DILEG...

Gulmahrem· 8 декабря 2025, 16:30 · 99 просмотровyurekdesh.ru

Gursagyňyz dünýä ýaly giňesin,
Nebsiňiz gysym deý, dar bolsun hernä.
Akyl bilen utuň durmuş hilesin,
Size gowy günler, ýar bolsun hernä.

Biz hemmämiz ýalňyşdyk öz döwründe,
Şol ýalňyşlar sanjy indi böwrüňde,
Haram işler tapylar her öwrümde,
Sogapdan paýyňyz bar bolsun hernä.

Hiç kim bir-birinden ýüzün sowmasyn,
Tersleşenler arasyny gowlasyn,
Dogan-doganyny görmän oňmasyn,
Gelimli-gidimli tör bolsun hernä.

Bärde syrly zat ýok düşünmez ýaly,
Her geçen günüňde bolmaly many
Oýnatsaň, oýnaýar wepasyz pany,
Bizde namys bilen, ar bolsun hernä.

Ömrüňiz ötmesin abyr-zabyrda,
Şu gün diri bolsaň, ertir gabyrda,
Puluňa, malyňa zat ýok aňyrda,
Hakyky dünýämiz nur bolsun hernä.

Ýazmyrat ÇÖRLI

Состояние архива

● Полный текст

● Сохранено комментариев: 4/4

Опубликовано на сайте: yurekdesh.ru · Источник: копия Common Crawl — yurekdesh.ru, 13 января 2026 · Индекс Common Crawl ↗

Комментарии 4

Belki 9 декабря 2025, 14:01

Dogan daganyny gorman onmasyn diyya welin, dagasa-da goruber diyyamika,zyom )

Belki, dogan-doganyny bolmaly meniň pikrimçe

Daniel, hawa, şeýle bolmaly. Men ýalňyşandyryn. Mekdebi zordan tamalanymy şunça bildirmejek boldum welin...

Daniel, hawa, şeýle bolmaly. Men ýalňyşandyryn.

Gulmahrem, Bu ýalňyşlar her kimde-de bolup biler normal halat

Daniel 8 декабря 2025, 19:02

Ajayyp goşgy!
Sagboluñ hernä @Gulmahrem

Daniel,
Dogan-daganyny görmän oňmasyn,
Gelimli-gidimli tör bolsun hernä.👍