MOLLANEPES
NÄZLI ÝAR
Gara saçyň gije dýiýp, uklap men,
Gündiz eken, çoh armanym, näzli ýar.
Saba-säher wagty diýip, çaklap men,
Çeşmim açsam, arman eken, näzli ýar!
Gel, görüşseň keramatly goluňdan,
Aýlanaýyn dahanyňdan, diliňden,
Gahar etme, golum salsam biliňden,!
Ataşgähi sen, suzanym, näzli ýar.
Tarypyn eşitdim gara gözüniň,
Gedasy men, dostum, güler ýüzüniň,
Zybandan aýrylan her bir sözüniň
Kesgil başym, men gurbany, näzli ýar!
Nepes diýer, yşkym hetden aşypdyr,
Tomaşaňa ulug iller üýşüpdir,
Gözüm açsam, aýym-günüm ýaşypdyr,
Zyndan boldy giň jahanym, näzli ýar.
OWADAN GELIN
Eýran, Turan, arap, ajam ilinde,
Görmedim seniň deý owadan gelin.
Jahan ragnasynda, bagyň gülünde,
Bolmaz özüň kimin gül beden, gelin.
Gözleseň, jan alar gara gözleriň,
Ölini direlder şirin sözleriň.
Alma ýaňaklaryň, güler ýüzleriň,
Şirindir lebleriň miweden, gelin!
Gara üzüm sen, şerbet bilen ýutmaga,
Takat bermez, köňül üzüp gitmäge,
Duzak gurup, aşyklary tutmaga,
Zülpüň başdan-aýak tor eden gelin.
Kamatyň tubudyr, goýnuňda nardyr,
Gerdeniň dutardyr, zülpleriň tardyr,
Jemalyň görmäge gözlerim zardyr,
Görsem gül ýüzüňi sabadan, gelin!
Nepes diýer, aşnalygym ýat olmaz,
Bir görmesem, hergiz köňlüm şat olmaz,
Ýer ýüzünde sen deý periz1at olmaz,
Meger, ýere düşdüň howadan, gelin!
HAÝRANA GALAR
Bag içine ýar sallanyp girende,
Bilbiller saýramaz, haýrana galar,
Keşt edip, serçemen üzre ýörende,
Ganatdan aýrylar, perwana galar.
Aý nurdan aýrylar, gün gökden uçup,
Ýyldyzlar kararsyz çar tarap göçüp,
Saky meý getirer, erenler içip,
Olar ah çekerler, zamana galar.
Şalar ýatabilmez, arzuwda gezer,
Öli balyk görse, jan berer, ýüzer,
Goly bagly gullar zynjyryn üzer,
Söýlemez ýüz düşse, diwana galar.
Gülüp baksa, ol garrylar batlanyp,
Öten günler, ýigit çaglar ýatlanyp,
Gök otlar saralyp, daraht otlanyp,
Asman jünbüş eýläp, lerzana galar.
Nepes, tarypladyň ýaryň jemalyn
Ýel degip, göterdi ýüzde desmalyn,
Hak bermiş ozalda oňa ykbalyň,
Şalar görsem diýip, armana galar.
BÄRI GEL
Saňa düşdi nazarym, söýgüli janan, bäri gel,
Saçy müşk isli ýufar, sünbüli-reýhan, bäri gel.
Gül beden, gülgün reň, dony zerefşan, bäri gel.
Al ýaňak, kirpigi ok, alma zenehdan, bäri gel.
Janyňa sadka olam, bäri gel, eý jan, bäri gel!
Gel, otur gaşymga sen, zowky-jamalyň göreli,
Gül ýüzüň şöhlesine saz bilen söhbet guraly,
Dost gadyryn bileli, duşmany otga uraly,
Dünýä bäş gündür, öter, zowky-sapalar süreli,
Bu ýalan dünýä öter, ötdi-le döwran, bäri gel!
Kä gülüp bäri bakyp, näz bilen sallana sen,
Käte gaşyňy çytyp, her tarapga tolguna sen,
Älemge şöhle salgan türpe ajaýyp sona sen,
Öz ýüzüň şöhlesine, belki, özüň hem ýana sen,
Ýüregim otga ýakan ataşy-suzan, bäri gel!
