HÖWÜRSİZ GÖWÜN
Bir men ýol tapmadym köňül şähriňe,
Duýgylarym gapyňdan kän kowuldy.
Teşneligmi gandyrjakdym mähriňe,
Arman guýy gazýan iňňäm döwüldi.
Bilýän giç düşüner nadan ýüregiň,
Didelerim kän zat aýtdy, aslynda.
Bugdaý dänäň öwrülşi deý çörege,
Ýollar aşdym ýalňyzlygyň paslynda.
Garyp dünýäm ýatdan çykan haraba,
Ýüregim - ýel tursa ýykyljak köpri.
Bagtsyz başym geçmişimde awara,
Arzuwlarym ýeriň düýbüne çökdi.
Gijeler soragma bermeýär jogap,
Biperwaý gündizler soramaz halym.
Soňsuzlyga gidip barýar aljyrap,
Yşk ýolunda pida bolan ykbalym.
Saçlarma goşulyp çalarandyryn,
Ruhum bezdi gülüp bakýan nikapdan.
Aslynda söýgini tanamandyryn,
Çaga deý aldapdyr okan kitaplam.
Uzaklardan derdim diňläp, syr saklan,
Tegmil düşdi päk ýüzüne Aýyňam.
Dag başynda sowuk gary gujaklan,
Gaýa bolmak düşen eken paýyma .
© Süleýman TEKÄÝEW
Duýgylarym gapyňdan kän kowuldy.
Teşneligmi gandyrjakdym mähriňe,
Arman guýy gazýan iňňäm döwüldi.
Bilýän giç düşüner nadan ýüregiň,
Didelerim kän zat aýtdy, aslynda.
Bugdaý dänäň öwrülşi deý çörege,
Ýollar aşdym ýalňyzlygyň paslynda.
Garyp dünýäm ýatdan çykan haraba,
Ýüregim - ýel tursa ýykyljak köpri.
Bagtsyz başym geçmişimde awara,
Arzuwlarym ýeriň düýbüne çökdi.
Gijeler soragma bermeýär jogap,
Biperwaý gündizler soramaz halym.
Soňsuzlyga gidip barýar aljyrap,
Yşk ýolunda pida bolan ykbalym.
Saçlarma goşulyp çalarandyryn,
Ruhum bezdi gülüp bakýan nikapdan.
Aslynda söýgini tanamandyryn,
Çaga deý aldapdyr okan kitaplam.
Uzaklardan derdim diňläp, syr saklan,
Tegmil düşdi päk ýüzüne Aýyňam.
Dag başynda sowuk gary gujaklan,
Gaýa bolmak düşen eken paýyma .
© Süleýman TEKÄÝEW
Состояние архива
● Полный текст
● Сохранено комментариев: 4/4
Опубликовано на сайте: yurekdesh.ru · Источник: копия Common Crawl — yurekdesh.ru, 8 июня 2026 · Индекс Common Crawl ↗
Комментарии 4
Gaty gowy
Elbetde gaýa bolmaly
Tüweleme sizlere beýleki progdada goşgularyňyzy üns edip okaýadym bärdede öňümden çykdyňyz gowmy ýagdaýlaryňyz
Garabela, Minnetdar köp sagboluň şükür Hudaýa gowy!
Gowy goshgy
koshejik, Minnetdar köpsagboluň!