Gunun hadysy

Pygamberimiz Muhammed s.a.w. aydypdyrlar:
 
Kiçilerimize rehim-şefgat etmeýänler we ulularymyzyň gadyr-gymmatyny haklamaýanlar bizden däldir.
 
Dushundirish:
 
Ynsan jemgyýetlerinde bolýan bozuklyk, maşgala bozuklygyndan, maşgala bozuklygy hem aralaryndaky ýaşulylaryň haklary, mertebeleri tanalman, ýaş kiçileriň hormatlary tutulmazlyk sebäbine peýda bolýar. Ýaş kiçilere mähribanlyk, olary lälik saklamak diýen söz bolman, belki olara edep-terbiýe öwretmek, dini we dünýewi hajatlaryny gerek mukdarynda üpjün edip, gereginden artyk zadyň, erkeligiň, lälikligiň zererli netijelerini öwretmekden ybaratdyr. Läliklik sebäbine aýnap, häsiýeti bozulyp, öz diýenli, başgalary özüne hytmatgär hasap eder. Emma sarlyrak tutmak sebäbine gylygy ýumşak, boýun egmäge ukuply, özüni hiç kimden artyk hasap etmezlige adat eder. Çaga terbiýesiniň iň birinji kadasy öz golundan gelýän işi ile buýurman özi düzetjek bolmagydyr. Emma şu usuly çagalara zabt edip däl-de, merhemet ýoly bilen öwretmek we ganyna siňdirmek lazymdyr. Özüne gerek işi başarmaga öwrenen we başga ýagşy adatlara endik bolup ösen ýaşlar, milletiň gerekli bir agzasy bolup ýetişerler. Ýaşaýyş we durmuş ýollarynda dogry ýöräp bilerler. Öz başarjak işini özi etmän, kişilere ýük bolýan, iýmek-içmekden başga üntüşigi ýok ýigitler, galan ömrüni bozuklyga taýýar edip, özüne-de, milletine-de bir pisselik peýda ýetirmezlikden beter ile-güne yza we melamat bolar. Her bir milletiň naçar ahwala düşmegi, dini wezipeleri berjaý etmezlikden başlanýar. Beýle halklar soňabaka din yslam hakynda biedeplik edýärler, küfür (käfirlik – Allaha iman etmezlik) sözleýärler, nika we päkize lukma ähmiýet bermeýärler. Maşgala hormatyny saklamaýarlar we fysky-pesatlara (bozuklara) ýüz urýarlar. Şol dinsizlik, bozuklyk sebäbine her dürli kesellere sezewar bolýarlar. Şunlukda bozuk ýaşlardan bozuk millet döreýär. Her halda şu hadys şerif diňe musulmanlygyň däl, belki ynsanlygyň hem mizanydyr. Kiçilere hormatsyz, ululara yhtyramsyz bolýan kişileri musulman sypatynda sanamak mümkin bolmaýşy ýaly ynsan suratynda görmek hem degerli bolmaz.