Bu dünýeden gowy dünýe barmyka?
Bu dünýeden gowy dünýe barmyka
Söwer ýary söýmek,
Söýdürmek üçin?
Çünki gije ýyldyzlaram,
Gözlerin näz bilen gypyşýar.
Bu dünýeden gowy dünýe barmyka
Dostdugyňy tanatmak,
Dostuňy tanamak üçin?
Çünki menziller uzak,
Gözýetimde kötel ýollar tapyşýar.
Bu dünýeden gowy dünýe barmyka
Girip-çykyp, ýaşap ýörmegiň üçin?
Çünki hiç kimden minnetsiz,
Wagtly wagtynda
Gün dogup ýaşýar.
Bu dünýede şa bol, ýa bol sen geda,
Söýgüliňe gowuş, ýa düş sen jyda,
Ýapyşarsyň her demiňe,
Diýersiň ýyrtyp ýakaň,
Bu dünýeden gowy dünýe barmyka?!
Bir günem hassasyň, ýatansyň,
Tükeniksiz gaýgy-gussa batansyň,
Ýene-de geler şol sowal,
Bu dünýeden gowy dünýe barmyka?
Ine-de alyp gitdiler, başga bir dünýä baka.
Taşladyň ýaryňy, söwer dostuňy,
Şalygy, gedalygy,
Misli barysy hiç eken.
Emma şeýdip gitmek üçin,
Bu dünýeden gowy dünýe barmyka?
Состояние архива
● Полный текст
● Сохранено комментариев: 25/25
Опубликовано на сайте: ertir.com · Источник: копия Web Archive — ertir.com, 7 июля 2012 · Открыть оригинал ↗
Комментарии 25
Bah! Goyup gitmage-de şu dünyeden gowy dünye barmyka diyip yaşuly eyyam aydypdyra bu dünyeden has gowy dünyan bardygyny...
Ölüm gowy zat
Budur perde arkasyndan habar...
Eger gowy bolmasady,
Ölermidi Pygamber (s.a.w.)...
- diyyaler...
Dünyan yykylsa-da yene gün dogyar,
Dertlerin bogazny bogdukça bogyar,
Haraba öwrülen kiçijek dünyan,
Alada kem-kemden çümdükçe çümyar...
Gel ey çöken könlüm dertlerin unut,
Yogsa aladadan baryarsyn çümip.
Elin tersin görkez şu pany dünya,
Terk edip gitmage bir şarpyk uryp;
Şu dünyeden gowy dünye barmyka!?
Yokardaky yazanlarymy okap hay nakes ejizlap otyran ekeninow diyaymanlerhowwww 😆
Yeke pikir yazdymlay azajyk, hemem manysyz dörtleme...
Yöneje bir pikirler yumagyda, goyup gidende-de üytgeşik zat yitirmejek dünyanda name😎
gowy yazylypdyr
Goşgyny goýanyňyz üçin sag boluň. Goşgyny däl-de, dünýäni az-da kände düşünmek üçin bir mysal alaýyn. Adamyň bir gulagy ker bolsa, bir gözüm däl.şoňa şükür diýýär. Bir gözi kör bolaýsa, iki gözüm kör däl şoňa şükür diýýär. Diýmek bu dünýäň gymmaty bar. Eger gymmaty bolmasady biz oňa beýle ýapyşmazdyk. Gymmaty bolsa, bizi o dünýä taýýarlaýanlygynda bolsa gerek. Şu dnýäniň gazandyrýan sogabyny, hassalygyny, ölümini, geçijidigini söýmän imanly bolmak, jenneti gazanmak mümkin däl ýaly. Hassalygy bize sabyr berýär, Alla şükür etdirýär. Ölümi bize o dünýäň gapysyny açýar. Ýogsa jennetem girelgesiz bir uly, kaşaň bina ýaly bolardy. Bu gürrüňi has-da uzadyp bolardy. Ýöne şeýle-de bery düşnükli.