AWARANYŇ AÝDYMY
Ruhumy bar zatdan boşatdym şu gün,
Başymda-da alada ýok, söweş ýok.
Ömrüň galan menzilini sanmaga
Hem ony söýmäge zerre höwes ýok.
Indi sabry-kararym ýok çykmaga
Meýlis keýpi bilen säher düze-de.
Düýn obada jaýlap gaýtdym ejemi,
Şu gün geldim siziň şäherňize-de.
Tukat, soňsuz görnen bu gijeleri
Birmahal hilesiz geçirjekdim men.
Ýeňles-ýeňles duýgulardan ýeňilip,
Şu gün şonuň üçin ejir çekdim men.
Oňat işleň başynda-da durmadym,
Durmadym ne gohdan, ne jeňden daşda.
Belki, şoň üçindir ýagty dünýede
Söýen ýokdy meni ejemden başga.
Siziňem şäherňiz ýaranok maňa,
Meger bärde uzak durmasam gerek.
Gözlemeli borun nämedir bir zat
Ýitiren, tapmadyk zatlarma derek.
O belli, ýüregmiň boşan künjüne
Söýgi, mähir gerek gyş dolmaz ýaly.
Onsoňam dost derkar ýa bir ýürekdeş,
Ölemde meýdime guş gonmaz ýaly.
Awtory Kab.
Состояние архива
● Полный текст
● Сохранено комментариев: 26/26
Опубликовано на сайте: ertir.com · Источник: копия Web Archive — ertir.com, 1 мая 2012 · Открыть оригинал ↗
Комментарии 26
öran owadan hem manily goşgy!sag bol awtor!!!yaşa!!!!!
Ertir bir bashdan Edebiyatchy agalar bilen pikir alysharys-da!🙂
Gowy yazylypdyr.Sagbolun
Kab aga, goşga söz ýok, ýöne munda gaty uly hesretiň
ysy gelýär. Ilki bilen yzy ýarasyn. Size maslahat ýa düzediş bermek üçin entek
köp çorba sowatmaly. Ýöne pikirlerimi ýazaýyn.
Goşguda dünýäden doýanyň ahylaryny aňýan.
Biziň ynanjymyzda giden bilen gidilmeýär. Eje, şeýle bir gerekli welin, onuň
ýaşy bolmaz. Oňa näçe hyzmat etsek azdyr. Allah ýüregiňize giňlik bersin. Biz imanly
adamlar Allaha şükür. Bu dünýä ähli zadyň soňy däl. Bakylygyň başlangyjy. Her janly
bir gün hökman girer ýeriň gujagyna. Dilde aňsat bolsa-da, kakamy ýitiren adam hökmünde
bulary aýdyp bilýän.
Ruhuňyzy boşatmaň, sizden bu dünýäde bir
adam umydygär bolsa, diýmek şonuň üçin ýaşamaly. Ömrümizi sorap almadyk,
soramanam alarlar. Adam geler, adam geçer, dur diýip bolanok. Gorkyňam ajala
peýdasy ýok.
Bärde her kim öz möwritini doldurýança
ýaşar, muny özüňizem has gowy bilýäňiz. Adamy ejeden başga çyn ýürekden söýjek
bolmaz. Gurbannazaryň aýdyşy ýaly, gelin köýnegi ýuwar, eje dolagy. Eger çaga
ejeden öň gitse, ol has beter bolardy. Çaga öwrenişýä ejesiniň ýoklugyna, eje
welin şol bagry girýan oturýar.
Bu ýalançy görünýän dünýäde siziň entek
edip biljek ýagşylygyňyz, oňat amallaryňyz bardyr hökman.
Nesip bolsa ýene-de gowy goşgularyňyza,
biziň goşgularymyz barada pikirleriňize garaşýas.
Awara name diymek bolya-ka?
Başda Awaranyn aydymy diyip teman adyny okamda Hindi Awaramu diyen aydym yadyma düşdi...
Goşgyny haladym agam, galamynyza bereket!
Sheyle temadaky goshgulary gowy göryän. Köpüräk paylashyp duruñ!
Awara - azashan, yoluny yitiren diymek bolyamyka diyyän. Awara shemal diyilyä käte azashan shemal manysynda.
awara[a:wa:ra]
Ilki bilen, düşünişime görä, ejeňiziň imany hemra bolsun, size-de Alla sabyr bersin. Özüňize tizden tiz ýürekdeş tapynmagyňyzy diläp size duýgudaşlyk bildirýärin. Bu dileglerime goşmaça, Define agzanyň pikirlerine goşulýan.
Edebi tarapdan özümi eseriňize pikir goşar derejede duýamok. Eseriňiz ýürekden ýazylan, ýöne bir duýgy tupany astynda (belki howlugyp) ýazylana meňzeýär. Galamyňyza berekella we paýlaşanyňyza sagboluň.
