DURMUŞYŇYZYŇ GADYRYNY BILIŇ!(3-nji gün)

3-nji gün.

2003-05-17 02:40:51

...Elime pyçak alyp hemme zada nokat goýmak isleýän.Indi men Hudaýa ynanmagymy hem bes edýän.Indi men hemme  bolanja zatlara hem ynanmagymy bes edýän....

Men haçan ölerinkäm?

2003-05-17 06:24:42 >> Uky.Käwagt ýatýan.Köplenç asla ýatmaýan wagtlarymam bolýar.Indi men hatda düýş görmek ukybyndan mahrum edilen diýseňem bolar.Emma geň galaýmaly,men şu gün hem 3 sagatlyk uky alyp bildim,hemem düýş görüp bildim.Düýşümde enemi gördüm. Ol  zordan  ýadyma düşýär,ony diňe suratlarda görüpdim,sebäbi pahyr ýogalan wagty men bary ýogy 3 ýaşymdadym.

Neneň rahat ukydy....

Enem meni gujaklady.Maňa gorkmazlygymy aýtdy.Meniň ýanymda boljagyny aýtdy.....Näme bolsada ýeke bolmaryn,şu pikirden ýaňa özümi has rahat duýup başladym.Belki bu bir zadyň nyşanydyr?Belki indi men ejir çekmegi ahyry bes ederin.Umuman,agyry diýilýän zada azda-kände öwrenşdim diýseňem bolar.Käwagtlar hatda aslynda agyrsada agyryny duýamogam...

Ýöne käteler halys jydaman,ýeňilýän wagtlarym hem bolýar.Düýnki ýaly.

Şuwagt özümi diňe gowşak we ýadaw duýýan.Maňa galan wagtymyň ählijesini ýatyp geçirmek isleýän,emma soňky döwürler uky meni terk eden ýaly....

Gynanýan,Hudaý meniň nägileliklerimi diňläp bilmeýänine.Gynanýan,Hudaýyň asla meni diňläsi gelmeýänine.Ýöne men sabyr etmeli.Her zadyň öz wagty  bolýar..

Ertir ýene-de şepagat uýasy gelýär,ýene-de şol sebäpli bütin günimi gaharly geçirerin.

Şu gün ejemi bakyp ýylgyryp görjek.Öňa berer ýaly bolaja  ýylgyryşlar gün gitdigiçe azalýar.Ol meniň ýylgyranymy görende şeýle bir  begenýär...

Özümi erbet duýjak bolýan,baryp ýerime geçip bir salym gyýşaraýyn.

2003-05-17 09:19:49 >> Meniň özüm.

Balkonda otyrdym.Asmandaky Gün şeýle bir ajapdy,şeýle bir owadan edip öz şöhlelerini biz bilen paýlaşýardy.Özümi ýaman oňat duýýardym.Birden men Katýa atly joramy gördüm.Öňler onuň bilen iň gowy joradyk.Hemişe bile gezerdik.Sadikdan bäri jora diýseňem bolar.

Ol seýle bir owadan görünýärdi.Onuň saçlary örän owadandy.Meniňem bir döwürler edil şonuňky ýaly saçlarym bardy.Gara saçlar,çala küdürräk.Ýakynlykda köne suratlaryma göz aýlap çykdym.Köne saçlarymy ýatladym.Indi bolsa  mende saç ýok,diňe ýalaňaç kelläme geýýän  şlýapam.Gök reňkli.Meniň tukat gara gözlerime gowy gelişýär ol reňk.
Katýa-nyň saçlary bar,dost-joralary bar,entäk bütin durmuşy öňünde.

Mende bolsa bularyň hiçisem ýok.

Ony ýanyma hem çagyrasym geldi,balkondan elimi galdyryp.Ýöne näme üçin?

Ol menden gorkýar ahyry.

Ol hatda iki gezek ,meniň hal-ahwalymy soramak üçin meniň yzymdan hem geldi.Heniz hasshanada wagtym.Ýöne haçanda alaçsyz lukmanlar,öýde sen özüňi has gowy duýarsyň,bärden has hem rahat bolar diýip  meni öýüme göýberenlerinde,men Katýa jaň edemde,ol  boş wagtynyň ýokdygyna salgylanyp,meniň ýanyma gelmekden gaçdy.Men oňa düşünýän.KIm meniň hal-ahwalym bilen gyzyklanyp näme etsin?Kime ösümlik gerek?Kime gün-günden solup barýan ösümlik gerek?Kime ölüp barýan ösümlik gerek?

Uzak wagtan bäri özümi aýnada görmändim,emma şugün  ýürek edip özüme nazar saldym.Adamlaryňy näme üçin meniň ýanyma gelmek islemeýändiklerini  geňem görmeli däl.Ýaman gorkunç,hatda eýmenç görünýän.Öz-özümden gorkýan.Ejemden we özümden başga maňa hiç kim seredenogam.Aý,näme,ejemem her gün MONSTR görmäne owrenşendirem.Öwrenşip bolmajak zat ýok ahyryn....

Ýene-de aglaýan.Ýene-de öz-özümiň etimi iýjek bolýan.Näme üçin men şuwagtky bolşumdan biraz batyrrak bolup bilemok,sebäbi diňe men dälä, rak keselli

Saçsyz

Umytsyz 

Daýançsyz

Arzuwsyz 

Diňe men dälä öljek bolýan!!!

2003-05-17 23:33:45 >> Haçan??

Ölen wagtym men ňzüme rahatlyk taparyn......