biderek goşgy

çaýkaýar, titreýär, ýenjilýär ýürek
ýadadym, offfladym, ýandym biderek,
hamana asylşyp üzäýjek ýaly
çekdirýär wyždanym nejis azaby

pikir ýok, aň ýok, kelle boşady
emma ýene azap goşa-goşady
ýalbarýan, ýakarýan, ýokmy dermany?
näme üçin çekýärkäm beýle armany?

ökünýän, kösenýän, çekýän jebiri
hamana diýersiň tobakeş biri
ýok beýle däl, almak üçin alkyşy
gaýta-gatýa edýänlerden ýalňyşy

ýykylýan, urunýan, ýapyşýan tama,
ýada düşýär beren sözüm atama,
mert bolup dikelip, alyp özümi ele
aý, ýok... ünsüm ýene sowuldy ýele

näme ýetenok maňa düşünjek bolýan
ýiten aklymy başyma duşurjak bolýan
ulydan dem alyp, köşeşip biraz
pikirlerimi bir ýana üýşürjek bolýan

köp pikir edip düşdüm bir zada
ýalňyşlar toplanyp bolupdyr ada
munça ýalňyş maňa garaşyp durka
 gidesim gelip dur müdümi uka...