Duýmasyn gende rakyp, bir ýerde pinhan bolaly,
Jany jan içre goşup, bir tenu-bir jan bolaly,
Maksady hasyl edip meşguly döwran bolaly,
Söýleşip bir-birimiz, ança gadyrdan bolaly,
Bäş gündür siz - bize, biz - size myhman, bäri gel.
Leb gysyp, gaş kakyşyp, mährem olup, gol tutuşyp.
Çolaşyp hem çyrmaşyp, ýag bile süýt deý gatyşyp,
Oýnaşyp, seýre çykyp, ak-gyzyl alma atyşyp,
Göýä bir nowça nahal dek bir-birimize ýetişip...
Kylaly gaýgy-gamy ýer bile ýegsan, bäri gel.
Çekerem her gijelerde ah bilen zaryň seniň,
Menden özge kim çeker derdi-azaryň seniň?
Bermenem ýüz müň tümenge käkili taryň seniň,
Ak göksüňde biten alma-enaryň seniň, -
Tirmesem, ança galar janda köp arman, bäri gel.
Perileriň patyşasy, belli mestana, gözel,
Sen ki bir şamug çyragy, men ki perwana, gözel,
Hulky hoş, labzy şirin, ýüzleri nurana, gözel,
Bagry buz, sözleri uz, dişleri dürdäne, gözel,
Lebi lagyl, geýdigi al, jenneti-ryzwan, bäri gel.
Söwdügim, her sözüňe, şirin jany bereý,
Her nuktaýy halyňa Eýrany-Turany bereý,
Her saçyň bir taryna käpir-musulmany bereý,
Seýr kylyp bakyşyňa Balhy-Badahşany bereý,
Kylaýyn men bu jahany saňa gurban, bäri gel!
Uýalyp, ýerge bakyp, bizden ki iba kyla sen,
Gözleýip göz uç ile, synamga otlar sala sen,
Bir güni öltüre sen, ahyry bu janym ala sen,
Näge rehm etmes sen, halymny özüň bile sen,
Diýr Nepes, köňlüm alan täze gülüstan, bäri gel!
Состояние архива
● Полный текст
● Сохранено комментариев: 57/57
Опубликовано на сайте: teswirler.com · Источник: копия Web Archive — ertir.com, 2 августа 2012 · Открыть оригинал ↗
Комментарии 57
Bäh,Mollanepesem bet eken-aý! Mowzuga +1.
Lady.Bet bolmasa yshk mulkünüñ shasy diymezdiler.azajyk edebiyat b/n gyzyklanay.
Kab aga sag bol. Haladym.
Sag bol. Agac.
men Mollanepesiñ kimdigini bilýan-le beh,men onuñ watan hakda goshgularyny okapdym.kän söýgi hakda goshgularyny tapyp bilemokdym. Degishmegem bolanokmy ýa?
Täzedigiñ bildirýär.
ner gezgin goshgusyny goyayyn Kab aga...
O goşgy mende barmyka? Häzir gözläp göreýin.
Mollanepes beýik shahyr, sözüm ýok! Ýöne, arada bir tanshym Mollanepesiñ ýazan Zöhre-Tahyr dessany ogurlyk, shahyr ony gündogaryñ bashga bir shahyrynyñ dessanyndan ogurlapdyr, Plagiat (edebiýat ogurlygy) edipdir diýdi. Men bu habara birhili boldum.
Kab aga, bu aýdylanlar dogrumyka?
goshgularyny okap bir netija gelyan:kunti shahyr...
goz onume getiryan:gozleri oynaklap duran,onunden chykan ayal-gyzy gozleri bilen iyayjek bolyan adam;
galdyryan tasirleri negativ...
Basta-tm-ň islegi boýunça. Ýöne üç bendini tapdym.
MOLLANEPES
NER GEZGIN
Köňlüm, saňa nesihat, gezseň serbeser gezgin,
Tany dosty-duşmanyň, öýňe bahabar gezgin,
Ganym bilen garjaşsaň, daýym muşty-per gezgin,
Gezseň dünýä ýüzünde, dowam täze-ter gezgin,
Kyrk ýyl maýa gezinçäň, bütin bir ýyl ner gezgin.
