Salamlashmak medeniyeti.

men bu temany yash wagtym bashga sahypalarda acypdym
shon-da sylayan agzamyn men mowzygynda yazan zatlaryny barigem goyayyn
oza rugsatsyzdyr 🙂 bilenoklar ay indi bu sahypalara giribem duryan daldirler, opba birden giryan bolsalar name?
onda onunden bagyshlam sorayandyr Agajan aga, 

Salamlaşmak

Öňem biri beýleki birine saglyk-amanlyk soraşmak niýeti bilen „Amanmy?“ diýenmişin. O-da „Ýok! Men Baýram! Aman yzymdan gelýär“ diýip jogap berenmiş.

Şeýle oňaýsyz ýagdaýa düşmezlik üçin salamlaşmak edebi barada kä bir zatlary öwrenip bilerdik. Salamlaşmagy bilýänler bolsa bilýänlerini berkitdigi bolar.

-----------------------------------------

Ilki bilen salamlaşmagyň nämedigini bileliň. Salamlaşmak arkaly adamlar bir-birlerine saglyk we esenlik arzuw edýärler.

Köpçiligiň içine barlanynda salam berip barmaly. Köpçiligiň içinden biri oturanlaryň adyndan siziň salamyňyza jogap berse, onda siziň salamyňyz alyndygy bolar. Eger-de hiç biri Allanyň buýrugy hökmünde beren salamyňyzy almasa, hemmesi günäkär bolar.

Diňe adamlara däl öýlere-de salam berilýär. Ilki bilen öý eýeleriniň hukuklaryny hormatlap, öýe girmäge rugsat soramaly, rugsat berlenden soňra öýe salam berip girmeli.

Salam bermek birek-birege hormat goýmakdyr, sylanyşygy-söýgini ýaýratmakdyr. Muhammet Pygamberimiz (saw) Jennete girmek üçin imanyň gerekdigini, imanly bolmak üçin hem birek-biregi söýmegi-hormatlamalydygyny öwredýär. Ol “…biri-biriňizi söýdürjek bir zady öwredeýinmi? Araňyzda salamy ýaýyň diýip ündeýär.

Salamlaşmagyň iň gözel görnüşi Es-selamu aleýkum diýmekdir. Salam berlen kişi bolsa We aleýkum-selam diýip jogap bermelidir. Türkmenlerimiz bu sözleri „Es-salowmaleýkim“, „Waleýkim-salam“ diýip biraz üýtgedibräk aýdýar.

Salam bereniňde şu aýratynlyklara üns bermelidir:

1. Ulagly barýan pyýada barýana, ýöräp barýan oturana, kiçi ula, azlyk köplüge salam bermelidir,

2. Tanasaň-tanamasaň adamlara salam bermek iň laýygydyr, emma gynansagam, uly mähelleli ýerlerde muny berjaý etmek kyn. Şonuň üçin diňe tanaýanlaryňa, gatnaşyk saklaýanlaryňa salam berseň hem ýeterlikdir.

3. Aýal adam erkek kişä salam berip bilýär we salamyny hem alyp bilýär. Ýöne, salam berende we alanda aýallar diňe garyndaşyna ýa-da zerurlyk bolan ýagdaýda özgelere-de salam bermelidir.

4. Häzirki döwürde aýallar salamlaşanlarynda diňe salam ýa-da salamälik diýýärler. Emma, bolmalysy şeýledir: eger bir aýal bir aýala salam berjek bolsa: Selamü aleýki, birnäçe aýala salam berjek bolsa: Es-selamu-aleýkunne diýmeli. Aýal-erkek garyşyk ýa-da diňe erkeklere salam berjek bolsa: Es-selamu-aleýkum diýmeli.

5. Öz öýüňize gireniňizde, öýde hiç kim bolmasa-da salam bermelidir. Şeýle etsek Pygamberimiziň öwredişi ýaly içerimize bereket geler.

6. Musulman däl adamlar bilen görşülende Salam hidaýete eýerenlere bolsun diýip salam bermek iň laýygydyr. Eger şeýdip salam bermek olary ynjytjak bolsa, onda olaryň salam berşi ýaly salamlaşmak has laýygydyr. Mysal üçin “Здравствуйте!”, “Привет!”, “Good morning!”, “Hello!” we ş.m.

7. Hajathana we hammam ýaly hapa ýerdäkilere salam berilmeýär.

Salamda elleşmek

Elleşiň, kalbyňyzdaky kine aýrylsyn, sowgat beriň, biri-biriňize söýgi döresin, araňyzdaky duşmançylyk aýrylsyn diýen hadys salamlaşmakdan soň elleşmegiň gerekdigini görkezýär.

