käbir) adamlaryň çendan bir görýän düýşleridir. Oňa „erru‘essaddyka“ (dogry düýş) diýilýär.
Pygamberimiz s.a.w. aydypdyrlar:
Allah tagala hezretine iň köp şükür edýän kişi, adamlara şükür edýän kişidir.
(Ahmad ibni Hanbal Musnedi, 5j. 212sah.)
Şükür etmek: “Hudaýa şükür” diýip gury söz bilen gaýtalap ýörmekden ybarat däldir. Çyn alymlaryň aýtmagyna görä, şu üç işden ybaratdyr: 1) her bir nygmaty, nygmat berijiniň özündenligine ynanmak, 2) we şol nygmaty saňa berenligini üçin ýürekden şatlanmak, 3) şol nygmaty degişli jaýlaryna sarp etmekden ybaratdyr.
Emma bendelere etmek: edilen ýagşylygy unutmazlyk, olaryň hormatyny saklamak, ýeri gelse ýardam etmekden ybaratdyr. Nygmat barabaryna şükür etmek ýagşylyga ýagşylyk etmek ahlak işlerden bolşy ýaly, ijtimagy we medeni taraplary hem bardyr. Şükür etmek nygmatyň dowam etmegine sebäp bolşy ýaly, ony terk etmek şonuň kesilmegine sebäp bolýanlygy hem mälimdir. Eden ýagşylygynyň deregine şükür edilerine göz tikip durman, halys Allah üçin edýänler hem bardyr. Emma beýle adamlar örän seýrek bolansoň, olara garap höküm ýöretmek mümkin bolmaz. Şonuň üçin bolsa gerek, resul ekrem bendeler tarapyndan bolan menpagat (peýda) we hyzmatlaryň barabaryna şükür etmek, Allah tagalanyň özüne şükür etmekligini şu hadysda beýan edýär.
Alla razy bolsun, Gaty gyzykly ekeni.