Hytaýlar 9 günde täze bina gurdular

Hytaý gurluşykçylary gysga wagtda bina salmakda rekord goýdular. Bary-ýogy 9 günüň içinde Hunan prowinsiýasynyň merkezinde 3 gatly jaýy gurup ulanyşa berdiler. Broad Group gurluşyk kompaniýasynyň wekilleriniň aýtmyşy boýunça, bina 24 sagadyň içinde gurulmagy üçin güýçli ýagyşyň päsgel bermegi bolupdyr.

Bina konstruktor ýaly taýýar panellerden we modullardan kranlaryň kömegi bilen ýygnalan. Hemme materiaýllar Hunan prowinsiýasynda ýerleşýän iki fabrikde öndürilýär. Umumy işiň 90%-i fabriklerde bitirilip, işçilere bolsa bloklary gerekli ýerine galdyryp birikdiräýmek galýan eken.

«Çalt, arzan we howpsuz» - ynha hytaý gurluşygyň dewizi. Bu gurluşyk üçin ulanylýan elektrik güýjüniň möçberi, hemişeki gurluşyklara sarp edilýän elektrik güýjünden bary-ýogy 5%-den ybaratdyr, gurluşyk taşlandylary bolsa 1%-e çenli peselýär.

Geçen ýyl şu tehnologiýalar bilen 15 günüň içinde (içki işleri üçin gidýän wagty hasaba almazdan) 30 gatly myhmanhana gurulan. Geljekki taslamalara görä 2000 işçi bilen 4 aýyň içinde guruljak 220 gatly dünýäde iň beýik binasy göz-öňünde tutlýär.

Çeşme