Ajy ýylgyryş
On bir ýyl ozaldy.
Golumdan tutup,
Buýsanç bilen getiripdi mekdebe.
Alan bahalarmyň muzduny berip,
Gündeligme gol çekerdi hepdede.
Ýöne olam uzak wagta çekmedi...
(Nätjek, kanuny ol goja dünýäniň).
Meniň bar gaýgymy zym-zyýat etdi,
Birje ýylgyryşy mährem käbämiň.
Mekdebe gatnardym, geçýärdi günler,
Kalbym torba deýin çekýärdi derdi.
Kä deň-duş oglanlar dädesi hakda
Gürrüň etse, ýürek jigläp giderdi.
Onsoň olar duýdular-da halymy,
Bu gürrüňleň arasyny kesdiler.
Içimde gizledim ahy-zarymy,
Onsuzam, ejemiň duýşy besdi-le!
...Soňky jaň.
Hemmeleň ýüzünde şatlyk,
Gülki-şagalaňlar galdy asmana.
Göwnüme dädem jan geläýjek ýaly,
Uçurym ogluny bagra basmana.
Men ömürlik çaga bolmaga razy,
Şol döwürler bir yzyna dolansa.
Ajy ýylgyryşly hiç ýylgyrmazdym,
Eger dädem meň ýanymda bolanda...
Medet MEDEDOW
25.05.2021ý.
Golumdan tutup,
Buýsanç bilen getiripdi mekdebe.
Alan bahalarmyň muzduny berip,
Gündeligme gol çekerdi hepdede.
Ýöne olam uzak wagta çekmedi...
(Nätjek, kanuny ol goja dünýäniň).
Meniň bar gaýgymy zym-zyýat etdi,
Birje ýylgyryşy mährem käbämiň.
Mekdebe gatnardym, geçýärdi günler,
Kalbym torba deýin çekýärdi derdi.
Kä deň-duş oglanlar dädesi hakda
Gürrüň etse, ýürek jigläp giderdi.
Onsoň olar duýdular-da halymy,
Bu gürrüňleň arasyny kesdiler.
Içimde gizledim ahy-zarymy,
Onsuzam, ejemiň duýşy besdi-le!
...Soňky jaň.
Hemmeleň ýüzünde şatlyk,
Gülki-şagalaňlar galdy asmana.
Göwnüme dädem jan geläýjek ýaly,
Uçurym ogluny bagra basmana.
Men ömürlik çaga bolmaga razy,
Şol döwürler bir yzyna dolansa.
Ajy ýylgyryşly hiç ýylgyrmazdym,
Eger dädem meň ýanymda bolanda...
Medet MEDEDOW
25.05.2021ý.
Состояние архива
● Полный текст
● Сохранено комментариев: 10/10
Опубликовано на сайте: yurekdesh.ru · Источник: копия Common Crawl — yurekdesh.ru, 14 июля 2025 · Индекс Common Crawl ↗
Комментарии 10
Men ömürlik çaga bolmaga razy,
Şol döwürler bir yzyna dolansa.
Ajy ýylgyryşly hiç ýylgyrmazdym,
Yürek bilen okadymda gaty gowy gosgy eken ❤️
Aixcam_nx, Köp sag boluň!
Her ata özüni sag wagty şeýle gerekledip bilsedi, käbir zalym atalar hem az däl. InşaAllah mähir hiçbir ýakyn ynsanlaň arasyndan kememesin. Herkimiň kalbyna ynsap bersin Allah.
Goşgy gowu çykan, ýürek bilen ýazylan söz ýürege tiz ýetýär diýleni. Üstünlik!
Anora, Sag boluň!
Gaty gowy goşgy paýlaşyp dur!
Arzyhan, Bolýa, sag boluň!
Mlds gowy gosgy eden
BAYOGUL, Sag boluň!
mowzuk okamana yaltanyan hele hele goşgy okamana yaltanyan kişem okadyda....gysgajykdan manyly gaty haladym
Diamante, Sag boluň, minnetdar!
Berekella! özüň näçe ýaşyňda?
Fantom, 22
medet_mededi, goşgyň gowy bolupdyr, başgada bamy ýazanlaryň?
Fantom, Sag boluň! Hawa bar.
Täsirli goşgy. Ýüregim gyýylyp gitdi.
Gulmahrem, Sagboluň düşünýäniňiz üçin!
Känbir mowzuk okaýan däldirin welin, şuny menem okadym boýdan-başa...
Orazjan, Köp sag boluň okaýanyňyz üçin!
Mmanyly eken sagbolun yetirenize
Sebap, Bolýa, size-de minnetdar!