Näme üçin Türkmenistanda lukmanlaryň nädogry iş etmegi bilen we öz nebsini gözlemegi bilen adamlar ezýet çekmeli!?

Näme üçin Türkmenistanda lukmanlaryň nädogry iş etmegi bilen we öz nebsini gözlemegi bilen adamlar ezýet çekmeli!?
Şeýle bolan wakanyň şaýady bolduk, garyndaşymyz Gulşadyň ekiz çagasy garnynda barmyş diýip habar eşitdik, hemmeler gaty begenipdiler. Gulşat gezmäne zada gelende onuň garnyndaky çaganyň ösüp ulalýandygyny, onuň garnynyň ulalşyndan hem görüp bolýardy. Her aýda diýen ýaly ony lukman çagyryp barlagdan geçirmeli edipdir, bolýar barlagdan geçse gowy, ýöne her gezek baranyňda lukmanyň jübüsine dykylmaly puljagazy her gezek nireden aljak, munuň üstesinede, hiç hili gan almazdan ýada başga barlag işlerini geçirmezden, çünki şeýle zatlary hem ýok bar bolsada ol üçin hem ýene pul bermelidä, saňa bu derman gerek, bu sanjym gerek diýip hem kelläni agyrtýarmyş diýip hem eşidýärdik. Gulşadyň çagasy alty aýlyk bolup barýardy, bu gezek lukmana baranda, lukman oňa çagalaryň gaty tiz ösýär, garnyň gaty uly, çagalar hem gaty uly bu sebäpden sen biziň keselhanamyzda ýatmaly, biz çagalaryň ösüşini saklamak üçin derman zat berip size seretmeli, ýogsa garnyň ýarylyp saňa zyýanly bolar, diýipdir. Näme çagalar ösmeli dälmi, bolmalysyndan uly bolýan bolsa belki kakasy daýawdyr, atasyna çekendir uly daýawja çagalar doguljakdyrda, ondan başgada onuň garnyndaky ekiz bolsa garny uly bolarda. "Beýle gidiş bolsa çagalar garnyňy ýaryp biler..." diýip gorkuzmak näme gerek. Hudaý daýaw çaga beren bolsa, olar hem sag-aman ösýän bolsa olaryň dogulmagynyň hem Hudaý aladasyny ederdä! Ýok, lukmana ýene-de pul gerekdi, bu gezek ony keselhanada ýatyryp käbir dermanlary satyp bilse, ýatjak krowatyna pul alyp bilse, ol lukman ogluna BMW alyp bermegine ýetmeýän puly hem gazanyp biljekdi... Gulşat we onuň adamsy lukmanyň diýýänlerine çyndan ynanýardylar, çünki ekiz çagalarynyň sag-aman dünýä inmegi üçin, iň soňky zadyny hem satyp bermäge taýýardylar. Özleiniňä, ýaşamaga öýleri hem ýokdy, on dogany we ejesi we kakasy bilen, ene-atasynyň ýanynda ýaşaýardylar, munuň üstesinede Gulşadyň adamsy işsiz gezip ýördi, çünki ol Türkmenistanyň merkezi bolan kaşaň Aşgabatdan ýüzläp kilometr uzakda, bir obada daýhançylyk etmek bilen meşguldy. Gulşadyň ýoldaşy bar bir sany süýt berýän sygyryny satyp aýalyny, keselhana ýerleşdirdi. Gulşat keselhana baranda, onuň garnyndaky çagajyklaryň gymyldap durdylar, ene özüni hem gowy duýýardy. Lukman almaly puluny alandan soň, öňküsinden has ýakymlyrak gürläp, wada eden dermanlaryny sanjym edip başlady. Bir iki gün geçensoň,  garnyndaky ekizleriň gymyldap oýnaklaýandygyna öwrenişen Gulşat, çagalaryň gymyldamaýandygyny duýup başlady. Ene ýürek birzatlaryň nädogrudygyny duýýardy, emma 5 ýyllap gije-gündiz edip okap gelen lukman menden gowy bilýändir diýip oňa ynandy. Üçülenji güni lukman Gulşady barlap gördi...çagalaryň ýürek urmasy düýbünden ýokdy...sanjylan dermanlar olaryň eýjejik ýüreklerini...bü dünýä gelip ene-atasyny, il-gününi şatlandyrjak...belkide alym, alym bolmasa-da adam boljak..eýjejikleriň ýüregini togtadypdy... Lukman çagalaryň ölendigini bildi, emma onuň nebsi ony öz gününe goýmady...Ol Gulşadyň ýoldaşyny tizara ýanyna çagyrdy we şeýle diýdi: "gelniňi keselhanadan tizara alyp git, bu wagt elimde baryny etdim...çagalaryň ölendigini we tiz wagtdan Gulşada garnyndaky öli çagalaryň doguljakdygyny bilýän lukman... dowam etdirip: çagalaryň ir dogulyp biler we bu ýagdaýda gelniň hem ölmegi mümkin, bu sebäpden ...1000$ dollar alyp meniň ýanyma gel başg lukmana baraýma...men özüm saňa kömek ederin"
Gulşadyň ýoldaşy aýalyny alyp öýüne gaýtdy...Gulşadyň ýagdaýy bolsa iki üç gün geçmän erbetleşip başlady, garnyndaky öli ekizler...bu wagt onuň janyna howp salýardy. Ol garyp oglan näme etjegini bilmeýärdi...1000$ nireden almaly...iň soňkyja sygyryny hem satypdy...diňe ýekeje çykalga daşary ýurtda günlükçilik edýän bir dostydy. Ondan 1000$ karz aldy we tizara aýalyny alyp şol lukmanyň ýanyna bardy.
Gulşat keselhana barada gan akmasy güýçlenip ölüm ýagdaýyna düşüpdi, lukman näme üçin bu zatlaryň bolýandygyny bilýärdi...we bu sebäpden özüniň öldüren ekizlerini enäniň garnyndan aýyrmak bilen boldy.
Lukmanyň aladasy bilen däl-de Hudaýyň gudraty bilen Gulşat ölmän galdy...lukman bolsa çagaňyz dogulanda öldi, bu üçin gynanýan diýip olary ynandyrmaga çalyşdy we öz eden işiniň hiç kimiň bilmezligi üçin aladalandy. Gulşat bolsa ilkinji gezek keselhanada ýatanda bu zatlary duýupdy... ol hiç zat edip bilmejegini blýärdi...diňe ezýetden we gamdan dolup aglap Hudaýa perýät etdi.
Şu wagt alan karzlaryny gaýtaryp tölemek üçin bolsa beýleki ýaş iki çagasyny taşlap är-aýal Türkiýe günlükçilik etmäge gitmäge mejbur boldular! Türkler hem gujak açyp garaşanok olara...olaryň elinde görjek ajy günleri olaryň çeken ezýetleriniň üstesine çydardan agyr bolar diýip alada edýärin...