Elleşilende iki eliň bilen salamlaşmalydyr. Ýöne ýeke eliň bilen salamlaşylsa-da zyýany ýok.

Aýallar bilen elleşmek ýalňyşdyr. Aýal ýaş bolsa we erbet pikirler döredip biljek ýagdaýda bolsa, onuň bilen elleşmek haramdyr. Ýöne garry aýallar bilen elleşmek bolýar.

Nahar iýlip oturylan bolsa, wajyp bir meseläniň maslahaty gidip duran ýerde ýeke-eke elleşip çykmak dogry däldir.

Ine dostlar, salamlaşmak edebi şeýleräk. Saglykda we esenlikde galyň!
Sag bol Agajan aga🙂

Wi yene bir yerden eshidipdim
Salam bermeklik sunnet, yone salam almaklyk parz

es-salamu-aleýkum mylaýym.
salamlaşmagy ýatladanyň üçin sag bol.
 
soragjagaz.
näme üçin suratyň ak pişik?

Mening bir soragym bar.
Mysal ucin:men bir oyung icinde,jayda ya-da otagda.Angyrda bir yashuly oye giryar    indi shu yerde kim birinji salam bermeli???Menmi ya yashuly?

Yene bir zat ehitdim,bir musulman adam salam berse WALEYKIMSALAM diyip salamyny almaly,eger kapyr adam salam WALEYKIM diyip salamyny almaly. Shular dogrymy-ka?

Jogap1: 1. Ulagly barýan pyýada barýana, ýöräp barýan oturana, kiçi ula, azlyk köplüge salam bermelidir
Edebiň ýagşysy - ulyny syla we ula hormat dessurlary boýunça, ula salmak berilse gowy!
 
Jogap2:  6. Musulman däl adamlar bilen görşülende Salam hidaýete eýerenlere bolsun diýip salam bermek iň laýygydyr. Eger şeýdip salam bermek olary ynjytjak bolsa, onda olaryň salam berşi ýaly salamlaşmak has laýygydyr. Mysal üçin “Здравствуйте!”, “Привет!”, “Good morning!”, “Hello!” we ş.m.
 
Salam bermeklik sünnet,  salama jogap bermekllik parz diýen dessur boýunça-da, hökman salamyna jogap berilmeli.

Mylayym jogaplaryny haladym. sag bol! Yone turkmenlerde salamlashmagyn yasha gora bir dabinin bolshy yaly jynsa gora hem oz ayratynlygy bar. Mysal uchin ayal adam salam erkek adama salam berende irki dowurlerde bashyny chalaja etek edipsag elini gursagyna goyyan eken. Bu sessiz salamlashmak yash gelin gyzlarda erkege salamdyr. Emma yashy uly zenanlar bolsa saglyk amanlyk sorashyp bilyan ekenler. Yone eger erkek ilki goluny uzatsa onda ayal adam hem namahrem erkegin dine goshardan chalaja tutup(hokmany yagdayda yenli koynekli bolan halatynda erkege ayal mashgala salamlashmak uchin gol uzatmak bolyar) salamlashyarlar.

Täzeräk:

Jogap1: 1. Ulagly barýan pyýada barýana, ýöräp barýan oturana, kiçi ula, azlyk köplüge salam bermelidir
Edebiň ýagşysy - ulyny syla we ula hormat dessurlary boýunça, ula salmak berilse gowy!

Jogap2:  6. Musulman däl adamlar bilen görşülende Salam hidaýete eýerenlere bolsun diýip salam bermek iň laýygydyr. Eger şeýdip salam bermek olary ynjytjak bolsa, onda olaryň salam berşi ýaly salamlaşmak has laýygydyr. Mysal üçin “Здравствуйте!”, “Привет!”, “Good morning!”, “Hello!” we ş.m.

Salam bermeklik sünnet,  salama jogap bermekllik parz diýen dessur boýunça-da, hökman salamyna jogap berilmeli.

Sagja bol!!!👍

gara pişik:
es-salamu-aleýkum mylaýym.salamlaşmagy ýatladanyň üçin sag bol.
soragjagaz.
näme üçin suratyň ak pişik?

bärde eken-ä salamlaşmak barada giňişleýin maglumatlar, men bolsa başga bir ýerde haýyş edip ýören ekenim. Ine-dä, şol bir zat üçin iki aýry mowzuk açylsa.