Iki adam uruşsa, öter ýaly ýol berme,
Birisine gep berip, ol birine al berme,
Owwal adamdan gaçma, gaçsaň asla el berme,
“Jan aga, özüň bil” diýp, her näkese ýalbarma,
Kyrk ýyl maýa gezinçäň, bütin bir ýyl ner gezgin.
Nepes, hiç bir kem durma deňi-duş-u, dost-ýardan,
Pul tapmasaň göterme näkes bilen süýthordan,
Her diläňde gam basar, köňlüň dolar gubardan,
Dogmaz togsan dört ýylda, bogaz bolsa är-ärden,
Kyrk ýyl maýa gezinçäň, bütin bir ýyl ner gezgin.
Kyrk ýyl maýa gezinçäñ,
Bütin bir ýyl ner gezgin.
Sagja bol Kab aga! Mem bu goshgyny mekdepde owrenipdim, yone shu wagt yatdan chykypdyr. Gaty gowy goryan shu goshgyny. Gaty cheper yazylan goshgy. Sag bol agam.
Sawer dost, aýdýanyň ugrunda bar. Ýöne ogurlyk däl. Zöhre-Tahyr sýužeti Gündogarda ozaldan hem bar. Gündogaryň klassyklarynyň birnäçesi bu sýužeti özleriçe işläpdir. Edil Andalybyň Leýli-Mejnuny ýaly. Leýli-Mejnun barada 200-e ýakyn dessan bar. Şolaryň biri Andalybyňky. Mollanepes Zöhre-Tahyry özüçe işläpdir. Bossantäçli ýerleri başga Zöhre-Tahyrlarda ýokdur.
Smoky Eyes, what are you talking about, jerk? Never slander upon our poet!!
Akpamyk, maybe you're one of the gal's the poet's talking about! Atheist bullshit!
sawyer,mena slon i mos'kadaky slon bolayin,senem mos'ka 😉
Molla Nepesin soygi barada yazmagy begendiriji. Hypnotic Poisonyn oz pikrini aytmaga haky bar. Dogrysy gosgylara seredip kunti netijesini cykarmak gen dal. Okap gorun.
Ak göksüňde biten alma-enaryň seniň, -
Tirmesem, ança galar janda köp arman, bäri gel.
Leb gysyp, gaş kakyşyp, mährem olup, gol tutuşyp.
Çolaşyp hem çyrmaşyp, ýag bile süýt deý gatyşyp,
Oýnaşyp, seýre çykyp, ak-gyzyl alma atyşyp,
Göýä bir nowça nahal dek bir-birimize ýetişip...
Kylaly gaýgy-gamy ýer bile ýegsan, bäri gel.
su setirler kunti diymek ucin yetmeyarmi?
Milli Shahyrymyza künti diýdirmeris!! Ogram özüne osar, orramsam diýýä Türkmen aga. H. Poison, diliñi sakla, dogan!!
Shahyrymyzy kemsidýän agza berk käýinç ýa-da duýdurysh berilmegini talap edýän, hormatly agzalar we bashlygymyz Admin aga!
Yazan wagtyn yazgylaryny gulagyn eshdyadimi ya name yazanyny ozunem dushunman goydunmy?? Gyz-ayal mashgala diyenok, agzyndan gelenni yazyp yorsunle her yerde?? Ateist - kunti diymekmi?? Bolsa bolupdyr shol gyz ATEIST sana dushen guni name?? Islese ateist bolsun, islese agnostic islese bashga zat yone ony gaytalap payysh sozleri aydyp yormek, yada ony kritika etmek sana galmandyr!! Boldun bizin bashymyza inlische bilyan..her sapar sen ignorantyn yazgylaryny okasam yuregim bulanyar. Turkmen erkeklerine gelishjek yazgylar dal. Tersine men sen yalylara berk kayinch yada duydurysh berilmegini TALAP EDYAN!
sawyer,stereotipler bilen kellani doldurypdyrlar,hey oz pikirin barmy senin?
mollanepes yshk mulkunin shasy,magtymguly-turkmen poeziyasyny govher dashy,bu zatlar senin pikirin dal,bular senin kellane mekdepde guylan zatlar; a senin pikirin name,adamzat?
mollanepes turkmenin milli shahyry bolsa-da,daglary yerinden suyshurse-de,bu onun kuntuligini ayryp tashlanok;