Keseden seredeniňde gönidir öýdülýän binanyň egrilikleriniň has gowy görünip bilnişi ýaly menem gözüme egrilik ýaly bolup ilen zatlary belläýin.
Bogun sanyny gabat getirmek üçin üýtgedilen
*** Ömrüň galan menzilini sanmaga
setirindäki sanamak işliginiň üýtgedilişi näsaz bolupdyr. Galan ýerlerde üýtgedilen sözler okalyşy ýaly ýazylan, ýöne bu ýerde okalyşyndanam üýtgeşik bolupdyr.
Oňat işleň başynda-da durmadym, ***
setirindäki -başynda-da- sözi özünden öň şuňa meňzeş bir hal-hereket bar ýaly bir duýgy berýär. Munuň ýerine -başynda kän durmadym- ýaly bir söz, ýa-da -işleriň başynda- ýaly bir söz getirilse saz bolardy.
Mundan başga zat meniň filterime ilmedi. Galan pikir we tankytlara ýaşulylardan sabyrsyzlyk bilen garaşýan.
Kab aga, goshguny gaty haladym.
oturyp niresini seryozno uytgedip bolarka diyip pikir etsemem artykmach yada kem yerini tapmadym.
haladym.
Kab aga,goshgy jayyndan bolupdyr. Men-a haladym! Eger doshga duzedish bermeli bolsa,onda men pas diyjek.Ejiz gelyan!
Goshgyny okap,hindiler AWAARA(Sergezdan) kinosy yadyma dushup gitdi.Goshgynyn gahrymany shonun keshbinde goz onume geldi.
Ejeler perzentden gitse kyn,yone perzentler ejeden gitse,has beter. Muna ozumem shayat:(
Ozbeklerin aydymlaryndan bar:
Yarym konlum,hany dolsady,
Godek kalbym didar kuysedi.
Sachlary ak,hassa bolsa hem,
Aranyzda enem bolsady. (Ozadbegin aydymy ONAM BOLSAYDI)
Pikirim:
Goshgy gaygyly goshgy bolsa-da,gowy goshgy. Yone,shu setirinde terslik bar yalymy,namemi:
Indi sabry-kararym ýok çykmaga
Meýlis keýpi bilen säher düze-de...
Sabry-takat bolmasa,onda,gyssanyan yaly dalmi?? Son meylislere chykmana gyssanyamy?
Salawmaleýkim, Kab aga!
men bu goşgyny öňem okapdym, ýöne siziňkidigini bilemokdym. goşgy maňa gaty ýarady.
goşgudan erjelligiň, garadangaýtmazlygyň, şeýle-de dyňzap duran hyjuwyň ysy bark urýar.
gaty oňat kapyýalar pikirler bilen sepleşip gelip, goşgyny bezäpdir. bir söz bilen aýdanda, ajaýyp goşgy.
okanymda öz başdan geçiren pursatlarym göz öňümde janlandy.
bir bada güýçli pessimizm duýulýan ýaly-da bolsa, men şol göwnüçökgünligiň arkasynda dişini gyjap duran, uly planlar boýunça göwün ýüwürdýän we ony durmuşa geçirerine mähetdel bolup duran liriki gahrymany görýärin diýip arkaýyn aýdyp bilerin.
siziň goşgy ýazýandygyňyz şunlukda äşgär boldy. galamyňyzyň bady ýadawlara, ýolda galanlara güýç bersin.
Kab aga salam, goshgy sizinkimi? gaty gynandym Imany hemra bolsun!
:'(
Goshgynyzy okap gaty gynandym. Ejenizin jayy jennetde bolsun, iman baylygyny bersin. Sizede Alla kuwwat bersin, yureginize gar yagsyn. Eje- gor sende nace diysen gudrat bar.
Shahasyn yel oynamadyk agach yok
Omrunde zat yitirmedik barmykan...
Kap dos, kalpdash dos!
Bu dunyen gurlushudur bi,
EJE yalam mir zat boormi,
yzy yarasyn, Allajan iiman baylygny bersin, jayi jennet bolsyn!
Ne gun bilen meni dunya innirdin,
Ak suyt berdin, getirdin son kemala.
Yer dyrmadyn, gezzim iillen kemsinman,
Gezzim ozum gazanan dey hamala.
Bu gun senin yssy mahrin kuusedim,
Birje gezek dolonsodun, duysodun
Menem gallym kakadan byr yashymda,
Ata terwiyesin beren hem Kawam.
Yedi gulun gerdeninne gotorup,
Bizi yallap, gijesne dik oturup,
Durmush sutemini goren hem Kawam.
Dokuz yyllyr bizem jyda Kaweden,
Eziz Kawam dolanmady tazeden