"HOŞ SÖZLERI AÝDYŇ BIREK-BIREGE!"

SAPARMYRAT NYÝAZOW

"Hoş sözleri aýdyň birek-birege!"

Hoş sözlerde näçe gudrat-ýakym bar!
Dary ýaly sözde dag deý akyl bar,
Goý, bu dünýä hazynany, akyldar,
Hoş gelersiň Hudaýa-da, ile-de,
Hoş sözleri aýdyň birek-birege.

Söz ýürekden çyksa, jöwher ýaly bor,
Jan-jigerden eziz, nurdan doly bor,
Allanyň hikmeti, Arşyň haly bor,
Kalbyňyz gujagyn açsyn didede,
Hoş sözleri aýdyň birek-birege.

Doýma ýokdur janan sözüň dadyndan,
Adam ogly uçar göwün şadyndan,
Dünýe ýaz bor ýeke sözüň odundan,
Duz sözlere orun goýman arada
Ýaz sözleri aýdyň birek-birege.

Adam ogly jümle-jahan şasydyr,
Bir söz - toýdur, bir söz günüň ýas eder,
Dana sözler doga bilen bäs eder,
Kalbyňyzy dünýä ýaly giňede,
Nur sözleri aýdyň birek-birege.

Jümle ýyldyrymlap döner çyraga,
Göwnüň joşup atlanarsyň byraga,
Hoş zyban beripsiň Saparmyrada,
Dosty dogan ede, ile il ede,
Hoş sözleri aýdyň birek-birege.